Au Roy

Tolède, 20 mars 1569.

Sire, Le personage que la royne d'Angleterre doibt envoyer par deçà n'est point encore venu. Je m'en estois informé devant la réception de la depesche de Votre Majesté du premier jour de febvrier; car il se parloit qu'il en debvoit venir ung; et ne feray faulte d'avoir l'oeil à luy, venu qu'il soit. Estant neantmoins croyable que le Roy Catholicque et elle vuyderont leur différent de paroUe et non par armes, car le repos faict poureulx et pour leurs subjectz; lequel S' Roy partist de Madrid le deux du présent pour aller au Pardo, où il fut jusques au vij"'; puis s'en alla à Escuryal atendre l'archeduc, qui deslogea dud. Madrid le troi siesme de ced. mois pour le Bosc de Segobie; et au retour il fut disner avec Sa Majesté aud. Escuryal, d'où il print congé pour venir en ceste ville de ToUede, et d'icy à Aranchois ; et de là s'est acheminé vers Valence; et ira à Barcelonne s'embarquer sur les gallères ou au fort de Rozes, afin d'aller descendre à Gennes,

» Bibl. Nat., ms. fr. 16103, f» 523.

NO. 170 ET 171. — 20 MAHS 1569 64

aînsy que j'ay escript à Votre Majesté par mes dernières. J'entendz. Sire, qu'il s'en va fort content et en bon propoz de repasser dans cest esté en Espaigne. Il a pieu au demourant, Sire, à Monseigneur le cardinal de Guize que je le soye venu acompaigner jusques en cested. ville où il est venu pour changer d'air et se desennuyer du travail de son esprit qu'il a souffert aud. Madrid pour les remizes et dissimulations dont on luy a uzé devant que luy déclarer leur intention qu'il vous a faicte entendre dernièrement et faict estât d'estre de retour aud. Madrid la veille de Notre Dame, auquel lieu il pourra trouver lad. Majesté qui, selon que quelcun dict, n'en bougera que Mond. s' le cardinal ne l'ayt veu ; et tantost après il s'en ira retirer au monastère d'Espérance y faire les festes de Pasques. Led. S' Roy, Sire, a commandé au gouverneur de ceste archevcsché et à toutz ses officiers qu'ilz l'honnorent aultant comme ilz ont faict à la persone dud. s' archiduc; à quoy ilz ont satisfaict et font de telle sorte qu'ilz peuvent; et votre ambassadeur a occasion de s'en louer grandement. Nescaschant, Sire, pour le présent choze digne de Votre Majesté, car aussy mond. s' le cardinal vous envoyé ung mémoire de ce qu'il a peu aprendre de plus grande importance et n'a vollu différer davantage à vous faire une depeschc après led. s' de Pintesson, ne vouUant oblier à dire à Votre Majesté que Mesdames les Infantes se portent très bien.

Sire, je prie Dieu qu'il vous conserve très longues années en parfaicte santé et vueille augmenter votre prospérité par heureuzes conquestes de royaulmes et eslats. De ToUede, le xx"* de mars 1569.

Votre très humble, très obeyssant et très obligé subject et serviteur.

FORQUEVAULX.