Au Roy

Madrid, 15 octobre 1567.

Sire, Vostre Majesté scaura dens trois ou quatre jours la nouvelle des couches de la Royne d'Espagne par ma depesche du dix de ce mois ; et par la letre que j'escriptz présentement à la Royne appert de la santé et de son bon portement. Je toucheray donc par ceste cy ce que j'ay aprins de nouveau, ces quatre ou cinq jours, comme est, Sire, que le secrétaire de la Duchesse de Parme nommé le Machiavel, est party'd'icy le xiij de ced. mois. Elle luy avoit commandé parexprez qu'il s'en deubt retourner vers elle dans xij ou quinze jours avec responce ou sans responce ; car, congé ou non, elle estoit délibérée de se retirer vers son raary. La responce que led. secrétaire porte à sad. niaistresse est que le Roy d'Espagne confesse que lad. Dame, ayant esté longuement absente de sond. mary et en continuel travail en ses païs de Flandres, ne dezire point sans raison de l'aller retrouver et se repozer quelque (empz. Toutesfois que l'hiver n'est pas saison propre pour voyager par la Germanie ayant à passer haultes montaignes et longues journées par pals froid extrêmement, qu'il seroit très marry que son Âlteze se mist de tel tempz en chemin. Neantmoins si elle est si rezollue de vouloir quicter la charge et gouvernement desd paîs, ce qui viendroit à Sa Majesté à très grand regret et desplaizir, il la prie très affectueusement d'atendre k l'esté qui vient, car il a nécessairement bezoin de conférer avec elle de maintes chozes concernantz sesd. Païs Bas, et qu'il passera pour certain aud. Flandres ce printemps, la priant de continuer jusque là sad. charge comme elle a faict, car il ne s'y fera choze auculne sans son gré, conseil et volunté ; et lorsqu'il sera par delà, il fera veoir au monde qu'il la tient et estime en très chère et très aymée seur, la priant de mètre en obly ce que le duc d'Alve a faict saizir les s" d'Agamont et de Homes sans le sceu d'elle, car c'a esté à bonne intention pour laisser toute la haine et malle satisfaction des Fia* mengz sur led. duc et que lad. Dame demeure en leur grâce et amour, comme elle estoit paravant.

Au regard desd. prisonniers, Sire, j'entendz qu'on leur fera leur procès pour concitateurs de peuple et led. procès faict, il sera jugé par cinq chevaliers de l'ordre de la Toizon, suyvant le privillege d'icelluy. Le s' de Montigny sera

> Autographe. Bibl. Nat., ms. fr. 16103, ^ 323.

envoyé aud. Flandr^es pour lujfaireson procès comme aux aultres. Le marquis de Serralva partira dans deux jours pour Milan et Rome veoir d'appaizer le Pape touchant la citation des s" du sénat dud. Milan; deux sénateurs duquel iront comparai tre aud. Rome et rendre compte de la raison qui les a meuz à donner l'estrappade au barizel du cardinal Bonromeo. Il j ya pareillement pour remonstrer à Sa Saincteté les occasions qui ont retenu cested. Majesté qu'il ne soit allé en Flandres; car led. Père Sainct le trouve fort maulvais. On dict, Sire, que don Jehan d'Austrie sera gênerai des gallères, don Loys d'Avilla et Andriet Dorie ses lieutenantz generaulx, sans lesquelz led. don Jehan ne pourra rien exécuter. Le cardinal Granvelle va visroy en Naples par manière de provision et le duc d'Alcala s'en viendra. Le procès et audition qu'on a faicte à André del Bagno à Seville sont esté envoyez au conseil de Portugal, et sera grand choze si luy mesme n'y sera envoyé, combien qu'il n'ait aulcune coulpe. Le Roy Catholique est allé s'esbatre au Pardo; il sera demain de retour et se porte fort bien.

Sire, je prie Dieu vous conserver très longues années en très accomplie félicité et santé. De Madrid, le xv"* d'octobre 1567.

Sire, depuis ceste letre escripte, est her soir arrivé ung courrier depesché par le governeur de Fonterrabie portant nouvelle que le bastard du feu roy de Navarre tient les champz au pals de Guienne avec gros nombre de huguenotz, qui multiplient à toutes heures, et on[t] failly à surprendre Rayonne. Je me suis laissé dire qu'on doubte par deçà que ce soit pour travailler l'Espagne ou Navarre avec plus de forces et meilleurs chefz que du susd. bastard.

Led. S' Roy, Sire, est retourné ce matin, et, après avoir veu la Royne, il s'en est allé vers Aranchois, mais plustost il a parlé avec son conseil de guerre ; lequel, comme j'ay entendu, consulta tout her soir jusques à unze heures de nuict sur la depesché que led. gouverneur avait envoyée. Et lad. Dame Royne, Sire, n'a plus la joue enfle ny fiebvre et son laict se rezoultfort bien, de sorte que elle dort, repoze et menge comme celle qui n'a aulcune doleur, Dieu mercy. C'est du xvj"* dud. mois sur le soir.

Vostre très humble, très obeyssant et très obligé subgect et serviteur.

FORQURVAULX.

N« 127, tome I*, p. 340, lisez :