A la Royne

Madrid, 27 février 1572.

Madame, M. de S* Gouart est arrivé en ce lieu le xxiij du

» Autographe. Bibl. Nat., ms. fr. 16403, f657.

N" 310 ET 3ii. — 44 MARS i572 425

prosent et m'a donné les letres qu'il a pieu à Voz Majestés m'escrire du xx"' de janvier; ensemble m'a communiqué ses instruction et memoyres, que luy et moy ensuivrons sans y faillir d'un poinct. Etpour commencement,Madame, nous irons demain à l'audience du Roy Catholique, duquel je prendray aussy mon congé, puisque Voz Majestés me le permectent; dont je leur baize très humblement piedz et mains; estant bien fort aize d'avoir pour successeur ung si home de bien, sy remply et acompaigné des parties et vertus pour faire dignement toute grande charge, comme led. s' de S* Gouard. Auquel je ne fauldray de dire et faire entendre ce qu'il a pieu à Voz Majestés estre traicté et negotié par moy durant six ans et demy. Cela faict, Madame, je m'achemineray aveques feme et enfans droict à Bayonne regaigner nostre maison où je feray peu de séjour de mon gré, car je dezire m'aller rendre aux piedz du Roy et vostres, supplier très humblement Voz Majestés me vouUoir pardonner de quoy je ne me suis acquicté de ceste negotiation si deuement que j'estoys tenu. Au reste, Madame, don Diego de Cunigan'est encore venu; il ne peult guerre plus tarder. Aussy Mesdames voz petites filles se portent très bien, comme le conte de Nugaruolo, gentilhome de la bouche de l'Empereur^ vous scaura dire, par lequel j'escriptz ce petit mot à Vostre Majesté; et il s'en retourne en AUemaigne.

Madame, je prie Dieu qu'il vous conserve très longuement en parfaicte santé et très contente félicité. De Madrid, le xxvij de febvrier 1572.

Vostre très humble, très obeyssant et très obligé subject, vassal et serviteur.

FORQUEVAULX.