A la Royne

Madrid, 42 et 44 janvier 1569, Madame, L'archiduc Charles parlant ces jours passez à don Diego de Cordoua lui deist ces paroUes : « Je vouldrois desja m'en estre allé, afin de resjouyr ceste court avecq mon retour que je feray d'AUemaigne. » Led. don Diego, qui est premier escuyer du Roy Catholicque, respondit : « Bien nous seroit bezoin une grande allaigresse sellon les tristesses qui nous sont survenues en peu de tempz. Mais Votre Alteze s'en ira il bientost? » — « Dens deux mois, faict l'archiduc, au plus tard; et je

• Autographe. Bibl. Nat., ms. fr. 16103, f" 482.

dezirerois avoir desja amené par deçà la joye de ce royaulme. » Mon dizeur, Madame, entend qu'il vouUoit signiffier la Princesse Anne, fille aisnée de l'Empereur, pour la faire Royne d'Espaigne . J'ai sceu d'aultre part que led. archiduc, communicquant naguère avecq ung s' de ceste court une lettre venue de Rome, dens laquelle estoyent escriptz ces motz en langue itallienne : « Icy se dict que le Roy Catholicque espouzera la Princesse Anne de Bohême, » icelluy archiduc va lors dire que n'en fera, car c'est pour le Roy de France. Lesquels propoz, Madame, sont si discordantz qu'ils me font penser que ces s" veuUent abuzer le monde et faire jouer tel personage au Roy comme il leur plaira soubz espérance de ces maryages. Aussy ay je sceu d'aultre lieu que le roy de PortuggJ et son conseil ont envoyé ample pouvoir à ced. S' Roy pour le maryer avec Madame votre fille ou à la seconde dud. Empereur, ainsy qu'il advisera estre plus convenable. J'entendz que tantost après ced. Roy a respondu, et avec Sa Majesté Ruy Gomes, aud. roy de Portugal par ung courrier qui est party de ce lieu le huytîesme de ce mois, l'asseurant d'espouzer lad. seconde fille. Et pour cela, Madame, je ne puis avoir bonne opinion dud. Ruy Gomes qui m'a toujours dict depuis le trespas de la Royne, que l'aisnée seroit pouf son maistre et lad. seconde pour le mien ; et scavoir à présent qu'il a donné asseurance au roy de Portugal pour lad. seconde, ains ces langages me font croire que leur intention vers Voz Majestez ne vault rien. Vous advisant, Madame, que l'Empereur, oultre les trois demandes mentionnées en la lettre que j'escry au Roy, demande au nom de l'Imperatriz que lui soit faict partage des Indes et d'une partie des Païs Bas ; item aussy de Milan et Naples ; laquelle demande ceste Majesté a prins de maulvais goust ; et suis adverty que pour appaiser lesd. Empereur et Imperatriz, il pourra estre home d'espouser leurd. fille aisnée et promettre l'Infante Izabeau, sa fille, à don Ridolfe. C'est Topinion d'un des plus privez seigneurs que ait ced. S' Roy. Par dessus cela. Madame, led. archiduc requiert luy estre faict prest de quatre cens mil escuz et luy donner le gouvernement de Flandres. Il aura lad. somme en don; mais touchant led. Flandres, ceste Majesté respond qu'il a bezoin d'y tenir ung gouverneur subgect sien auquel il puisse faire trencher la teste, s'il le mérite, ce qui

50 DÉPÊCHES DE M. DE rOVBQVEV^UX

ne peult avoir lieu en ung tel prince qu'est led. archiduc, lequel Sa Majesté estime aultant que soy mesme; et je craings que la jallouzie que ced. S' Roy a que l'Empereur s'estant fortiffié de votre alliance luy vueille quereller lesd. partages, sera cause de vous empescher d'avoir lad. Princesse Anne et qu'il Tayme mieulx pour luy. Neantmoins, Madame, il n'y a guère jusques à la venue de Monseigneur le cardinal de Guize, et fault atendre ce qu'il proposera et luy sera respondu sur ces maryages, car ce que je vous en escry n'est que pour advis; et vous plaise, Madame, me pardonner si je vous dy qu'il a este donné à entendre à quelques ungz de ceste court que Madame seur du Roy a heu quelquefois ung bras rompu et que elle apporte le corsellet de fer pour couvrir l'imperfection de son corpz, car il seroit bon de faire cognoistre la vérité à quelcun qui soit digne de foy, soit don Francés d'Alava ou aultre, afln d'oster une si maulvaise opinion à ces gens icy, comme je n'ay pas failly à dire que c'est une trop grande mensonge.

Madame, je prie Dieu qu'il vous doint la grâce d'acomplir toutes voz intentions et vous vueille donner très longue et contente vie. De Madrid, le xij"* de janvier 1569.

Madame, jamais Dieu ne face pardon à mon ame si je ne suis endeblé pour six mil livres aux banquiers et marchantz de Madrid, sans compter les mil escuz de don Francés d'Alava. En l'honcur de Dieu et de Voz Majestés, faictes moy tant de grâce et de bien de me faire envoyer sur mes arrérages de quoy contenter cesd. créditeurs, et ne vouUoir, Madame, souffrir que led. (Ion Francés se plaigne davantage par la négligence ou maulvaise volunté du s' de Graignague qui doibt payer lesd. mil escus sur l'office qui luy a esté donné ; et sont deux en peu de mois. (Vest pour moy une foible espérance de l'advenir si je ne puis m'entretenir bagues saulves à présent en ceste ambassade. Au reste, Madame, l'ambassadeur de ce Roy qui est de retour d'Angleterre, a dict infinies louenges de la royne et deffendu son honeur contre le maulvais bruit qui a coru d'elle en ceste. court assez longuement; de sorte qu'on la repute icy pour une très bonne pucelle; et se parle desja qu'il sera grand faict si ceste Majesté ne l'espouze pour asseurer ses Païs Bas et se faire seigneur de la mer occanne. Touchant à mon opinion, Madame, je

N« 165 ET 166. — 23 JANVIBR 1569 51

croy que ced. S' Roy ne soit encore bien rezoUu en soy raesme, laquelle des trois il prendra; mais si c^estoit au gré du peuple de ce royaulme, il n'en auroit point d'aultre que Madame, car toutz cognoissent et le dient que sans ce maryage votre paix ne peult guère plus durer. C'est du xiiij»' dud. janvier.

Votre très humble, très obeyssant et très obligé subgect, vassal et serviteur.

FORQUEVAULX,