A la Royne
Madrid, 23 janvier 1569.
Madame, Ceste petite lettre n'est que pour continuer à vous advertir des occurrences de deçà, qui est, oultre ce quej'escriptz au Roy, que l'archiduc s'csbahit qu'il ne vient aulcun courrier de l'Empereur ny lettres et s'en fasche, mesme j'entendz qu'il est en soubspeçon qu'il soit venu et courrier et lettres dud. S' Empereur ou au moins des s" de Chantonnay et de Louys Vanegues sans luy en avoir rien dict ny communicqué. Aussy, Madame, le courrier dont l'ambassadeur don Francés avoit escript qu'il estoit passé par Paris le xxiij de décembre venant de Flandres et d'AUemaigne, il n'est point encore comparu par deçà. Pourroit estre qu'on retient les courriers en chemin et que les depesches viennent par estaffete ou par aultre moyen. Si ces habillitez se font, je voy, Madame, que led. archiduc sera longuement en Espaigne sans scavoir la rezoUution de ced. S' Roy ny la pouvoir reporter en AUemaigne; et le semblable sera de Monseigneur le cardinal de Guise, qu'on le vouldra mener par
» Autographe. Bibl. Nat., ms. fr. 46103, fo486.
54 DÉPÊCHES DE M. DE FODRQUBVArX
dissimulations et longueurs. Mais il est si sage et advisé qu'il descouvrira tantost leur dessain. Je partiray demain par la poste pour aller au devant de luy à six ou sept postes de ce lieu, afin de ï'advertir des nouvelles de ceste cour et entendre ce qu'il m'a escript avoir charge de me communiquer de la part de Voz Majestés. En quoy, Madame, je ne feray faulte de vous servir lidellement, et à mond. s' le cardinal le moins mal que je pourray m'adviser.
Madame, je pricray Dieu toute ma vie qu'il vous vueille conserver très longues années en très acomply contentement. De Madrid, le xxiij de janvier 1569.
Madame, j'ai grande honte et n'est pas votre réputation de quoy l'ambassadeur d'Espaigne a si longuement occasion de se plaindre pour les mil escus qui ne luy sont encore esté renduz; et voy bien que le s"" de Graignague m'en aquictera le plus tard qu'il luy sera possible, car Votre Majesté scait quel bon amy j'ay en luy. Que pleust il à Voz Majestés, Madame, l'avoir desja mys en ceste charge, puisqu'il est si convoyteux d'estre ambassadeur, et croy qu'il y feroit myeulx son profit que je n'ay pas faict.
Votre très humble, très obeyssant et très obligé subject, vassal et serviteur.
FORQUEVAULX.
Dernier de février 1569.
Sire, Si le Roy Catholicque tiendra à ce coup ce qu'il promect, vous aurez l'assistance du duc d'Alve et de ses forces des Païs Bas contre le prince d'Orenge et aultres ennemys qui vouldront entreprendre sur votre Royaulme; et à ces fins vous sera envoyée une lettre avec la coppie d'icelle pour la faire tenir aud. duc, par laquelle lettre luy est commandé de vous secourir aussy tost et de telles forces que Votre Majesté luy mandera. Ced. S' Roy l'a ainsy promys à Monseigneur le cardinal de Guize, qui est le poinct principal contenu dans les lettres qu'il a pieu à Votre Majesté m'escrire du xiiij et xx"' de janvier, et mesme dens l'instruction de mond. s*^ le cardinal, qui m'a esté communiquée.
> Autographe. Bibl. Nat.. ms. fr. 1G103, f« 509.
N° i68. — DERNIER FEVRIER 1569 55
comme pareillement toutes ses dépenses; à toutes lesquelles j'eusse voUu avoir la suffizance de vous y povoir servir. Sire, ainsy que je suis tenu et comme je dezire faire servir aud. seigneur. N'ayant esté possible de vous depescher plustost que à présent à cause que led. S' Roy Catholicque et ses ministres Tout entretenu de dilations et remizes jusques à Tarrivée du courrier qui est venu de l'Empereur le xxv de ce mois, dont la responce à esté faicte hier xxvij"*. Hz font, Sire, bon semblant d'estre fort aizes de la retraicte dud. prince d'Orenge; les gens de l'archiduc ont opinion que c'est pour retourner en France ou en Flandres avecq plus grandes forces; lequel s*^ archiduc a leu sa responce par escript en latin contenant îx feuilletz de papier; mais n'y a ordre de scavoir les particularitez au vray, sinon qu'on dit que toutes ses demandes luy sont esté reffuzées, excepté les quatre cens mil escus qu'il aura en don de ceste Majesté et non en prest, payables toutefois k certains termes; c'est afin de le tenir obligé à faire bons offices ou mal nul. Il s'en va vers le Rose de Segovie et ToUede, et s'embarquera à Valence sur les gallères pour Rallie, où il veoirra les ducz de Savoye, Florence, Ferrare et Mantue; puis passant par Venize, il se retirera en AUemaigne. Le Roy Catholicque lui donne xij mil escus de pension pour sa vie. Sire, je reprendz ma première humeur de l'opinion que j'ay heu que led. S' Roy passera en Flandres, et sera cest esté si je ne suis trop deceu ; et le croy, pource que le duc d'Alve ne cesse de demander son congé à grande instance, auquel est difficille de donner tel successeur qu'il fauldroit, car l'Espaigne est assés despourveue de bons chefz, et pour paciffier nettement led. pais aullre que Sa Majesté ne le peult faire. Je touchis hier ung mot de ce voyage au cardinal de Siguence, qui n'y voulsit entendre, ains s'en trouva ung peu troublé ; mais l'excessive authorité que son maistre luy donne de toutes chozes sans rezervation d'une seulle, ce qui est coiitre son naturel et contre sa costume, monstre clairement qu'il en veult faire ung aultre soy mesme pour scavoir gouverner ce royaulme en son absence. Les livrées des gardes et de la maison qui n'estoyent du tout achevées à cause des mortz survenues de laRoyne et du Prince, elles sont esté commandées en ced. mois de les achever et essayer, si elles viennent à poinct, et commandement ausd. gardes de
demander ce qu'ilz ont açostumé d'avoir, comme sont plumes et aultres chozes, car qui ne les ira prendre, ce sera aultant perdu pour luy. Les bandieres qui restoyent à parfaire pour les navires se vont finissant, auxquelles on n'avoit touché il y a plusieurs mois; et ne laissera pour le tumulte de Grannade à faire led. voyage, car il n'en faict point de cas par semblant, s'asseurant bien que le Turc a en quoy s'employer ailleurs contre ses rebelles, et que Alger ne lui scauroit nuyre, si une fois ses gal- 1ères d'Itallie et Espaigne qu'il a mandé venir en la coste de ce royaulme seront arrivées. Les Morisques deffirent dernièrement cent des meilleurs homes du visroy dud. Granade et les taillèrent en pièces; duquel nombre furent don Juhandc Villerruel, provedidor des gallères, don Loys Ponce, parent proche dud. Darcos, et aultres cavalleros, cinq ou six, toutz homes de marque. En vengence de cela, le marquis de Vêles a faict tuer tout plain de Morisques^ leurs femes et les enfans de quatre ans en sus ; et don Francisco de Cordoue print ces jours passez auprès d'Almerye ung fort assiz sur le hault d'une montagne où il y avoit de trois à quatre mil personnes et vivres pour trois ou quatre ans. Le duc de Sesse qui a partie de son bien aud. païs, disoit n'a guère de jours que le nombre de ses rebelles passe cent cinquante mil homes, dont les quarante mil sont aptes aux armes comme les aultres soldatz espagnolz. Ung courrier est venu d'Oran passé la mer et arrivé en ceste court en quarante heures, qui a aporté advis de maistre Monteze, visroy dud. Oran, que les roys d'Alger et de Fez veuUent secourir lesd. rebelles, et que aud. Alger s'aprestoyent quarante ou cinquante voilles pour venir en la coste dud. Grannade. Quant aux vingt compagnies que j'avois escript à Votre Majesté q-ue le Roy votre frère mandoit faire, ce n'a esté sinon de nommer les capitaines <|ui ne feront que seuUement advertir leurs amys sans rien lever pour ceste heure. Je ne scay s'ils serviront pour led. passage de Flandres et non pour led. Grannade, veu que led. visroy a escript à ceste Majesté qu'il ne fault entrer en despence contre lesd. Mores, car il asseure de les deffaire avec les communaultez chrestiennes. Neantmoins, Sire, les meilleurs capitaines qui se trouvent en lad. guerre ont escript par deçà qu'on n'aura jamais la fin desd. rebelles, si l'on n'y envoyé ung bon corpz de
soldatz, car à mezurc que lesd. communaultez des villes arrivent au camp et se fâchent, ou bien s'ilz ont faict butin, ilz s'en veullent retourner et se retirent à leurs maisons, qu'il n'est possible les en garder. Une ordonnance a esté faicte que Morisques, homes, femes et enfans de dix ans au dessus, seront esclaves pour leur vie, et les enfans au dcssoubz desd. dix ans le seront pour vingt ans. Les aultres particularitez, Sire, vont par les lettres de mond. s' le cardinal de Guize.
Sire, je prie Dieu qu'il vous doint très acomplie félicité et santé avec accroissement d'estatz et royaulmes, comme voz plus fidelles et devotz serviteurs dezirent. De Madrid, le dernier jour de febvrier 1569.
Votre très humble, très obeyssant et très obligé subject et serviteur.
FORQUEVAULX.
Dernier de février 1569.
Madame, Si la depesche de Monseigneur le cardinal de Guize et la mienne partent d'icy bien tard, il le fault imputer au Roy Catholicque et à son grand ministre le cardinal de Siguence, qui ont uzé de telles longueur[s], dilations et remizes en leurs responces jusques à présent sur le maryage du Roy, et de telle am biguyté de parolles qu'il n'estoit raisonnable de haster davantage ceste depesche pour vous envoyer des propoz en l'air et confuz. Mais touchant aux deux lettres, Madame, qu'il a pieu à Voz Majestés m'escrire du xiiij et xx"' de janvier, led. S' Roy Catholicque asseure d'avoir escript encore ceste fois de si bonne encre au duc d'Alve qu'il ne fera faulte de vous assister et secourir avecq les forces requises pour résister à ceulx qui vouldront entrer sur votre Royaulme. Que pleust à Dieu fussent les vôtres suffizantes pour vous passer dud. duc et pour chastier voz maulvais subjectz sans Tayde d'aultruy; car voz voizins vous estimeroyent et vous dezireroyent pour leurs amys plus qu'ilz ne font.
Madame, le discours que mond. s"" le cardinal de Guize envoyé au Roy touchant les audiences qu'il a heu du Roy Catholicque,
' Autographe. Bibl. Nat., ms. fr. 16i03, f 514.
ensemble des propoz traictez et passez entre luyet ses ministres, m'escuzera. si c'est votre bon plaisir, de quoy je ne vous en fais point de redicte. Et diray seuUement, Madame, qu'encore que Voz Majestés scachent par longue expérience de queUe affection et diligence mond. s' le cardinal va et procède en tout ce qui concerne votre service, si bien que je serois ung bon téméraire de vous vouUoir dire le très grand et digne debvoir qu'il a faict en sa présente negoliation, si me semble il, Madame, que, m'estant trouvé présent à tout ce qui a passé icy, je ferois tort à la vérité de vousceller qu'il n'a rien obmys ny espargné à direct remonstrer des raisons et remonstrances qui ont peu servir à faire bien sonner et entendre à ceste Majesté et à sesd. ministres l'intention du Roy et votre, s'eslant dict et debatu beaucoup de choses non contenues aud. discours qui seroient trop longues à escrire. En somme, leur responce, Madame, est celle mesme que je vous ay escripte par aulcunes de mes depesches depuis .le trespas de la feu Royne, suy vant ce que Ruy Gomes m'en avoit dict non une seuUe, ains plusieurs fois. Je ne scaurois juger s'ilz ont respondu au plus long de leur pensée, ne s'il est croyable que led. Roy Calholicque, quelque semblant qu'il face, ait envye que le roy de Portugal espouze Madame. Si est ce que la Princesse, sa mère, a pleuré chauldement pour les lettres que rimperatriz luy a escriptes par le dernier courrier qui est arrivé le XXV du présent. C'est possible que elle a veu par lesd. lettres que ses dessaingz sont rompuz tant en son particullier que pour sond. filz, car elle a faict ses effortz d'avoir pour luy la Princesse Izabeau, laquelle l'Empereur aura myeulx aymé vous donner comme il y a très notable inequalité et différence de Roy à Roy et de Royaulme à Royaulme. Aussy a il de l'ayde et secours en divers sortes qu'il pourra tirer toutz les jours et en toutes occasions de la France, ce qu'il ne fera pas dud. Portugal. Encore ay je crainte qu'il vendra {sic) la honte de vous propozer quelques conditions desraisonnables de son propre mouvement ou par instigation de ceulx cy.
Madame, puisqu'il vous plaist scavoir quel tiltre l'on baille à Madame l'Infante Izabeau votre petite fille, je respondz à Votre Majesté que elle n'a point changé du sien acostumé . Vray est que quelcun l'apelle la Princesse doigne Izabeau et aultres Sa
N" 1G9. — DERNIER FÉVRIER ioHO 59
Alteze. Elle a esté malladeungnorabre de jours de fluz de ventre avecung peu de dyssenterie; mais cela fut Taultre jour; et, Dieu mercy, elle est aussy guérie et saine comme elle fut oncq; et Madame l'Infante Catherine ; laquelle Princesse Izabeau parle de jour en jour myeulx que elle ne souUoit; et scait tout plein de motz françois. Je ne feiz faulte de luy donner la lettre de Votre Majesté et à la duchesse d'Alve la sienne, qui a pris beaucoup de peine durant lad. malladie de jour et denuict, et ne s'espargne en aulcune choze à faire service ausd. Infantes qu'il ne seroit possible davantage. Touchant au s' de S' Estienne, Madame, j'ay parlé àced. S' Roy pour luy le plus favorablement que j'ay sceu, ensuyvant ce qu'il a pieu à Votre Majesté me commander du xxvj"' de décembre; laquelle lettre me fut donnée ces jours passez; et m'a respondu ceste Majesté qu'il croit bien que led. s' S* Estienne soit bon catholicque, bien se pouvoit garder escrire les lettres qu'il escrivist à la feu Royne en recomandation de la paix; et fera regarder sur ce qui luy touche, quand il se traictera des domestiques dé lad. Majesté deffuncte. Au regard, Madame, des dames françoizes, je luy ay représenté de la part de mond. s' le cardinal de Guize, la dernière fois que je suis esté à l'audience moy seul le xiiij"* du présent, comment il y a neuf ans que elles vindrent par deçà au service de lad. Dame Royne, qui en a esté servie bien et fidellement. Qui est la cause que Votre Majesté dezire entendre ce qui luy plaise ordonner d'elles, et que je suis témoin de la bonne volunté que leur maistresse leur portoit en la vie et en la mort, le priant de votre part, Madame, ainsy que led. s' cardinal avoit charge expresse de Votre Majesté, les avoir pour recomandées pour toutzlcsd. respectz et votre; led. Roy m'afaict responce qu'il est vray que lesd. dames ont bien et fidellement servy lad. Dame Royne, dont il leur en sent très bon gré; et que je scavois bien qu'il a député personages de son conseil pour adviser sur ce qui se doibt faire de toutz ceulx et celles qui l'ont servye; ce qui s'achèvera en bref; et n'obliera de faire son debvoir envers lesd. dames, tant pour votre respect, Madame, qui les luy recomandez et led. s' cardinal, que pour l'amour qu'il porte et portera toute sa vie à la memoyre de sad. feu feme; et que je n'oblie le s' Anthoine Almede portugois. Je luy ay promys, Madame, devons tesmoigner qu'il est résident depuis ung tempz
60 DÊI'rlCHES DE M. DE FOURQUEVAUX
en ce lieu; et vous puis dire qu'il a entrée en bons lieux et assés [d'Jesprit pour scavoir descouvrir maintes chozes; et car il ne s'est point espargné à me donner souvent les advis qu'il a peu et asseure de continuer. Il plaira à Votre Majesté vous souvenir de la pension de douze cens livres que le Roy luy accorda, il y a plus de deux ans, à votre requeste ; et le feu secrétaire Bordin luy en depescha le don. Mais comment ay je la hardiesse de vous supplier pour led. Almede ny pour aultre, qui suis si peu oy et exaulcé de mes très justes prières par vous. Madame, comme le plus mesprizé de toutz voz serviteurs, et qui suis contraint de vivre d'emprunt il y a quatre mois ?
Madame, je prie Dieu qu'il vous doint en parfaicte santé très longue et très heureuze vie. De Madrid, le dernier de febvrier
Votre très humble, très obeyssant et très obligé subject, vassal et serviteur.
FORQUEVAULX.
