AlaRoyne
Madrid, 2 octobre 1567.
Madame, Je fuz veoir disner la Rojne Catholique le jour S* Michel; et m'ayoit promjs d'escrire à voz Majestés led. jour. Mais lendemain au soir, comme j'aten dois ses letres, ayant les miennes prestes, Sa Majesté me manda par ung de ses reposteros que le Roy Catholique vouloit respondre à Vostre Majesté, me priant de retenir ma dépesche par deux jours, pençant que j'en- Toyasse ung courrier. J'ay atendu jusques à ce matin ; et toutesfois lesd. letres ne sont point venues, ny j'ay yoIu importuner Leurs Majestés pour les m'envoyer, ne aussy différer davantage de faire partir mesd. letres par ung messager & pied d'icy & Bayonne, afln que Voz Majestés ne soyent longuement en peine de scayoir nouvelles de lad. Dame Royne; vous asseurant, Madame, sur ma vie, qu'estant si prest de son enfantement, comme elle est, car, Dieu aydant, ce sera dans le ix"* de ce mois, jamais elle ne se porta myeulx, bien que elle est ung peu deffaicte au vizage; et va toutes les après disnées au monastère de S* Jeronime oyr vespres et faire exercisses. Le Prince d'Espagne, la Princesse et les Princes de Bohème luy font souvent compagnie. Toutz les matins, après la grand messe de la chapelle du chasteau, les chappelains et chantres de lad. chapelle vont en procession parles galleries dud. palais, et continueront jusques aux couches de mad. Dame, priantz Dieu les luy donner très heureuzes. Led. S' Roy a encore ung peu de touz depuis lad. S' Michel; mais il ne laisse de sortir à la messe pour cela; et hier s'enferma en son cabinet plus de deux heures avec le confesseur de Bond. filz. On pence que c'estoit pour le reprendre qu'il avoit tort des insolences et désobéyssances d'icelluy à faulte de les luy blasmer, comme son debvoir veult. Je ne sçay si les advis dud. confesseur amenderont les roaulvaises meurs dud. Prince, lequel veijlt bien estre estimé bon catholique.
Il est bruy t. Madame, que le marquis de Pesquere ira visroy de Sicille ; le duc de Feries, qu'on appelloit cy-devant conte, ira visroy de Naples, le s'Loys Quixade lieutenant général du duché de Milan. Quant à don Garsie, il est malsain de sa persone et malvolu des Siciliens; il pourroit bien demeurer en Espagne, sans charge aussy des gallères, car on a petite satisfaction de luy. Le duc d'Alcala, visroy de Naples, demande à retourner par deçà: aussy faict le duc d'Alburqueque; par ainsy on dict qu'ilz auront lesd. successeurs. Jehan André ne bougera d'icy de cest hiver; par quoy j'auray meilleur commodité de le faire presser de délivrer les forçatz François qu'il tient; et
> Les six lettres qui suivent, appartenant au tome I«% sont ici rééditées d'après les expéditions onginales, qui ont été retrouvées dans l'intervalle, s Autographe. Bibl. Nat.. ms. fr. 16103, f> 318 bis.
n'oblieray d'en solliciter ceste Majesté. La Rovne yostre fille va ce matin au monastère de lad. Princesse, demain ira aux Cordelliers, changeant toutz les jours de station et vizites d'eglizes jusques à sesd. couches.
Madame, je prie Dieu me donner la grâce de vous en pouvoir faire entendre bientost telles nouvelles que Vostre Majesté les dezire, et vous doint très heureuze, très contente et très longue vie. De Madrid, le deux™" jour d'octobre 1567.
Vostre très humble, très obeyssant et très obligé subject, vassal et serviteur.
FORQUEVAULX.
N« 107, tome 1", p. 279, lisez:
