A La Royne

Madrid. 5 novembre 15G9.

Madame, J'ay aprins depuis mon aultre lettre escripte que le roy de Portugal escrivist en ce mois de septembre passé aux bonnes villes de son royaulme leur demander conseil s'il leur

' Autographe. Bibl. Nat., ms. fr. 16103, f 386.

sembloit qu'il se deubt maryer ou non; et s'ilz en estoient d'advis, qu'ilz luy dissent aussy quel party de deux luy seroit plus convenable pour le bien de sond. royaulme, celluy de la seconde fille de TEmpereur ou la soeur du Roy de France, car Tun ou Taultre estoit à son élection. Toutes lesd. villes ont respondu qu'il se doibt maryer et le supplier que ce soit au plustost qu'il luy sera possible ; et si ce ne sont Coymbre et Porto deux cités dud. Portugal, lesquelles luy conseillèrent de prendre celle que la royne son ayeuUe et la Princesse sa mère choiziront, toutes les aultres cités et villes sont d'opinion qu'il espouze Madame et qu'il s'allie de France. L'ambassadeur dud. Portugal, Madame, avoit envoyé pour son congé, qui luy a esté accordé facillement pour ce qu'ilz l'estiment en lad. court pour trop partial de cested. Princesse, et par conséquent plus Castillan que bon Portugallois. J'entendz que son successeur viendra garny du pouvoir requis à traicter led. maryage avec mad. Dame et n'a tenu à lad. Princesse de faire ses effortz que lad. seconde d'AUcmaigne qui doibt estre vostre ne soit de sond. filz : en quoy l'a secondée led. ambassadeur; et pour empescher led. maryage de Madame, a escript aud. Portugal tout ce qu'il a peu imaginer luy povoir servir à dissuader de prendre votre alliance; et disoit n'a gueres de jours à ung mien amy, home de qualité, que lad. Princesse estoit après pour faire trouver bon à son filz d'atendre huict ou ix ans à se maryer, car il aura lors Madame l'Infante Catherine, votre petite fille. Je suis d'aultre part adverty que Sa Majesté Catholicque va de bon vouUoir qu'il espouze Madame; et ne scay qu'en penser, s'il est vray que lad. Princesse sa seur moyenne de faire garder lad. Infante et la promete à sond. filz, car cela ne se fera pas sans le consentement de cested. Majesté. Hz sont toutz, Madame, si fins et couvertz en leurs négoces que je ne m'y fie point.

Ung courrier dud. roy de Portugal depesché pour Rome a apporté lettres à ced. ambassadeur le premier de ce mois et pour ced. S' Roy; et m'a esté rapporté que en celle dud. ambassadeur y a que led. roy de Portugal fera parler et traicter dud. maryage de France quand il semblera temps et saison à son conseil. En ces entrefaictes son povoir. Madame, n'arrive point. Je vouldrois de bon cueur scavoir si je feray bien de n'y enten-

dre point, aussy si cas sera qu'il vienne, et faire le froid comme ilz font. Au regard du maryage du Roy, j'envoye à Voz Majestés tout ce que l'ambassadeur de l'Empereur et moy avons dict, remonstré et faict sur icelluy en présence des députez de ceste Majesté. En quoy je scay bien que j'ay faict le moins mal que j'ay sceu; mais nous en sommes encore au commencement. Je croy que ced. S' Roy vous escript sur ce propoz et de la belle victoire que Dieu vous a donnée. Il est allé à Escuryal faire la Toussaint et sera de retour dans trois jours. Lad. Princesse est à six lieues d'icy de trois jours en çà en ung lieu nommé Ulesques, pour y faire une ncufvaine. Mesdames les Infantes sont en bonne santé.

Madame, je vous supplie très humblement qu'il vous plaise me permettre d'aller moy mesme apporter à Voz Majestés la conclusion des articles du maryage du Roy, quand nous les aurons passez et concluz; car ne sera pas trop si vous ayant servy plus de quatre ans en ce lieu, il mest donné congé de deux mois pour aller baiser les piedz et mains de mes maistre et maistresse. Vous l'avez permis à d'aultres qui n'avoyent tant de raison de l'avoir comme j'ay ; et mesme je laisseray ung personage en mon lieu pour recevoir et distribuer voz depcsches, qui vous advertira pendant mon absence des occurrences de ceste court. Puis, Madame, mais que je vous aye faict la révérence et raconté en quel estât sera TEspaigne à mon partement, il sera en votre bon plaisir et discrétion de m'y renvoyer; car je nasquiz pour mourir en votre service; et ne me refusez point ceste grâce; je vous le supplie très humblement.

Madame, je prie Dieu qu'il vueille continuer votre prospérité de plus en plus par très heureux et multipliez bons succez, et vous doint très acomplie santé. De Madrid, le v"* de novembre 1569.

Madame, le s' Jeronimo Gondy vient d'arriver. Je n'ay voUu retarder ceste depesche pour celle qu'il apporte; car aussy le Roy Catholicque est à Escuryal. Mais envoyez moy, s'il vous plaist, le s' Almede, car il vous serviroit par deçà pour Portugal.

Votre très humble, très obeyssant et très obligé subject, vassal et serviteur.

FORQUEVAULX.

138 DÉPÊCHES DE M. DE FOURQUfiVAUX

201 . — De ce qui a esté traioté sur le faict du mariage du Roy Très Chrestien de France avec la Serenissime Princesse Ysabel, seconde fille de l'Empereur Maximilian, resuite ce qui s'ensuit.

Ajant esté veuz les pouvoirs que l'Empereur a donné au s' baron de Dietristain et le Roy Très Chrestien au s' de Fourquevaulx, ambassadeurs de leurs Majestez Césarée et Très Chrestienne, rezidentz prez Sa Majesté Catholique, pour traicter dud. mariage, lesquelz pouvoirs sont depeschez selon le stille de leurs chanceleries, il a semblé qu'encore qu'ilz soient differentz aux parolles qu'ilz sont suffizantz, et que en vertu d'iceulx on pouvoit et debvoit fort bien procéder aud. traie té.

11 s'est entré aud. pourparlé et traicté soubz condition que la conclusion et rezollution des articles se feront en ce lieu ; neantmoins la ratiffication d'iceulx et du dernier effect se rezerve ausd. Majestez Cezarée et Très Chrestienne respectivement procédant la solemne ambassade que le Roj Très Chrestien doibt envoyer àl'Empereur pour lad. ratiffication et solemnisation des fiançailles'.

En ce qui touche le dot, jaçoit que par l'ambassade de la Majesté Cezarée fut propozé que par la coustume de sa maison le dot des filles n'excedoit la somme de cent mil florins de Rhin, toutesfois, après avoir traicté plus avant sur ce faict, fut advizé de donner cent mil escuz d'or, qu'est la mesme quantité et d'or que Sad. Majesté Cezarée donne & Sa Majesté Catholique pour la Serenissime Princesse Anne, fille aisnée de l'Empereur; de manière que les dots desd. deux Princesses Anne et Yzabeau seront esgallez en tout. Sur quoy a estédict de la part du Roy Très Chrestien qu'estant lad. somme beaucoup moindre de celle que les Roys de France ont accoustumé de donner et recevoir et n'ayant commandement preciz de la pouvoir accepter, led. ambassadeur en adveriira le Roy son seigneur.

Touchant aux payes et termes du paiement de lad. dot, encore que de la part de Sa Majesté Cezarée estoit demandé qu'ilz fussent plus longz , il a en effect esté convenu que la moytié se payera au tempz de la consummation du mariage, et l'aultre moytié de là à ung an ; et que les lieux du paiement soient en Anvers ou en Lyon de France, au choix du Roy Très Chrestien, et l'espèce de la raonnoye soit à raison de quarante placques de Flandres pour escu*.

Quant à l'assignation et seureté de lad. dot, il a esté offert de la part du Roy Très Chrestien que ce sera sur lieux du Royaume de France à la bonne satisfaction des depputez de Sa Majesté Cezarée, faisant le compte de ce qui touche au revenu ou rente à raison de cinq pour cent, que l'ambassadeur

' En regard, en marge : Gecy se rapporte à une lettre que l'Empereur a escripte au Roy Catholique et à Sa Majesté Très Chrestienne du ix de septembre

' En regard, à la marge : La placque vault 1 s. 3 d. et les quarante font 2 liv. 10 s.

deist estre conforme à la coustume qu'on lient en France en ce cas. Auquel fut reppliqué de par l'ambassadeur de Sa Majesté Cezarée que ce qui esloit dict de l'assignat alloit bien ainsi ; mais que le compte du revenu est trop bas, lequel doibt estre à raison de sept pour cent à la coustume alléguée. Y a responce de la différence des tempz et que estant la somme de la dot si petite, au cas de dissolution de mariage, lad. Serenissime Princesse n'auroit entretenement convenable à la dignité de tel Roy ; et le propoz de cest article est demeuré en ceste différence pour la faire entendre à leurs princes, combien que aux depputez de Sa Majesté Catholique sembloit que ce n'estoit ung point pour estre suspendu.

Pour le douaire, a esté offert de la part du Roy Très Chrestien que lad. Serenissime Princesse, sa future femme, aura soixante mil livres ou francz chacun an assignez en terres et lieux avec jurisdiction et tiltre de duché le plus principal et les autres de proche en proche, ainsi et selon qu'en la maison de France et par les Roys Très Chrestiens a toujours esté acoustumé; duquel dict douaire et assignat de dot, lad. Serenissime Princesse joyra, en cas de dissolution du mariage, elle survivant, pour toutz les jours de sa vie demeurant aud. Royaume de France ou se départant d'icelluy conforme à la liberté que en ce faict de demeurer ou de sortir est juste que lad. Serenissime Princesse ait; et sortant dud. Royaume s'entend que elle emmènera avec soy ses ministres, serviteurs et ses biens et joyes. Sur quoy a esté dict par l'ambassadeur de Sa Majesté Cezarée que la quantité dud. douaire selon la grandeur de la maison de France en la quallité de la dame et le peu d'entretennement qui luy demeureroit aud. cas est petite et luy en fault davantage. Parquoy il a esté advisé que son dire sera faict entendre au Roy Très Chrestien.

Oultre led. douaire a esté propozé par l'ambassadeur de Sa Majesté Cezarée qu'il seroit raisonnable que le Roy Très Chrestien assignast contredot et arres pour l'honneur de lad. Dame ; est ceste contredot par la coustume d'Allemaigne et une autre fois aultant que la dot, que seroient autres cent mil escuz, et les arres la moytié que seroient cinquante mil escuz; desquelles contredot et arres lad. Princesse jouyroit advenant dissolution de mariage et qu'il y eust des enfans. L'ambassadeur du Roy Très Chrestien a dict qu'en la maison de France les Roys n'ont point acoustumé de donner contredot ny arres, sinon seullemeut led. douaire, lequel tient lieu de tout cela. Et par ainsi il ne pouvoit accepter ny s'accorder en telle chose. Toutesfois qu'il en feroit son rapport avec ce qui est remonstré.

Pareillement a esté parlé des joyes et bagues que led. S' Roy Très Chrestien doibt donner à lad. Serenissime Princesse sa future espouze et en ceste partie s'est declairé led. ambassadeur du Roy Très Chrestien que seroit jusques à la somme de cinquante mil escuz ; lesquelz led. Roy Très Chres tien consentira puissent sortir nature d'heritaige, comme en semblable sortiront les autres bagues et joyaulx, que lad. Serenissime Princesse aura apportez pour estre siennes propres pour elle, ses héritiers et ayantz cause. Ce que l'ambassadeur de Sa Majesté Cezarée accepta, s'asseurant que conforme à la grandeur du Roy Très Chrestien et à la qualité de lad. Dame, il s'estendra tousjours davantage en cecy.

T/it

En semblable led. ambassadeur du Roj Très Chrestien a declairé que lesd. dot, joyes et bagues doibvent estre et apartenir à lad. Serenissime Princesse future Royne de France comme chose sienne et pouvoir dispozer d'icelle en cas de dissolution de mariage survivant elle sans enfans ; neantmoins advenant, comme Ton espère en Dieu, que elle en ait, lad. Dame ne pourra dispozer desd. bagues et biens en faveur d'autres personnes, ains comme dict est, demeureront àsesd. enfans et héritiers et ayantz cause; et en cas que elle morust la première sans laisser enfans dud. mariage, led. Roy Très Chrestien et ses héritiers et ayantz cause ne seront obligez à restituer que les deux tierces parties dud. dot que lad. Serenissime Princesse aura apporté, comme desd. bagues et joyaulx. De la part de l'ambassadeur de Sa Majesté Gezarée a esté reppliqué que cella seroit trop rigoreui et desraisonnable. Parquoy aud. cas il fauldroit faire la restitution entière de sond. dot et joyes, sans déduire ny défalquer lad. tierce partie.

Pour regard de l'entretennement que doibt avoir lad. Serenissime Princesse future Royne de France constant le mariage, il a esté dict par l'ambassadeur du Roy Très Clirestien qu'en cella il fault declairer la somme limitée, mais offre que led. entretennement sera tel qu'il appartient à telle Dame et femme de tel Roy ; lequel luy sera délivré àl'espargne outrezorerie generalle dud. S' Roy de trois en trois mois. L'ambassadeur de Sa Majesté Cezarée s'en est contenté, entendant et tennant pour certain que cest entretenement soit tousjours esté et espère sera à présent en la forme et avec le complément qu'il est offert de la part du Roy Très Chrestien.

11 a esté remonstré par l'ambassadeur de Sa Majesté Cezarée touchant les biens qui multiplieront durant le mariage n'estant des incorporez ou appliquez à la couronne de France, lesquelz suivant la coustume de plusieurs provinces sont communs, et la femme doibt en avoir la moytié. L'ambassadeur du Roy Très Chrestien a responduque cela n'est ny a esté acoustumé en la maison de France, ny les Roy nés qui ont esté aud. Royaume n'ont jamais heu aucune part aux acquisitions. Parquoy ne failloit insister à lad. demande.

De commun accord et consentement desd. deux s" ambassadeurs a esté traicté que lad. Serenissime Princesse Yzabeau sera envoyée par l'Empereur, son père, la mieulx parée et enjoyellée qu'il sera possible et ainsi qu'il appartient à fille de si haultz père et mère et mariée avec si grand prince, lequel donnera ordre que elle soit receue sur les limites par les personnes et avec l'authorité et dignité qu'il convient.

Et en ce qui touche son hostel, serviteurs et officiers que lad. Serenissime Princesse future Royne de France doibt avoir, fut remonstré et requis par l'ambassadeur de Sa Majesté Cezarée que cecy doive estre et soit avec le nombre et en la quallité et en tout le surplus comme il appartient à l'authorité de cette Royne et à sa plus grande satisfaction et contentement que faire se pourra. L'ambassadeur du Roy Très Chrestien respondit que combienqu'il scache qu'il luy fault donner maison et estât selon sa grandeur, toutesfois pour ce qu'il ne scait sur cela précisément la volunté de son Roy, il l'en advertira.

Il est accordé de commun consentement desd. ambassadeurs que lad. Princesse fera les renontiations de toutz droiclz paternelz et niaternelz à la satisfaction de l'Empereur, son père, et de ses depputez.

Au regard du temps d'effectuer ce mariage, tant en ce qui touche les fiançailles par procuration comme en la traduction et amenances de lad. Serenissime Princesse, pressupozant que la ratiffication après les articles matrimoniaulx rezoluz par lesd. commissaires, se doibt faire par leurs Majestez Cezarée et Très Ghrestienne respectivement et précédant, la solennelle ambassade desja mentionnée est rezervée ne se pouvant rezouldreque l'Empereur le declairera, entendant comme l'on entend que, puisque les voluntez des deux parties sont si promptes et tant conformes en cecy, qu'il n'y pourra avoir dillation.

Par dessus ce qui est dict, l'ambassadeur de Sa Majesté Cezarée remonstre qu'encore qu'il se peult justement prétendre comme desja plustot que à présent s'est prétendu qu'avec ceste occasion et nouvelle alliance led. Roy Très Chrestien se contenteroit de restituer à l'empire les eveschez et citez de Metz, Toul et Verdun, neantmoins veue la difficulté et dillation que cecy pourroit maintenant mectre à l'effectdud. mariage, et ne pouvant du cousté de Sa Majesté Cezarée passer cella avec dissimulation, il sera dict et causé par ung des articles matrimoniaulx que, nonobstant l'alliance tant estroicte qu'il contracte avec led. Roy Très Chrestien, lad. Majesté ne veult se départir de l'obligation qu'il doibt à l'empire comme chef d'icelluy ny renoncer à la poursuicte et pretension du droict desd. eveschez et citez imperialles. Auquel point l'ambassadeur du Roy Très Chrestien feist responce qu'il n'avoit aucune commission touchant cela; bien a offert d'en donner advis aud. Roy son seigneur en la manière et forme qui luy estoit propozée.

Cecy est ce qui a esté touché touchant led. mariage par lesd. ambassadeurs et commissaires desd. Maj estez Cezarée et Très Chrestienne, y estant intervenu le Illustrissime cardinal de Siguence depputé par Sa Majesté, et assistant le docteur Velasco de son conseil et de sa chambre. En Madrid, le jeudy xxvij"* d'octobre 1569.

202. — Discours du s' de Fourquevaulx, ambassadeur en Espalgne, de ce qui a esté traicté jour par jour sur Te maryage futur de Sa Majesté avec Madame la Princesse Elizabet d'Austriche ^

Le pouvoir donné par Sa Majesté aud. ambassadeur en datte du deux d'aoust 1569 à Paris, pour traicter et conclure les pactes et maryage de Sa Majesté avec Madame la Princesse Elizabet d'Austriche, luy fut donné à Madrid le xxiiij dud. moys acompaigné d'instruction, qu'il receultet accepta •comme très humble subject et serviteur

» Mémoire autographe de M. de Fourquevaux, château de Fourqaovaux. Au dos de la pièce : Par Latalle qui partUt de Madrid le Vme novembre, à Vlli heures du soir, 1569,

442 DÉPÀCHES DE M. DE FOUBQCEVAUX

Començanl par ce que le Roy Catholicque d'Espaigne a esté de retour d'Aranxois et d'Escuryal en ce lieu de Madrid, le neufiesme d'octobre an présent mil V' Ixix, et pour ses grandes occupations led. ambassadeur fust remjs pour l'audience du quinziesme à quatre heures après mydj ; leqpiel jour, sur l'heure du disnerdud. S' Roy, arriva ung courrier depesché de Lion leseptiesme dud. mois par Bonnize demandant advis aud. S' Roy Catholicque qu'il avoit pieu à Dieu donner victoire au Roy le troisiesme dud. mois contre les rebelles ; ce que lad. Majesté Catholicque rezerva de dire et descouvrir jusques à l'avoir plustost dict aud. ambassadeur, qui luy en baiza les mains pour la faveur, mais principallement pour l'allaigresse et contentement que led. S' Roy en monstroit, bien qu'il doubtoit de la vérité dud. succez très heureux, pour ce que ce n'estoit la première bonne nouvelle qui fust trouvée faulce.

En lad. audience, led. S' Roy déclara aud. s' de Fourquevaulx que l'Empereur luy avoit faict entendre par sa dernière depesché qu'il ne pouvoit envoyer Mesdames ses filles sitost qu'on avoit espérance ; mais ce seroit tost après l'hiver; et ne failloit perdre tempz ny différer plus à traicter du maryage du Roy Très Chrestien, son frère, avec Madame la Princesse Elizabet, auquel il voulloit tenir main qu'il se conclust en toute bresveté. A ces fins, il adviseroit de députer et nommer personages et lieu pour entendre le dire d'entre nous ambassadeur dud. S' Empereur et dud. S' Roy Très Chrestien ; de laquelle bonne volunté et détermination je le remerciay et luy demandis qu'estoit la cause que Sa Majesté ne me parloit du maryage de Madame soeur du Roy avec le roy de Portugal , et si son pouvoir estoit point encore venu, afin de traicter des deux maryages ensemble, comme il m'est commandé et de ne conclure l'ung sans Faultre. Led. S' Roy Catholicque me feist la responce acoustumée prennant escuze sur la peste qui est en divers endroitz aud. royaulme, laquelle tient séparés les roy, royne et conseil, et de plus que aussy led. jeune roy est conseillé de jeunes gens à ceste occasion, il veult penser à loizir sur ce faict. Par ainsy ne failloit laisser pour led. Portugal de traicter celuy du Roy mon maistre, car ce sera aultant advancé quand led. pouvoir viendra, s'asseurant Sad. Majesté que le Roy Très Chrestien, son bon frère, et la Royne, sa bonne mère, prendront en bonne part et m'advoueront d'avoir commencé par son maryage; car c'est celluy qui importe le plus ; et prennoit sur soy que je n'en debvois faire difficulté ny craindre d'en estre repris.

Cela estoit le samedy. Il adveint lendemain de nuict que le secrétaire Cayes vint parler à moy et me représenta le mesme propoz de debvoir traicter dud. maryage, puisque le Roy, son maistre, promectoit que Leurs Majestés Très Chrestiennes le trouveroyent bon, et à ces fins, pour y commencer à bezoigner, il avoit commandement d'aller de ce pas dire au cardinal de Siguence qu'il se dispoze de drecer les affaires luy et le docteur Vêlasco, et nous assigner jour et heure au s' don Dietristain, ambassadeur de la Majesté de l'Empereur, et & moy.

De rechef le mardy après disner, jour de Sainct Luc, led. Cayes est retourné m'adviserde la part dud S' Roi Catholicque qu'il a donné charge aud.

cardinal d'assister aud. traicté et led. docteur Velasco, priant qiie je me YoUusse tronver au logis dud. s' cardinal aux jours et heures qu'il m'advertiroit, comme feroit semblablement led. don Dietristain, et commencer par l'exhibition des pouvoirs; à quoy on pourroit donner commencement lendemain à trois heures après midj. Ce que je promys aud. Gajes de faire pour obejr aud. commandement, m'escusant toutesfois comme dessus que je ne puis rien conclure de l'ung marjrage sans l'aultre. Led. Cayes replicqua ce qu'il avoit desja dict le dimenche, et aussy qu'il ne seroit sinon bien à propoz que je sceusse si led. Dietristain auroit charge de demander telles conditions dont il soit nécessaire adviser Sad. Majesté Très Chrestienne et scavoir sa volunté sur icelles de bonne heure, aûn de gaigner tempz.

Le mecredy xix"** dud. mois, je me suis rendu chez led. cardinal à l'heure assignée ; et ay trouvé lesd. Velasco et Cayes ; lequel cardinal, après sa préface de l'affection que le Roy Catholicque a heu de longue main et a de présent à la confirmation de l'amytié et alliance, et à donner tout contentement au Roy Très Chrestien, son bon frère, par le maryage de sa niepce seconde fille de l'Empereur, a dict que le jour précédant don Dietristain estoit venu vers luy par ordonnance et advis dud. S"" Roy Catholicque et luy avoit monstre et laissé deux pouvoirs de la Majesté dud. S' Empereur, l'un adreçant à lad. Majesté Catholicque et l'aultre aud. Dietristain, pourtraicter et conclure le maryage de la Princesse Elizabet avec led. S' Roy Très Chrestien, desquelz me seroit faicte lecture, estant bien raisonnable qu'il veist pareillement le povoir que Sad. Majesté Très Chrestienne me donnoit; ce qui a esté faict sur l'heure. Et pour ce que lesd. cardinal et Velasque n'entendent françois, led. Cayes le translata en castillan, et tant l'original que le translat demeurèrent entre les mains dud. cardinal, afin de le communiquer au Roy Catholicque et aud. Dietristain. Comme d'aultre part la coppie desd. deux commissions de l'Empereur me furent accordées, et après quej'euz dict l'aize que j'avois qu'il eust pieu au Roy Catholicque de faire eslite dud. s' cardinal pour estre bon médiateur entre nous ambassadeurs susd., le priay qu'il fust content en bon et amyable arbitre d'embracer la cause de Sa Majesté Très Chrestienne de mesme zelle que celle dud. S' Empereur, et puisque le fondement s'en estoit faict une bonne partie par luy, qu'il failloit le parfaire et achever aussy tout d'une main pour en avoir le bon gré de Dieu et de toutes lesd. Majestés; ce que led. cardinal promyst qu'il feroit de fort bon cueur. Et là dessus il me pria de voulloir entrer aux particularitez et m'en descouvrir à luy, comme led. Dietristain avoit faict. Je luy respondis que j'eusse bien deziré scavoir ce que la Majesté de l'Empereur a délibéré de faire devant qu'il declarast l'intention du Roy, son maistre; mais il n'y a heu ordre que led. cardinal le luy ait vollu dire. Parquoy, après que led. de Fourquevaulx a heu remonstré qu'en ces quatre ans qu'il a esté ambassadeur le pourparlé du maryage de lad. Majesté Très Chrestienne avec une des filles de l'Empereur a esté souvent mys en termes une fois d'une puis d'aultre, et que à présent ne falloit plus répliquer sur quelle occasion il estoit venu avec son povoir en la main ; et veu que c'est pour traicter du maryage de lad. Princesse Elizabet d'Austriche avec sond.

i44 DÉPÈCHES DE M. DE FOURQUEVAUX

seigneur et maistre, auquel elle n'iroit pas sans une bonne dot digne de la très haulte maison d'où elle sort, il toucheroit donc à l'ambassadeur de l'Empereur, son père, de dire et offrir le premier quel bien il veult faire à lad. Dame. Neantmoins, puisqu'il falloit que led. Fourquevaulx fust le demandeur, il luy sembloit que une si grande Princesse allant à si grand Roy debvoit apporter aultant que la feu Royne Catholicque avoit apporté de dot au Roy Catholicque, son mari, qu'estoyent quatre cens mil escus. Led. cardinal a trouvé lad. demande fort estrange et hors de propoz, car jamais l'Empereur ne donneroit plus au Roy de France qu'il donne au Roy d'Espaigne, ce sont cent mil escus, et que le plus grand raaryage que les filles qui sont sorties de sa maison ont heu n'a point passé cent mil florins. Qu'il est bien raisonnable que led. S' Roy Très Chrestien se contente de semblable traictement qui est faict et promys aud. S^ Roy Catholicque, car lad. Majesté de l'Empereur ne donnera de sa vie plus à l'une Majesté que à l'aultre, ains les traictera et lesdites Princesses esgallement, que l'une n'aura la valleur d'un escu plus que l'aultre de sa maison. Et sur ce ont dict lesd. cardinal, Velasco et Caves que cent mil florins déclara led. Empereur à Mons'l'evesque de Rhenes, qu'il donneroit en dot à lad. Dame sa seconde fille, si Sad. Majesté Très Chrestienne l'espouzoit. J'aj' respondu que à peine ces propoz passèrent si avant lorsque led. s' evesque fut vers lad. Majesté Cezarée, bien m'a esté dict que de la part dud. Empereur luy furent propozez par escript certaines conditions qu'il demandoit en faisant lad. alliance tant indignes et desraizonnables que led. s' evesque luy rendist son papier sans s'en voulloir charger. Et passant oultre aux aultres poinctz tant du douaire que des bagues et en tretcnnement, j'enay respondu froidement sans me déclarer du tout, car je demandois que led. Dietristain se laissast aussy entendre de son cousté. A ceste cause, fut arresté que led. s' cardinal en communiqueroit avec luy et qu'il nous advertiroit du jour et heure qu'il nous pourroit aboucher toutz deux.

Quant à Portugal, que je disois avoir charge de traicter le maryage ensemble avec celuy du Roy, mon Seigneur et maistre, conjoinctement l'un sans l'aultre, il me fist responce que le povoir viendroit en bref et que pour icelluy ne falloit laisser de traicter le plus principal, qu'estoit celluy dud. S' Roy Très Chrestien.

Lejeudy xx°", led. Cayes m'est venu apporter les coppies des povoirs mentionnez et m'a dict que pour estre lendemain jour de consulte, led. cardinal y seroit occupé, mais ce seroit pour le samedy ou dimenche ensuyvant.

Advenu le vendredy xxj"% arriva une depesche de don Francés d'Alava dattée à Tours le vj"* en confirmation de la victoire très heureuze qu'il avoit pieu à Dieu donner à Sad. Majesté Très Chrestienne. Et passèrent aulcuns jours sans reprendre led. propoz entasmé, car led. cardinal disoit avoir grandes occupations pour les affaires de Grannade.

Par ce moyen encore que led. de Fourquevaulx eust faict entendre qu'il voulloit ne depescher le courrier que Sa Majesté Très Chrestienne luy avoit envoyé et n'y eust aultre raison que pour l'advertir comment lesd. povoirs

de l'Empereur estoyent venuz et non celluy de Portugal, il n'y a heu remède, disant iceulx députez et le Roy d'Espaigne par led. Cayes qu'il falloit atendre quelques jours aûn d'envoyer une depesche rezollue, comme il a esté faict remectant du jour à lendemain à rentrer aud. traicté. De laquelle façon ilz m'ont trainé jusques au xxv"% dont je n'estois pas desplaisant, ains atendois s'il me viendi'oit responce de ma depesche du xxviij de septembre pour scavoir, puisque le povoir de Portugal n'estoit venu, s'il plairoit au Roy ou non, que je traictasse de son maryage.

Ced. vingt cinquiesme jour venu, led. cardinal m'a envoyé apellcr pour les qualre heures du soir. Je m'y suis rendu; et Tay trouvé accompaigné desd. Velasco et Cayes, mais non de Dietristain comme j'esperois. Ceseroit ung trop long discours à coucher par escript ce qui fut dict et remonstré d'une part et d'aultre durant une grosse heure que lad. conversation tint, sans que je peusse arracher de leur bouche sinon que led. cardinal voulloit scavoir si j'avois commission d'accepter l'offre qu'il m'avoit faicte de cent mil escus de dot comme l'Empereur la donnoit au Roy Catholicque, m'asseurant que sond. maistre n'auroit la valleur d'un escu davantage que le mien n'en eust aultant. Je luy feis responce que j'eusse pencé que led. S' Empereur feroit conscience de donner si peu de somme à Mesdames ses filles les maryant si haultement, et je craindrois trop à prester mon consentement que le Roy mond. maistre se deubt contenter de si peu que cent mil escus, car il y a des subjectz de Sa Majesté en France qui en donnent aulcunes fois aullant et plus h leurs filles. Tant y a que je scavois bien que ce n'est entre si puissanlz princes qu'il fault marchander ny pezer à poix d'or une alliance si fructueuse qu'on espère que la leur sera à toute chrestienlé. Et le meilleur que je voy en leurd. offre, c'est de la parolle que led. cardinal me donnoit que Sa Majesté Calholicque n'auroit rien davantage pour l'aisnée que le Roy Très Chrestien pour la seconde; laquelle choze je ferois entendre à Sa Majesté en toute diligence. Et ainsy nous departismes pour en parler et comunicquer au premier jour toutz ensemble, quand led. don Dietristain y seroit, lequel icelluy dict cardinal feroit apeller lendemain pour luy dire mad. responce.

Le xxxj"" dud. octobre, led. ambassadeur Dietristain a negotié en Taprés disnée avec lesd. depputez.

Le jeudy xxvij"% luy et moy somes esté apellez dud. cardinal, où il a esté debatu longuement tant du dot, assignement d'icelluy , que du douayre, bagues, entretennement, restitution, que aultres chozes dependantzdud. maryage, sans (jue je leur aye voUu accorder sinon ce qui est speciffié en l'instruction. Lesd. députez et ambassadeur n'eurent de demande que les aquisitions, si Sa Majesté Très Chrestienne et lad. Dame en faisoient constant leur maryage, fussent communes, disant pour leur raison que ainsy se uze en Allematgne. Je leurrespondis que cela s'acoustumoit aussy entre les raarehantz et mesnagers de Paris, mais non par les Roys ny par les princes et grandz seigneurs de France.

Ils eussent bien voullu que le douayre fust acquis à lad. Dame pour en dispozer à sa volunté. Je fiz responce aud. ambassadeur qui le requeroit

146 DJBPÉGHES DE M. DE FOCRQUEVAUX

que les cent mil escus qu'il présente serojent plus que richement bien employez s*ilz acqueroient soixante mil livres de revenu en bonnes terres et seigneuries, la principalle en tiltre de duché et du patrimoine et domaine de la couronne, lequel est inallienable.

Au regard de la rezervation que l'Empereur faict des droitz pretenduz sur Metz, Toul et Verdun, nous avons heu assés de chozes à debatre là dessus led. ambassadeur et moy, car aussy seroit ce faire une alliance et amytié protestée et menacée d'une prochaine guerre. Il dict que son maistre n'entend point par cela menacer lesd. villes ny donner occasion de l'avoir pour suspect, cai" il ne feroit jamais de son gré moleste ny ennuy aux siens ; mais il le faict, afin que l'empire n'ait maulvaise ombre de ceste alliance.

Aussy n'ay je flatté à luy dire qu'encore que led. S' Empereur n'eust adverty le lloy d'envoyer ung grand seigneur vers luy pour la ratiffication et pour les fiançailles qu'il n'y fust esté rien obmys du debvoir du cousté de France, car nos Roys illustrent et donnent clarté aux aultres quand il est question de quelque notable solemnité, comme mon maistre n'obliera rien de sa dignité aud. acte et aultres convenables et qui appartiennent à si grand Roy comme il est.

Et pour le regard des serviteurs et officiers de lad. Dame, je leur ay dict que Sa Majesté Très Chrestienne ne vouldra pas que elle vienne seulle ny mal acorapaignée ; neantmoins d'accorder aulcune choze là dessus seroit hors de mon instruction; et si les pactes de la feu Royne seront leuz, on n'y trouvera point mention de son hostel ny de sa famille; et si est ce que elle mena des gentilzhomes et des dames françoizes pour son service, il est vray que Sa Majesté Gatholicque luy donna ung grand maistre et aultres officiers espaignolz, et des dames et filles de chambre espagnolles.

Il n'y a ordre de persuader lesd. députez que le Roy Gatholicque proraecte ny s'oblige pour la ratiffication ny observation des pactes ; et respondent que don Dietristain, ambassadeur dud. S' Empereur, est suffisament fondé ausd. fins, suyvant sa commission et en ce que elle s'estend. Par ainsy n'est bezoin que la Majesté Gatholicque s'oblige.

G'est merveille de l'instance que led. ambassadeur faict de vouUoir pour les arres et contredot cent cinquante mil escus; et lad. Princesse n'en doibt porter que cent mil de dot. 11 allègue la costume d'Allemaigne et moy celle de France qui n'admect point telz advantages. Il dict qu'en vain espouzeroit elle ung si grand Roy, si elle n'amendoist pour avoir esté sa feme. Je luy représente les cinq mil escus de... et le douayre, laquelle choze n'est en uzage en son pais et ne scay penser que lad. Dame ait plus grande raison de demander et avoir besoin contredot et arres, si en recompense de sa jeunesse perdue elle n'aura enfans que la mesme raison ne soit pour le Roy, si elle sera sterille, ce que Dieu ne vueille, car tout cela s'entend au cas qu'il n'y ait enfans et que Sad. Majesté decedast le premier.

Le dernier jour dud. octobre, vint Gaves sur le tard m'apporter les articles qu'il disoit avoir esté traictez par don Dietristain et moy avec lesd. députez ; et si je trouvois quelque choze à redire en iceulx, qu'il les rabilleroit ; mais cependant il me les vouUust faire trouver bons. Je luy demandiz

N- 202 ET 203. — 29 novembre 1569 147

temps à les veoir. Et veuz que je les euz à part moj, le soir mesme j'envoyai incontinent apellerson commjs, auquel je monstriz ce qui repugnoit directement aux faictz par moy proposez et à ce que j'avois respondu sur aulcunes des demandes dud. Dietristain. En quoy je ne veulx dire qu'il y eust de la malice ; mais il y avoit des articles captieux et contraires aux mémoires que j'ayois donnez de ma main en françois, ainsy que je le iiz recognoistre aud. commys et les corriger; laquelle correction fut envoyée à Sad. Majesté au monastère d'Escuryal, qui jugea que j'avois raison. Et en cela ont

passé jours; car aussy led. S' Roy a voullu escrire à Leurs Majestés; et

le icelluy Cayes m'a rapporté lesd. articles en castillan, qu'il m'a semblé

debvoir translater en françois pour plus claire intelligence de ce qui a esté traicté entre nous. Aussy j 'envoyé coppie du mémoire que je donniz aud. Cayes pour coucher ce que je proposois de la part du Roy.

(Suivent les Pactes de mariagej déjà publiés dans mon volume : Lettres de Charles IX à M. de Fourquevaux ambassadeur en Espagne, p. 392, et des notes qui font double emploi avec ce qui précède et qu'on a pensé ne devoir pas reproduire ici).

Madrid, 29 novembre 1569.

Sire, Aultant de danger y a comnae Ton dict pour les courriers de passer par Languedoc comme par Rayonne et deux fois plus de chemin; qui est cause que j'envoye sonder le passage dud. Bayonne par ce porteur avec ma présente depesche; et croy que la mienne du cinquiesme de ce mois soit arrivée, il y a quatre ou cinq jours, .vers Votre Majesté, si mon homme sera allé seurement; par laquelle vous aurez veu, Sire, ce qui est passé sur le traicté de votre mariage entre l'ambassadeur de l'Empereur et moy, dont il a pareillement donné advis à son maislre; et n'ay aprins sur led. faict autres nouvelles, si n'est que l'archiduc Charles qui fut dernièrement en ceste court fera l'office de procureur du Roy Catholiqug pour fiancer la Princesse Anne, la mènera et conduira par Itallie s'embarquer à Gennes et de là en Espaigne. Laquelle Dame mènera seullement six dames et viendra avec le moindre train qu'on luy pourra bailler, car elle trouvera assez de court en son chemin et plus de dames et officiers estant arrivée par deçà qu'il ne luy en fault. Le cardinal de Siguence m'a dict que Voz Majestez Très Chrestienne et Catholique envoyerez vos procurations à mesme tempz pour ratiffier ce qui sera conclu de vos mariages et les fiançailles à mesme

jour et heure, comme aussi le parlement des deux Princesses, encore qu'il soit bien ainsi que elles facent divers chemin, signifiant que Madame la Princesse Elizabeth prendra le plus droict vers France. L'ambassadeur de Gennes à obtenu une traicte de bledz de Sicille pour led. Gennes, ayant remonstré qu'il y aura lors ung grand concours de gens de plusieurs endroicts, comme aussi d'une grosse flotte de gallères et de navires pour led. passage, qui affameroient lad. ville, si elle n'estoit secourue et advi taillée.

Sire, la plus importemte nouvelle que je sçaurois escrire des affaires de deçà à Votre Majesté, c'est que les villes principalles et jusques aux moindres lieux et villages du royaume de Castille font en toute dilligence les gens de pied qu'ilz sont tenuz de donner à leur Roy par conventions antiennes quand quelque rébellion survient ou envahye de grosse puissance d'ennemys estrangers; de façon que ced. nombre sera de trente deux mil hommes de pied qu'ils payeront deux mois durant; et si led. S' Roy aura besoingdesd. gens pour plus de temps, ce sera à Sa Majesté de les payer passez lesd. deux mois; semblablement sont mandez les ducs d'Arcos, Ossonne et Medine Cidonnie et autres s" qui ont des seigneuries et terres en Grannade, qu'ils aillent trouver incontinent don Juhan d'Austrie avec le plus d'hommes de guerre qu'ils pourront mener et le premier desd. ducz qui y arrivera commandera aux autres. Cested. levée se faict sans toucher aucunement Aragon, Valence ny Catheloigne; et tous les commandeurs et chevaliers de Sainct Jacques, Calatrava et Alcantara sont mandez semblablement pour aller à lad. guerre de Grannade et les continues qui sont six cens homes d'armes ; et toute la gendarmerie d'ordonnance se tient preste ayant faict provision d'un million et demy d'or, auquel il ne touche point; qui est signe que Sa Majesté pense avoir des affaires pour plus que d'envoyer contre les Mores rebelles; desquelz neantmoins il espère avoir la fin dens deux mois et se tenir armé contre tout ce qui luy pourroit après survenir soit du cousté des Turcz et de Barbarie ou de devers France; qui est à mon opinion Tendroit qu'il doubte le plus, et ne se fie pas des Morisques de Valence, qui sont dix huict mil maisons ou familles, d^où sortiront plus de cinquante mil hommes avec armes oU'ensives; ains tient pour

rezoUu qu'ils feront comme ceulx duel. Grannade, siTarmée turquesque abordera en leur cousté. Et est venu nouvelle dud. Grannade que lesd. rebelles tiennent assiégée une ville qui a nom Hiresque. Led. S' Roy Catholique a declairé. Sire, le xxiij"* de ced. mois, qu'il veult aller à Cordoue, qui est une grosse citté à soixante douze lieues d'icy, pour s'approcher dud. Grannade qui est à vingt trois lieues dud. Cordoue; et mande aux grands seigneurs de Castille s'y trouver dens le quinziesme de janvier, et aux bonnes villes aussi pour y tenir les courtz et par mesmc moyen estre près dud. Grannade. Mais, Sire, cecy est véritable et ira Sa Majesté Catholique faire Noël à Nostre Dame de Guadelupe, qui est environ trente lieues de ceste ville, non trop esloignée du chemin dud. Cordoue. Le cardinal de Siguence fera led. voyage, car rien ne s'y peult faire sans luy; et les conseilz demeurent en ced. lieu; et croy que aussi feront Mesdames les Infantes et la Princesse.

Ne vouUant faillir de dire à Votre Majesté comment le vingt deux de ce mois je receus les lettres qu'il vous a plu de m'escrire du xxviij d'octobre, ausquelles j'ay respondu par les miennes du cinquiesme de ce mois, sauf du traicté de Portugal qui n'est encore commencé d'entamer à faulte que leur pouvoir n'est venu ny jour donné pour l'envoyer; si est ce que Sa Majesté Catholique, le cardinal et Ruy Gommes m'asseurent bien tousjours qu'il viendra. L'ambassadeur de Portugal m'a dict, le xxvj du présent, nous estant venu visiter au sieur Jheronimo Gondy et àmoy, que lad commission sera en ses mains devant de quarante jours; et par le dire du prince d'EvoUy qui me l'a donné ainsi entendre encore le xvj du présent, il fust vray que par une depesche que le Roy, votre frère, feist au roy de Portugal après le partement de Monseigneur le cardinal de Guise et avoir heu responce qu'il plaisoit bien à Votre Majesté et à la Royne de donner à sa prière Madame votre soeur aud. s' roy de Portugal, ce fust de l'advertir que vous. Sire, manderiez votre pouvoir à votre ambassadeur icy résident pour traicter dud. mariage, et qu'il failloit en semblable que led. roy son nepveu envoyast le sien à son ambassadeur qui est icy, et que de sa part il feroit office de bon médiateur ; laquelle chose led. jeune roy trouva très bonne et promist d'envoyer sad. commission à son ambassadeur et s'en fier, remectre

i50 DÉPÊCHES DE M. DE FOURQUEVAUX

et repozer entièrement sur Sa Majesté Catholique. A ceste cause. Sire, quand votre pouvoir fust venu en aoust, il luy escrivist le xxvj dud. mois et Tadvertist de faire venir sond. pouvoir; car votre ambassadeur avoit desja le votre. Il y a heu là dessus des conseils en Portugal pour relarder led. traicté, mais non pour empescher le mariage, qui est approuvé et deziré universellement de tout led. royaume; mais la royne, ayeuUe dud. jeune roy, vouldroit que led. traicté fust remis au Roy Catholique pour le faire traicter et conclurre, le recognoissant en lieu de père; et led. conseil n'y veult consentir, ains qu'il se traicté par Portugois et sur ce proposent des conditions pour y parvenir telles que j'escriptz à la Royne. Je verrai si led. pouvoir viendra et m'y gouverneray suivant ce qu'il vous a pieu me commander. Ce qu'on m'avoit nommé neuf gallères turquesques qui furent aux Canaries en septembre n'estoient que grosses barques, lesquelles à leur retour donnèrent dans une flotte de Portugal qui les print toutes, qu'il n'en eschappa ung seul vaisseau ny homme qui ne fust prins. Sire, en la lettre de créance que Votre Majesté a escripte par le 8' Jheronimo Gondy au Roy Catholique pour avoir son consentement de la vente des biens de vos subjects assis ez Païs Bas et conté de Bourgoigne, est faicte quelque mention des biens des rebelles; et combien que je luy aye faict veoir que la lettre qu'il vous a pieu m'escrire sur ce faict n'expeciffie point ny parle des rebelles, ilz ont neantmoins prins escuse qu'ils ne sont pas bien esclarcis de votre intention; pareillement leur est souvenu que Monseigneur le cardinal de Guise demandoit que ce fust par engagement soubz promesse et cautions de les rachepter dens cinq ans ; mais cella n'a de rien servy, non plus que de leur dire que Votre Majesté a donné et donnera permission à ceulx desd. païs qui ont du bien en votre Royaume de le vendre ou engager comme ilz vouldront, et assez de raisons que led, s' Gondy et moy avons alléguées pour leur mieulx persuader votre demande. Neantmoins le xxviij"" de ced. mois, le secrétaire Cayes m'est venu dire de la part de son maistre que lad. allienation ne se peult faire ny consentir pour ceste heure; car fault que le duc d'Alve informe encore plus fort qu'il n'a faict; et j'entends que ces sieurs prétendent, si ce sont biens de communeulx, de leze majesté divine ou humaine, que leurs biens sont confisquez au s'

N«' 203 ET 204. — 29 novembre 1569 151

duquel ils sont mouvantz; et vouldroient scavoir qui sont voz subjectz qui ontlesd. biens esd. païs et en quelz lieux assiz et ce qu'ils peuvent valloir; comme en semblable quelz des leurs en ont dens votre Royaume, 'en quel païs et leur estimation, pour après prendre une bonne rezoUution là dessus.

Quant à la prolongation du terme pour la traicte de cent mil escuz dud s' Gondy, comme led. temps finira seulement au dixiesme de mars, Sad. Majesté luy donne six mois de plus.

De Madrid, le xxix"* de novembre 1569.