Advis d'Espaigne au Roy

20(?) mars 1569 •.

Deux juratz de Grannade arrivèrent à Madrid le dixième de ce mois de mars, qui comptoyent («/c) que les Mores dud. royaulme

' Autographe. Bibl. Nat., ms. fr. 16103, f° 545. * Date mise postérieurement.

estoient descenduz en la plaine en nombre de vingt cinq mil homes, esquippez d'armes; et faisoient beaucoup de maulx.

Nouvelles vindrent aud. tempz que lesd. Morisques avoyent taillé en pièces de quatre à cinq cens homes du visroy dud. Granade.

En la ville dud. Granade y a vingt enseignes de gens de pied de peur de rébellion des Morisques habita[n]tz. La famine commence d'y estre fort grande et lad. ville se despeuple chacun jour.

Lesd. Morisques ont laissé leurs femes et enfans à la mercy de fortune quand ilz se sont retirez aux montaignes, et ont vivres raisonnablement pour atendre la fin de la guerre parmy ce qu'ilz vivent sobrement de leur naturel. Mais lesd, femes et enfans se vendent pour esclaves, et en sont esté menez et venduz plusieurs aud. Madrid.

Le Roy Catholicque a mandé en Andellozie lever dix mil homes de pied et deux mil chevaulx de la milice dud. païs pour aller aud. Granade contre lesd. Morisques. Le duc de Sesse s'y en doibt aller pour chef; mais il est encore aud. Madrid.

On dizoit naguère que une partie des lieux qui ont rebellé demande astheurcy pardon et d'estre receuz à miséricorde. Le conseil dud. S' Roy estoit après à consulter et ad viser s'il y avoit lieu de les recevoir.

Lesd. rebelles s'asscurent qu'ilz seront secoruz d'Alger. Lad. Majesté a reffuzc à l'archiduc de pardonner aux rebelles de Flandres et de les laisser jouyr de leurs biens, encore qu'ilz eussent offert de ne rentrer jamais aud. païs. C'est ung poing arresté que la confession augustane n'aura cours èsd. Païs Bas. ny es terres de l'Empereur qui Tont demandée.

Led. s' archiduc faisoit instance pour ses subjectz du long de la coste d'Esclavonnic, qu'ilz pensent naviguer et trafficquer aux Indes. Il luy a esté dict que non.

Il a des mines de vif argent qu'il offroit laisser aux Espaignolz et le rendre en Espaigne à meilleur pris de la moytié que les Foucres ne le leur vendent. Led. Roy n'a vollu rompre le party qu'il a avecq lesd. Foucres.

Les deux Princes de Bohême ne font aulcun semblant de s'en debvoir aller de longtemps vers led. S' Empereur, leur père.

L'aisné d'iceulx, qui est don Ridolphe, estoit mallade d'une petite fiebvre lente qui ne sera rien.

Lad. Majesté Catholicque a donné assignation pour quatre cens mil escus aud. archiduc, payables les deux cens à son arrivée à Milan et le restant dans Tannée. C'est pour luy ayder à rachepter ce qu'il avoit engagé de son patrimoine à cause de la guerre du Turc.

Et a donné en chesnes d'or aux gentilshomes dud. archiduc la valleur de dix mil escus ou plus, et à luy pour ayde de coste vingt mil escus et ung beau buffet qui en vault sept ou huict mil.

Au conte Gaspar de Lodron une pension.

Lequel archiduc a dict à certain personage en grand secret qu'il encontrera la Princesse Anne, sa niepce, devant qu'il entre en AUemaigne; et sera de retour avecq elfe en ce royaulme dans trois mois, carie Roy Catholicque la doit espouzer.

Il se faict quelque bruit d'aller à Mousson après la reccolte pour tenir les cours; lequelz tempz pourra tomber environ l'arrivée de lad. Princesse; et elle viendra par mer de Gennes à Barcclonnc.

Tolède, 20 mars 1569.

Madame, Je suis venu accompaigner Monseigneur le cardinal de Guize jusque en ceste ville où il est venu pour se recréer après s'estre mellencolié plusieurs jours à Madrid. Le retour sera la veille de Nostre Dame. Dieu soit servy qu'entre cy et là viennent nouvelles de deux victoires entières que le Roy ait obtenues contre ses enncmys tant du cousté d' AUemaigne que d'Aquitaine. Ne voullant faillir à vous dire, Madame, que les s" de ceste court d'Espaigne louent merveilleusement votre détermination d'avoir envoyé saisir les terres et places de la royne de Navarre, sans oblier Bearn; et ne la plaindront pas pour la veoir une très pouvre princesse, ny à Mons' le prince de Navarre, son filz. Au reste, Madame, ung home de Marseille, nommé Simon Longis,

' Autographe. Bibl. Nat., ms. fr. 16103, f° 327.

qui veint, il y a deux ans, avec lettre de faveur de Voz Majestés à la feu Royne Catholicque,. et à moy, afin de luy obtenir du Roy Catholicque une traicte de bledz, laquelle il obtint sur Tisle de Sardaigne pour six mil charges, qui n'a heu effect à cause de certaines difficultez que le visroy de lad. isle en a faicles. icelluy Longis est de retour par deçà depuis ung nombre de mois et a propozé des moyens aud. S' Roy Catholicque pour surprendre la ville de Rhodes. A quoy ceste Majesté presta Toreille au commencement jusques à ce qu'il a heu par escript lesd. moyens; et d'un tempz en çà led. Longis luy a ouvert aultre party de surprendre le chasteau de Bugye en Barbarie avec moins de deux cens homes, pourveu qu'il ait une escorte de ses gallères, qui porteront trois ou quatre mil soldatz qui s'arrestcront à certaines isles non trop loing dud. Bugye; et il avec des fragattes et brigantins qui auront chargé lesd. deux cens homes, se faict fort de desrober led. chasteau qui est toute l'importance; et par icelluy entreront trois mil soldatz dans lad. ville. Ce faict, Madame, m'a longuement esté tenu secret par led. Longis encore qu'il man geast ordinairement à ma table; ce qu'il m'a revellé à la fin, il y a deux mois; et est tousjours après pour traicter lad. entreprinse, ayant son adresse à Ruy Gomcs. Je ne scay si elle s'exécutera ou non, car il se garde de moy; mais mond. s' le cardinal a esté d'opinion que je vous la face entendre. Du surplus. Madame, il me semble vcoir que l'archiduc vouldra mener la joye à ce Roy et à son royaulme dont il parloyt à Don Diego de Cordoue, comme j'ay escript à Votre Majesté par une mienne lettre, il y a quelque temps; car led. s' archiduc a dict en grand secret à ung certain sien amy, quand il est voUu partir de Madrid ces jours passez, qu'il sera de retour en Espaigne dens trois mois; et trouvera la Princesse Anne, sa niepce, en Itallie, pour la conduyre et s'en retourner avec elle par deçà. Qui est ce que je scaurois escrire à Votre Majesté par la présente. Et pource,

Madame, je prie Dieu qu'il vous doint très heureuze, très contente et très longue vie. De ToUede, le vingliesme de mars 1569.

Votre très humble, très obeyssant et très obligé subject, vassal et serviteur.

FORQUEVAULX.