A la Royne

Madrid, 28 septembre 1569.

Madame, Il me semble qu'il n'est point vraysemblable que la commission du Portugal doibt tant tarder quoy qu'on die, si de ce cousté l'eussent demandé à bon escient, et si le roy de Portugal vous portoit bon vouloir sad. commission pourroit avoir esté

consultée, depeschée et envoyée, il y a plusieurs jours, qu'il n'y a peste qui puisse empescher ceulx qui ont bonne volunté; mesme j'entendz que la pluspart du conseil est avec la rojTie et le cardinal auprès dud. s' roy. Il y a donc, Madame, de quoy soubspeçonner que Sa Majesté Catholique veult que les mariages soient traictés à la commodité de ses dessains, qui me sont incogneuz. A ceste fin, led. jeune roy joue à présent son personnage, car l'Empereur a représenté le sien, dont led. jeune roy poursuyt son mariage ; ne f ault s'esbahir si Ton espère qu'il fera tout ce que lesd. Majestez vouldront pour estre maryé. Qui est entre autres choses que la guerre des religions se décide en votre Royaume à voz despens, et du sang et substance de voz subjectz, ou bien qu'il ne faict au goust de Sa Majesté Catholique d'cspouzer sy tost la sienne, ny par aventure veult il que lesd. Empereur et Portugal se fortiffient de votre alliance sans laquelle lousjours Espaigne les tiendra en sa mercy. Aussi, Madame, je ne scaurois dire si led. S^ Roy Catholique vouldroit passer en Itallie cest hiver sans dire gare, car puisqu'il doibt aller à Valence et que les gallères d'Espaigne, Naples et Sicille sont par deçà, il luy sera facille de s'embarquer auprès dud. Valence et passer en peu de jours s'il luy plaira. Il sent le grand appareil du Turc; il n'eust failly de passer aud. Itallie, afin de donner à songer au mesme Turc.

Et touchant les Moriscois de Grannade, ilz ne sont part ny occasion sufflzante pour le retenir s'il ne veult, pour les raisons qui seroient longues à dire; ung plus advisé discoureur que je ne suis penetreroit en ses façons de dilayer; mais je ne puis espérer rien de bon de ce que les deux courriers mentionnez en la lettre du roy me sonttenuz cachez au retour de Portugal. Au reste. Madame, ilz ont response du dernier d'aoust de Tours de don Francés sur la depesche que d'Almede luy donna; et me fut esté ung grand bien d'avoir receu par mesme moyen quelque commandement de Voz Majestez pour scavoir respondre à ceulx qui parlent diversement des affaires de France.

Dud. jour xxviij"* septembre 1569.