Au Roy

Madrid, 31 octobre 1569.

Sire, Au retour du Roy d'Espaigne le neufvîesme de ce mois, il fut occuppé de négoces qui retardarent mon audience jusques au quinziesme. Je luy avois desja envoyé à Escuryal où il estoit la lettre qu'il avoit pieu à Votre Majesté m'escrire du viij" septembre par le courrier qui arriva en ce lieu le iiij* du présent; par laquelle lettre, il eust bon plaisir de veoir Poictiers desassiegé et jugea dès lors la prochaine deffaicte des rebelles.

En lad. audience, Sire, je remerciay led. S' Roy de votre part pour le bon office qu'il a faict envers l'Empereur, affin d'empescher qu'il ne se fist levée de gens en AUemaigne contre votre service; et le priay de faire haster les quatre mil Espaignolz qu'il vous avoit promis, pource qu'ilz vous estoient plus nécessaires que jamais contre Montgomery qui faisoit beaucoup de desordres en Gascoigne. Sa Majesté Catholicque me respondit qu'il baisoit les mains de Votre Majesté pour la bonne part qu'il [vous] plaisoit luy faire de voz occurrances; qu'il estoit asseuré que l'Empereur s'employera très voluntiers de bonne volunté et luy semblablement pour le bien de voz affaires. Au regard desd. quatre mil Espaignolz, qu'il envoyeroit les haster bien qu'ilz ne perdent temps par les chemins. Sur ce propos, Sire, il m'a dict d'ung bon visage riant qu'il venoit de recevoir advis par lettre de Bonnese escripte à Lyon, le vij* de ced. moys, comment Dieu avoit esté servy de vous donner la victoire par une grosse bataille contre lesd. rebelles, où ilz estoient mortz plusieurs milliers d'hommes de leur party; de laquelle victoire, il sentoit le mesme contentement que si c'estoit en son faict propre ; et prioit Dieu que lad. nouvelle se trouvast véritable.

Sur ce propos. Sire, il me va dire qu'encores que le pouvoir du roy de Portugal ne fust venu, qu'il ne falloit surseoir davantaige à traicter de votre mariage; car led. S' Empereur luy avoit envoyé les siens, et cependant celuy de Portugal arriveroit; et

» Copie du temps. Bibl. Nat., ms. fr. 16103, fo 580.

pour cest effect il depputtoii personnes et lieu pour nous assem bler, Tambassadeur dud. S" et moy. Ma response fut que j'estois prest d'obeyr à son commandement, jaçoit que Votre Majesté me commandoit de traicter lesd. mariages ensemble et ne conclurre Tung sans Tautre. 11 me répliqua là dessus comme j'escriptz à la Royne et parle discours dud. traie té.

Sire, la nouvelle de lad. bataille a esté confirmée par une lettre de don Francés de Alava du vj', que Sa Majesté a receule xxj; et me l'ayant envoyé dire à l'instant par le secrétaire Cayes, je ne fiz faulte de luy aller incontinent baiser les mains. 11 me sembla tout joyeux de lad. nouvelle et s'en alla faire chanter Te Deum laudamus devant qu'il voulut manger ny boyre, et si estoit il douze heures et demy quant il en sortit. Les esglises de ceste ville en rendront louanges à Dieu comme pour ung bien commun à vous, Sire, et à eulx, ne se pouvant soûler grandz et petitz de donner gloire infinie à Votre Majesté d'avoir si vertueusement porté et deffcndu la querelle universelle de toutte le religion calholicque et à Monseigneur d'Anjou de vous avoir si vaillamment servy. Il fault croire et espérer que lad. victoire aman der a voz affaires en plusieurs sortes; car la bonne fortune trouve voluntiers plus d'amys que l'adverse; estant croyable de mesme que les Mores de Grenade n'auront pas eu plaisir d'entendre que vosd. rebelles ayent du pire; et au contraire les bons subgectz d'Espaigne marcheront de meilleur couraige à rencontre d'eulx à l'envy des vostres qui se sont très joyeusement portez au combat. Vous advisant, Sire, qu'il est venu advis des visroys d'Oran et de Maillorque que les ambassadeurs desd. Morisques qui avoient esté envoyez demander secours au Turc sont esté rapportez en Alger sur deux gallères accompaignez de quatre chaoux que led. Turc a envoyé quant et eulx ausd. rebelles les asseurer qu'ilz seront secouruz au printemps. En attendant cela, le roy d'Alger a faict donner quatre mil arquebuz et des munitions ausd. Mores, et cent jurez sont descendus, on dict six cens; lesquelz seront comme cappitaines desd. rebelles, de sorte qu'il est à craindre que l'armée turquesque si elle vient si puissante comme le bruict court, que TEspaigne aura beaucoup à souffrir parmy l'ayde des Arabes, qui pourront passer de Barbarie principallement, si lesd. Mo-

risques rebelles seront lors en nation (?). Pour lesquelz rompre et deffaire, Sa Majesté Catholicque faict dresser quatre vingtz enseignes d'infanterie espaignoUe choisie dans les villes et lieux par hommes exprès et especialz; de laquelle eslection lesd. villes et lieux en tireront caution si quelqu'ung habandonneroit son enseigne sans congé. Les chevaliers de Sainct Jacques, Calatrava et Alca[n]tara sont mandez aller en personne à lad. expédition et aultre noblesse, car veullent faire leur dernier effort durant cest 'hiver pour prévenir lad. armée turquesque, tellement qu'il ne se parle plus de voyages vers Vallance ne Aragon que cela ne soit exécuté; et lesd. seigneurs du conseil ne travaillent à aultre chose que aux provisions de lad. guerre. Qui a esté cause de retarder ma depesche, par laquelle je desirois donner advis à Votre Majesté de ce qui a esté traicté de votre mariage; mais il n'a esté possible plustost. Hz veuUent sinon que Voz Majestez Très Chrestienne et Catholicque soient traictez esgallement en bons beau frères et les Princesses en bonnes seurs touchant le dot; non que je me fusse rïibaissé à moindre somme que de quatre cens mil escuz que je leur ay demandez; mais voyant les demandes impertinantes qu'ilz requièrent, j'ay pensé faire bien de remectre le tout à Votre Majesté de ce dont je n'avois particulière instruction. Ce qu'il y avoit lieu de m'avoir mandé pour led. dot de combien Votre Majesté se voulloit contenter, jaçoit que, à leur dire, il sera impossible arracher dud. Empereur plus desd. cent mil escuz; car le Roy ne consentiroit jamais que la seconde desd. Altesses eust advantaige sur son aisnée et j'ay compris qu'il se contentera de cent mil escuz les avoir par escript et non reallement. Je vous supplie très humblement. Sire, me commander et faire entendre votre bon plaisir sur les réquisitions de don Dietristan; et fust esté votre service de m'avoir faict entendre ce que Votre Majesté a faict négocier vers led. Empereur et ses rcsponses; car de traicter ung mesme négoce en deux lieux et par divers ministres peult succéder de la contrarietté ; et sans la coppie d'une lettre latine du ix septembre que lad. Majesté imperialle vous a respondue, laquelle sond. ambassadeur m'a donnée, ilz m'eussent] faict acroire, comme ilz disoient, qu'il falloit envoyer demander Madame Elisabeth aud. S% son père, par l'ambassadeur qui ira

faire les fiansailles, et aultres choses dont il n'est faict mention en sad. lettre; ny seroit raisonnable d'envoyer demander ce qui vous a desja esté promis et accordé.