AlaRoyne

Madrid,. 31 octobre 1569.

Madame, Tant de jours sont passez depuis la dernière depesche qu'il a pieu à Voz Majestez me faire du six et huictieme de septembre qui me fust donnée le iiij"' du présent, et ceste cy va si tard que je crains vous avoir mise en soucy de panser l'occasion de telle longueur. Aussi je ne doubte pas que ma lettre du xxviij* dud. septembre ne vous ait causé quelque malle satisfaction voiant les dillations dont il m'a esté usé sur le faict de Portugal ; duquel costé les affaires sont es mesmes termes qu'ik estoient lors, ainsi que vous serez servie de veoir par la présente. Mais je respondray plustost. Madame, à vosd. lettres, par l'une desquelles je suis reprins de vous avoir nommé la Princesse Elizabeth pour debvoir estre Royne d'Espaigne, ce qui m'a faict rougir de honte; car en revoiant mes minuttes, j'ay veu mon erreur, et confesse d'avoir équivoque par deux seuUes lettres du six et xix* d'aoust*. Toutesfois il vous plaira, Madame, de faire relire mes précédentes et les dernières ; Votre Majesté trouvera que lad. Princesse vous est promise, et non Madame Anne. Je suis certain pareillement de vous avoir souvent escript que le Roy espouseroit la»seconde et non Taisnée, suivant ce qui en fust declairé à Mons' le cardinal de Guyse par le Roy d'Espaigne; et quant un changement si nottable seroit advenu, je n'aurois failly de vous le speciffier bien clairement. Touchant à l'autre votre lettre, Madame, par où il vous plaist me mander que l'Empereur ne faisoit aucun semblant d'envoier lesd. Princesses, je n'en fais point de doubte, car il tient de la froideur de deçà. Ce n'est pourtant que led. S' Roy Catholicque, ses principaux ministres et don Dietristan, ambassadeur dud. S' Empereur, ne m'aient donné à entendre tous les propoz que je vous ay escript

' Copie du temps. Bibl. Nat., ins. fr. 16J03, f» 576. * Plus haut, p. 98, 102, 108.

de leur venue; il est vray que le cardinal de Siguence en parla plus véritablement au Nonce du Pape, ainsi que Votre Majesté aura peu veoir par une de mes lettres, il y a quelque temps, que ce seroit pour après l'hiver, en attendant que les troubles de votre Royaulme et de Grannade feussent assouppiz, et à moy il me disoit que se seroit plustost pour octobre que plus tard. J'aprendz» Madame, par expérience que ces s" icy scavent dire une chose pour autre en ce qui concerne leur faict; qui est cause que je ne vculx plus doresnavant croire de leurs paroUes sinon tant que j'en verray devant mes yeulx; car le mesme Roy leur maistre s'en ayde comme eulx. Ilz s'excusent et deschargent sur l'Empereur qui n'a pas les choses prestes. Il demande aussi que la ratiffication des pactes et fiançailles se facent près de luy devant que traduire lesd. Princesses mesmes. Il a esté tardif à depescher ses pouvoirs, car leur datte est du deuxiesme dud. septembre et le courrier qui les a apportez n'est arrivé que le quatriesme de ced. mois d'octobre; auquel jour Sa Majesté Catholicque estoit à Escurial ; lesquelz pouvoirs me semblent bien maisgres, comme je leur ay remonstré,ence qui touche d'obliger led. S' Empereur; car il n'y procedde pas de la franchise que faict le Roy pour le sien; leur coppie sera en ce pacquet.

Madame, ce fust le quinziesme de ced. mois que je fuz à l'audience dud. S' Roy; lequel me dict qu'il avoit receu lesd. pouvoirs plustard qu'il n'esperoit; et estoit d'advis qu'il failloit entrer au traicté du mariage du Roy, son frère, afin qu'il ne se perde plus de temps. Je luy ay respondu que j'estois prest plusieurs jours avoit et le serois à toute heure qu'il luy plairoit me commander. Bien luy suppliois me dire la cause pourquoy il ne me parloit de traicter par mesme moien celluy de Madame avecq le roi de Portugal, veu que ses courriers qu'il y avoit envolez affin de faire venir le pouvoir dud. s' roy estoient de retour dès le mois passé, ne luy vouUant poinct celler que j'ay commandement du Roy mon maistre de traicter les deux mariages ensemble et ne les conclurre l'ung sans l'autre. Sad. Majesté m'a faict responce que led. roy, son neveu, n'avoit encores peu assembler son conseil gênerai obstant le danger de peste; mais que son pouvoir ne tarderoit beaucoup à venir prenant sur luy à me descoulper envers Voz Majestez, si tant sera, ce qu'il

i32 DÉPÊCHES DE M. DE POURQUEVAUX

ne peult croire, que vous trouviez mauvais que j'aie exceddé votre commission, en traicter (sic) du mariage du Roy, sou beau frère, devant celluy de Mad. Dame ; car il fault commencer par le plus important et pressé. A ces fins il depputeroit aucuns de ses ministres pour nous entendre, led, don Dietristaiu et moy, et luy raporter notre dire en intention de nous accorder s'il seroit possible, si de nous mesmes et par lesd. depputteznesepouvoit. Cella dict, Madame, avec autres propoz touchant la première nouvelle qu'i[l] venoit d'avoir de la bataille, j'ai prins congé, et ne l'ay veu depuis sinon le xxj' de ced. mois que je lui fuz baiser la main pour me rejouir de voz partz avec Sad. Majesté pour la victoire qu'il a pieu à Dieu vous donner, laquelle on venoit de scavoir par lettre de don Francés de Alava du vj% et tout ainsi qu'il m'avoit communiqué le premier advis plustost que à nul autre de sa court. Il vouUust que je fusse adverti de lad. confirmation à l'instant qu'il la receust et en alla luy mesme faire chanter Te Deum laudarnusen sachappelle, monstrant à son visage et à ses paroUcs en estre fort contant. Tout le monde loue le Roy et lui donne des bénédictions et à Votre Majesté pour avoir tenu bon pour la relligion catholicque qui s'en alloit estre abbolie si la France ne Teust maintenue ; et bienheureux le ventre qui a porté telz princes. Aussi Test Monseigneur d'Anjou en ces manières, mesme d'avoir deux fois combattu à batailles rangées, rapportant tousjours victoire des ennemis. Car je ne scay trouver en aucune histoire que jamais prince en ait fait autant en l'âge qu'il est. Je prie Dieu, Madame, le vouUoir conserver et prester très longuement au Roy, à vous, Madame, au Royaume de France, et quelque jour universellement à toute la chrestienté pour estre cappitaine gênerai d'une très saincte ligue et d'une très puissante armée contre les ennemis du nom chrestieu. La venue au demeurant du gentilhomme que Voz Majestez auront depesché pour venir se conjouir avec Sad. Majesté Catholicque pour lad. victoire nous tarde, afin de scavoir particuUierement comme tout est passé.

Madame, ung personnage qui le pense scavoir m'a dict qu'il y a assez mauvaise correspondance entre les Rois d'Espagne et de Portugal à cause que les Espaignolz se sont emparez depuis cinq ou six ans en çà de deux isles riches d'or et d'espicerie à

deux journées de navigation des MoUucques et les nomment Philippines et que de présent on dresse une grosse flotte en la Neufve Espaigne vers la mer du Sur; laquelle doibt aller peupler lesd. isles et chasser les Portugallois hors desd. MoUucques. Au contraire led. roy de Portugal y envoie une bonne armée pour les défendre et la puissance qu'il a vers lesd. Indes, lesd. Espaignolz n'en auront pas du meilleur. Cella, Madame, donnera occasion d'inimittié entre ces deux royaumes, car d'ailleurs led. jeune roy a esté norry d'un nombre d'années en çà par des personnes mal affectées contre Castille, si bien qu'il n'aime aucunement ceste nation, et son conseil entend à regret que led. S' Roy Catholicque s'entremette de leurs négoces; et leur plaist encore moins qu'il s'empesche de marier leur Roy.

J'adjoutte ung nouveau grief d'un pillote nommé Domingo Garrochio, natif de Lislebonne, qui a esté suborné et attiré à ce service par l'ambassadeur d'Espaigne résident aud. Portugal. Lequel pilotte est des plus expérimentez mariniers et excellentz cosmographes qu'on sache et qui scait au vray la démarcation desd. isles et des Indes dont ces deux Rois sont dififerens, et promect de descouvrir autres grandes terres neufves et les conquester à peu de coust, lesquelles abondent d'or et d'argent. Au raoien de quoy lesd. Portugallois ont conceu nouvelle jallouzie contre Castille, et le roy dud. Portugal avoit envoie personnage cxprez pour retirer d'icy led. pillote soubz promesse de pardon et de plusieurs biens. Mais il n'y a vouUu entendre, car il a souvenance du cappitaineCaldare qu'ilz feirent mourir. Or ne saurois je, Madame, bien juger s'il y auroit autre secrette intelligence entre lesd. Rois; mais il est vray que led. pouvoir n'est encores venu, et ne va par ceste depesche à Voz Majeslez, sinon ce qui s'est traiclé par don Dietristan et moy du mariage pour le Roy presentz lesd. depputtez. Il sera votre bon plaisir me mander quelle est votre resoUution sur les demandes dud. ambassadeur, qui semblent proprement aux querelles d'AUcmaigne, comme le proverbe dict.

Madame, je prie Dieu qu'il vous veuille maintenir et conserver très longues années en très acomplie santé et- félicité. De Madrid, le dernier jour d'octobre 1569.