Au Roy

Madrid, 5 novembre 1569.

Sire, Depuis ma lettre du dernier d'octobre, j'ay aprins que neuf gallères sorties du port de Laraix en Barbarie qui est hors du destroit de Gibeltar, ont donné sur Tisle de Lancalote aux Cannaries, prins et bnislé quasi toute la ville et les églises et faict grand nombre d'esclaves, entre aultres six dames de bonne maison. Aussy ont recogneu toutz les portz de la grand Canarie, prins les navires ou bruslez qu'ilz y ont trouvez, donnant à entendre qu'ilz y veullent retourner pour rompre la navigation du Peru et des Indes de Portugal. Ceulx desd. isles ont envoyé supplier le Roy d'Espagne, leur seigneur, qu'il les vueille secourir, et il leur envoyé cinq cens homes. Lad. descente fut le xxij"* de septembre. Aussy ung turc, Sire, a tué le petit roi des Morisques rebelles de Grannade à cause qu'il avoit faict mourir ung aultre turc pour crime. Hz ont esleu ung oncle dud. roy petit pour leur roy, lequel est bien plus suffizant pour commander que n'estoit sond. nepveu, Il fera beaucoup toutesfois s'il se pourra défendre des forces que le Roy, votre frère, faict lever contre eulx, et croy qu'il y employera les quatre mil soldats qu'il avoit promys de vous envoyer, car je viens d'entendre qu'ilz sont encore à Victorie et aux environs sans faire semblant (le passer oultre. Mais s'il est ainsy, je ne fauldray pas de luy en parler ung mot; vous asseurant, Sire, que Votre Majesté ne debvroit vouUoir pour grand priz que led. secours se fust trouvé à la bataille; car les Espagnols se venteroyent à jamais que les leurs eussent tout faict, comme ilz se ventent de celle de Dreux.

Sire, il ne m'a esté possible de vous faire plustost ceste depesche; et Votre Majesté m'en peult bien croire; mesme en escrivant ceste lettre je suis atendant les lettres que Sa Majesté Catholicque m'a mandé vous voulloir escrire de sa main; et vont par ceste depesche les articles que l'ambassadeur de l'Empereur et moy avons disputez; et telz y en a que Votre Majesté les trouvera bien estranges. Je vous supplie très humblement, Sire, que la responce qu'il vous plaira me faire sur iceulx soit si claire

» Autographe. Bibl. Nat., ms. fr. 16103, f« 582.

que votre ignorant ambassadeur qui faict ce qu'il scait n'y puisse faillir ne prendre une choze pour aultre contre votre intention et service. Estant d'opinion, Sire, que Votre Majesté doibve choizir le plus droit chemin de Vienne d'Austriche en France pour la venue de Madame la Princesse Izabeau, quand vous en serez à cela, et ne permectez point que elle passe par Itallieny sur les estats de Sad. Majesté Catholicque, ny à Gennes; car sembleroitetfauldroitquelad. Dame qui s'appellera la Royne de France fist la court et compagnie à la Royne d'Espagne. Et, Sire, pour aultres respectz je ne vouldrois que elle vint par mer comment que ce soit; mais vous avez le chemin deTAUemaigne, qui luy sera seur, libre et aizé, venant à Metz par le plus court. Jamais home de bien ny voUeur dud. païs n'ozeroit essayer de faire desplaisir à mad. Dame estant sous la protection de l'Empereur, sou père, et de l'empire.

Sire, je prie Dieu qu'il vous maintienne et conserve très longues années en très acomplie santé et prospérité.

De Madrid, le cinquiesme de novembre 1569.

Sire, comme je signois ceste lettre, est arrivé le s' Jeronimo Gondy, qui m'a donné les depesches qu'il a pieu à Votre Majesté m'envoyer par luy; au contenu desquelles, je feray comme je suis tenu; et m'esbahis que le courrier que je depeschiz d'icy le xxviij de septembre n'est pieçà vers Votre Majesté. Et pour ce que Sa Majesté Catholicque sera de retour d'Escuryal dès le viij ou ix"' de ce mois, led. s' Gondy et moy atendrons de luy baiser la main de votre part jusques à sond. retour.

Votre très humble, très obeyssant et très obligé subject et serviteur.

FORQUEVAULX.