A la Royne

Dax, 17 avril 1572.

Madame, S' il est ainsy que le màryage de Madame votre fille soit accordé et la cerimonie des fiançailles passée avecques Monseig' le prince de Navarre, ainsy que ung sien secrétaire venant de votre court a dict en passant, deux jours a, par ceste ville, lequel portoit les pactes aud. s% c'est le debvoir que voz serviteurs s'en resjouyssent faisant compte que Voz Majestés auront

» Autographe. Bibl. Nat., ms. fr. 16103, f 671.

préféré ce party à celluy de Portugal pour aulcun grand advantage que elles y auront cogneu; et debvons prier Dieu qu'il le face succéder à votre contentement. Le propoz, Madame, se disoit assés à Madrid et parmy Espaigne devant mon parlement; mais peu de persones le vouloyent croire et allegayent pour une raison qu'il y a du cousté de Navarre 4ix raisons en faveur dud. Portugal. Lesquelles, s'il plaira à Votre Majesté les oyr de moy quelque jour, je les luy diray encore que ce doibve estre trop tard; si l'opinion que j'ay tousjours eue du grand plaizir que vous aurez faict au Roy Catholique de luy laisser le Roy son nepveu pour estre son gendre ou de l'Empereur, afin que votre coronne ne se fortiffiast d'une si grande alliance qui eust grandement affaiblv celle de Castille.

Pour ceste heure, Madame, je n'en diray plus à Votre Majesté, estant la présente pour vous supplier très humblement qu'il *soit votre bon plaisir de commander que les sommes qui me restent à venir de l'année passée me soyent payées promptement, afin de nn'ayder à payer les appoticaire et tailleur de la feu Royne Catholique votre fille, ausquelz je suis débiteur de plus de quinze mil livres que je n'ay moyen d'aquicter sans la libéralité du Roy. Surquoy ce porteur Laplace en présentera ung petit memoyre à Votre Majesté, qui sera servie, s'il luy plaist de me faire accorder ma requeste très humble, mesme que je pence avoir fort bien gaigné ce que je demande. Et n'y a pas lieu sur la fin du septiesme an de ma négociation de me faire perdre ce qui m'a esté continué paravant; car ainsy j'avois trop meilleur moyen de sortir et me desengager d'Espaigne, il y a quatre ans que je n'ay heu oncques puis ; et tant plus je y suis esté retenu, tant plus les difficultez sont augmentées pour m'en pouvoir sortir quand il a pieu à Voz Majestés m'en retirer. Me confiant donc, Madame, en vostre bonté et de la justice de mon faict, je ne vous seray prolixe ne importun plus oultre que j'ay esté; et sur ce.

Madame, je prie Dieu vous voulloir conserver très longuement en parfaicte santé et très acomplie félicité. De Dax, le xvij"* jour d avril 1572.

Vostre très humble, très obeyssant et très obligé subject, vassal et serviteur.

FORQUEVAULI^

APPENDICE • N* 404, tome I", p. 275, lisez :