Au Roy

Madrid, 23 janvier 1569.

Sire, Pour ne faillir de donner advis à Votre Majesté du succez de la révolte des Morisces du royaulme de Granade, j'ay baillé ceste petite depesche au s' Ludovico Gasc d'Alexandrie, camerier du Pape, qui avoit porté le chappeau à ce cardinal, et s'en retourne à Rome par Narbonne, adreçant la présente au s' baron de Rieux qui la fera courre par le paquet. Et scaura Votre Majesté que le xxj de ce mois est venu ung courrier dud. Granade au Roy, votre frère, Tadvertir comment lesd. rebelles après avoir perdu environ deux cens des leurs, ilz sont entrez en ung lieu de chrestiens où ilz en ont tuez de sept à huit cens et ne prennent nully à mercy ny à rençon. Et une nouvelle, Sire, qui fasche ceste court de quoy le marquis de Mendose acompaigné de huict à ix mil homes qui bons qui maulvais, après avoir gaigné le pont de Tablado par force sur lesd. Mores, qui est une forte entrée des montz où ilz se sont retirez, et estre entré dans lesd. montaignes pour combatre et deffaire lesd, Mahumetistes, ce sont encore eulx qui ont envoyé par derrière partie de leurs forces par aultre passage, et en regaignant led. pont on parle qu'ilz y sont mortz plus de mil chrestiens qui le gardoyent; et ainsy ontsuyvy led. marquis à son dos, qui doibt estre encloz de toutes partz et en merveilleux danger à cause de la multitude desd. Morisces enrragez qui sont sur leur femier densdes roches et montagnes très difficiles et incogneues aud. visroy, duquel on

' Autographe. Bibl. Nat.,ras. fr. 16103, f' 484.

nescait aulcune nouvelle ny de ses forces depuis qu'il est eatré dens led. païs.

Aultre advis, Sire, est venu que six gallères d'Alger ont descendu auprès d'Almerie en la coste dud. Granade une grosse quantité de munitions et quelques pièces d'artillerie, ensemble beaucoup d'armes au povoir desd. rebelles ; et s'en sont retournées sans trouver empeschement, combien qu'il soit bruit qu'il y a XXV gallères d'Espaigne en lad. coste. Dizent davantage que aud. Alger y auroit trente deux gallères ou galliotes chargées de Turcz et Mores pour venir au secours desd. rebelles; lesquelles se sont mizes deux fois en debvoir de passer en Espaigne, mais le vent leur a esté contraire; et puisque le tempz est bon, lad. armée ne perdra tempz, si de ceste heure elle n*est arrivée en lad. coste; qui donne à penser que lad. rébellion est délibérée de ongue main et avecq intelligence desd. Turcz. Nonobstant tout cela, Sire, les principaulx de ceste court veuUent que ce ne soit rien. Si est ce que tous les jours partent des commandeurs des trois ordres et aultres gentilzhomes qui s'en vont à lad. guerre ; et hier partist don Anthonio de Lune avecq sa compagnie d'homes d'armes, qui estoit une des quatre ordinaires et ordonnées se tenir près de ceste Majesté; et logeoità deux lieues de ce lieu. Les chrestiens habitantz de la ville de Granade sont en grande crainte que les Morisces qui habitent lad. ville en gros nombre, leur courent sus, et font grosses gardes lesd. chrestiens en atendant nouvelles de leurd. visroy.

Sire, il y a trois jours que le secrétaire Cayes m'envoya ung paquet de Votre Majesté adreçant à Monseigneur le cardinal de Guize, accompagné d'une lettre ouverte escriptc de Bordeaulx au s' viconte d'Orte, par ung gentilhome de qui je n'ay sceu lire le sein ny deviner le nom, disant par sad. lettre qu'il envoyoit deux paquetz aud. s' visconte, le priant de les faire tenir seurement à mond. s' le cardinal. Et moy, Sire, qui n'ay veu sinon ung seul paquet ny lettre aulcune dud. viconte, je deffeiz la couverture en présence du commys dud. Cayes, laquelle estoit bien froissée, et voUuz veoir s'il y avoit leans quelque lettre de Votre Majesté pour moy; et n'y en trouvant point, je le reffermiz et renvoyay aud. Cayes, ne me vouUant charger dud. paquet puisque l'aullre n'y estoit, attendu que lad. lettre en accusoit

N ' 16C ET 167. — 23 j.\NviER 1569 53

deux. Il respondist que le gouverneur deBayonne n'avoit envoyé aultre choze au gouverneur de Fonterrabie, et telz qu'il les avoit receuz telz il me les avoit envoyez. Je ne scay, Sire, si ce seroit la depesche que mond. s' le cardinal m'a escript du xx de ce mois qu'il attendoit par le s' de Saincte Colombe. II l'aura receue de ceste heure, car led. Cayes la list partir il y a deux jours par Testaffete, et croy bien. Sire, qu'il plaira à Votre Majesté m'advouer du rcffuz que j'ay faict d'accepter ung paquet n'y estantles deux mentionnez en lad. lettre ouverte, car je n'en ay pas encore tant faict comme feist don Francés d'Alava, leur ambassadeur.

Sire, je prie Dieu très dévotement qu'il vous maintienne et conserve très longues années en très parfaicte santé et prospérité. De Madrid, le xxiij"** de janvier 1569.

Votre très humble, très obeyssant et très obligé subject et serviteur.

FORQUEVAULX.