A la Royne

Madrid, 14 mars 1572.

Madame, Nous fusmes Monsieur de S* Goart et moy à l'audience du Roy Catholique le xxvij"* du passé, sa présentation f aicte et sa charge représentée si bien qu'il ne fust esté possible myeulx. J'esperois retourner aune aultre fois vers led. S' Roy pour m'en

' Autographe. Bibl. Nat., ms. fr. 16103, f 659.

licentier; mais il partist lendemain de bon matin pour Escuryal, où il n'a vouUu permectre que je le soye allé trouver, ny n'en a esté de retour que hier seuUement. Sa Majesté m'a assigné à demain ; et prins que j'auroy mon congé, je feray peu de séjour en ceste court, me comandant mon debvoir et dezir de m'aller rendre à la votre au plustost que je pourray; mais non par la poste ; car aussy Voz Majestés ne m'ont point commandé de faire diligence. Et cependant je n'ay, Madame, vouUu perdre la commodité de ce gentilhome du conte d'Arenberghe, qui m'a promys de donner ceste letre à Vostre Majesté, lequel va aux Païs Bas et passera par vostre court; assurant à Vostre Majesté que les Majestés Catholiques et les Altezes se portent fort bien, mesmes Mesdames les Infantes, despuis que elles sortent prendre l'air hors du palais.

Quant aux nouvelles, Madame, j'aysceu que don Juhan d'Austrie debvoit partir de Sicille et aller à Tunes pour empescher que les Turcz ne la fortifflent, comme ilz ont commencé; et arrivées que seront xxv gallères qu'il envoyé en Espaigne, les quatre ou cinq mil bizognes s'embarqueront là dessus; et s'en iront le trouver pour servir à reffermir et remplir les compagnies qui ne sont complettes. Touchant au duc de Medine Cely, il est encore à Laredo, atendant le vent pour naviguer en Flandres, ayant donné grand desgoust au Roy, son maistre, de quoy il ne poursuyvit son voyage puisqu'il estoit à la voille esloigné desjadud. port quand la tourmente survint; car s'ileust suyvy la route de son avant garde, il fust arrivé aud. Flandres aussy bien que elle (îct; sur laquelle passèrent de quatre à cinq cens soldatz. Don Pedro Faxardo est party pour AUemaigne et Polonie par la poste tirant à Barcelonne. Don Diego de Cuniga est venu ces jours passez et est icy atendant sa depesche d'ambassadeur pour partir dens trois ou quatre jours, et s'en ira repasser par sa maison pour faire acheminer sa feme et famille: lequelle ne viendra point par ceste cour; ains luy et elle prendront leur droit chemin à Rayonne. Ce sera par tout avril qu'ilz seront auprès de Voz Majestés. Maistre Monteze est party d'icy le vij*" de ce mois faire cinq compagnies d'infanterie aju royaulme de Valence pour les passer à Oran là oii il s'en retourne. Aussy le duc de Medine Cidonia entra en ceste ville le premier jour de

N- 31 i ET 312. — 15 MARS 1572 427

ced. mois luy cinquanliesme en poste et toute la cour le fust recevoir aux champz. Il fiança le jour d'après la fille du prince d'Evoly âgée d'environ xij ans. On parle d'un juegodecoagnas(?) qu'il drece pour dimenche prochain. Des aultres particularitez, je veulx bien croire que led. s' ambassadeur Monsieur de St Goart vous en donne advis par sa depesche; mais il luy tarde grandement d'avoir quelque nouvelle de France; aussy faict il à moy ; car celle qu'il a apportée du xx"* de janvier est la plus fraische que nous en avons receu. Il s'est trouvé mal ces deux ou trois jours; mais ce ne sera rien.

Madame, je prie Dieu qu'il vous maintienne très longuement en très accomplie félicité et santé. De Madrid, le xiiij"" de mars

Vostre très humble, très obeyssant et très obligé subject, vassal et serviteur

FORQUEVAULX.