A la Royne

• Madrid, 28 septembre J5C9.

Madame, Ung courrier du Roy d'Espaigne partist d'icy le iij"* de ce mois pour l'Itallie. Il ne me volust donner loizir de vous escrire, sinon à la haste une lettre à Monsieur le cardinal d'Armagnac, auquel il me promist de la donner en passant par Avignon. Je luy feiz entendre par îcelle lettre si peu de nouvelles que je scavois et la principalle comment le roy de Portugal n'avoit point encore envoyé de pouvoir à son ambassadeur pour traicter de son mariage, priant le s' cardinal d'en advertir Votre Majesté;

i24 DÉPÊCHES DE M. DE FOURQUEVAUX

ce que je m'asseure qu'il aura faict. Pareillement le secrétaire Caves m'a dict qu'il donna advis à don Francés d'Alava de la tardancedud. pouvoir; au moyen desquelzdeux advis, Madame, j'ay pense ne faire pas grand erreur de retarder ceste depesche ung nombre de jours pour attendre si led. pouvoir viendroit, comme Sa Majesté Catholique m'a tenu en espérance et faict tenir qu'il viendroit de jour en jour, m'advisant et priant par si efficaces paroUes, qu'il sembloit que de cested. depesche que je feroîs despendist le, bien ou le mal de la chresticnté et de voz estatz d'une part et d'autre ; et le dernier qui m'en a prié a esté le prince d'Evoly, excepté led. Cayes qui y est venu deux ou trois fois, me priant led. prince, ce fust le xviij de ce mois, que j'eusse patience pour Tamour du Roy Catholique jusques au xx"% ne pouvant croire que lad. commission ne vint cependant, car ils y ont deux courriers; et m'a dict que le roy de Portugal a esté mallade de surabondance de sang, et l'ont saigné deux fois. Il est en ung lieu qui s'appelle Leyra, trente lieues loing de Lisbonne, et la royne à dix lieues de luy en aultre lieu qui a nom Lanquay. Et combien que le cardinal dud. Portugal soit auprez dud. s' roy, il n'oze toutesfois ny veult entreprendre sans lad. Dame ung faict de telle importance, veu le bas eage dud. s' roy; lequel ne s'entend ny accorde guère bien avecsad. ayeuUe; car elle vouldroit gouverner comme elle souloit en sa minorité, ce qu'il ne veult pas, pour ce qu'il a des jeunes gens auprès de sa personne qui le commencent à conseiller mal et qui le degoustent de laisser faire à lad. Dame royne. A ceste cause j'ay atendu jusques à présent et si je suis esté en cela trop lent ou trop pressant, je vous supplie très humblement. Madame, ne le trouver mauvais, car je ne scaurois dire par quel de ces deux extrêmes on peult faillir le plus à l'endroit de ceulx à qui j'ay à traicter qui ne font que ce qui leur plaist. Si est ce que parmy toute ma précipitation, il m'a esté forcé de prendre patience pour ne mal contenter ceste Majesté; laquelle m'a faict veoir par led. Cayes le xxiij"* de ced. mois ung mémoire escript de sa main, me priant de surceoir jusques au xxvj"' et si lors led. pouvoir n'estoit arrivé, qu'il ne me reticndroit une heure davantage de vous envoyer ce courrier, ains vous escriroit, Madame, pour m'escuzer et descoulper envers Voz Majestez. Bien deziroit que son courrier d'Allemaigne

fust de retour, afin de vous faire scavoir par mesnie moyen en quel tempzles Princesses de Bohême pourront arriver à Gennes. Que pouvois je, Madame, respondre ny faire là dessus, sinon de complaire et obeyr au Roy, votre beau filz? J'ay neantmoins gecté ce mot aud. Cayes à la traverce que par aventure veult sond . maistre comme le plus vieux et mary del'aisnée faire ses nopces le premier et que ces dillations y sentent ung* petit. Il m'a faict jurementzetexecrationsespouventablessur sa teste et sur lavye du Roy Catholique que je m'asseure et vous le puis escrire à peine de le reputer le plusmeschant et menteur homme qui vive, qu'il n'y a finesse ny malice de ce cousté sur le tardement de lad. commission. Et pareillement vous promectre, Madame, et asseurer que le Roy, mon Seigneur et maistre, fera ses nopces avec Madame Elizabeth devant et plustost s'il luy plaira que le Roy d'Espaigne fasse les siennes, car c'est l'intention et rezoUution de ceste Majesté ; et aborderont les deux Roynes de France et d'Espaigne à Marseille; disant aussi led. secrétaire que sond. maistre et Madame la Princesse de Portugal sont en grand coUere et très fort piquez à Tencontre dud. cardinal et conseil dud. Portugal, à cause qu'ilz n'envoyent led. pouvoir. Au demeurant, Madame, il ne tardera guère selon le dire dud. Cayes et le prince d'Evolly me le disoit après le cardinal de Siguence, que Sa Majesté Catholique ne s'achemine vers Barcelonne; mais led. Ruy Gommes est d'opinion qu'on passera par Valence, en allant pour y tenir les cours séparément dud. royaume, et n'y aura trop à faire qu'il n'y atende la Royne que sera, et au partir de la recevoir, soit que elle descende aud. Valence ou bien à Barcelonne, on ira tenir les cours d'Aragon à Mousson et retourner par Saragousse.

De Madrid, le xxviij"** septembre 1396.