A la Royne
Madrid, 29 novembre 1569.
Madame. Le roy de Portugal n'a point encore envoyé son pouvoir; si est ce qu'ayant faict demander ces jours passez aux principaulx sieurs et aux citez et bonnes villes de son royaume s'ilz trouvent bon qu'il espouze Madame votre fille, toutz luy ont respondu qu'il ne scauroit trouver meilleur party et luy conseillent de le prendre; et ne tardera longtemps qu'il vous sera envoyé ung ambassadeur pour la vous demander, et n'atendent sinon que le Roy Catholique soit maryé ou son mariage conclu ; c'est ung ad vis que j'avois receu il y a quelques jours; mais j'ay entendu maintenant que ceste Majesté est adverty par don Hernando Carrillo, son ambassadeur résident aud. Portugal, que led. roy de Portugal et son conseil sont après pour depescher ambassadeur vers Voz Majestez sur led. mariage; car ilz le veulent traicter par eulx mesmes et non par la voye ny du moyen de Castille. A ceste cause ced. S' Roy Catholique feist partir ung courrier exprès le xxiiij de ced. mois pour aller scavoir s'il est vray de lad. ambassade; et neantmoins faire instance et donner presse aud. roy de Portugal qu'il se détermine d'entendre aud. party de Madame, car c'est trop songer là dessus et mener les affaires en longueur. Je ne scay quelle response led. courrier qui s'appelle Domingo Coliz rapportera; et dens quatre ou cinq jours partira don Juhan de Borje pour aller lever le siège aud. Carrillo.
Madame, don Francés d'Alava a escript que Votre Majesté luy a parlé d'une telle manière des quatre mil Espaignok de
secours, qu'il luy semble ne vous soucier point beaucoup ny vous challoir qu'ils aillent en France. Si est ce que j'ay adverty messieurs les mareschal de Dampville et de Monluc, qu'il estoit tempz d'envoyer escorte et commissaires pour recevoir lesd. Espaignols. Je ne scay ce qu'il me sera respondu ; mais par une lettre de Monsieur le visconte d'Orthe, il n'y avoit le xviij du présent aucune provision à Bayonne ny advis de ce qu'ils doibvent faire. J'ay donné charge à ce porteur de vous scavoir dire s'ilz sont encore à Victorie, où ilz ont faict leur masse; et me doubte que petite escuzc suffira pour les retenir en Navarre, duquel endroit on a soubspeçon que la Royne de Navarre leur face quelque alarme. Aussi seroit ce envoyer lesd. hommes à la boucherie s'il n'y aura escorte suffizante pour les accompaigner, veu que Montgomery est le plus fort en Gascoigne, par où ils ont à passer, quelque chemin que le Roy vueille qu'ilz facent; et s'il m'estoit permis de parler de la guerre en estant si esloigné que je suis, je conseillerois de faire une levée de quatre ou cinq mil soldalz basques et gascons pour les joindre aux Espaignols, et leur envoyer de la cavallerie afin de former ung petit camp dud. cousté et veoir de recouvrer ce que lesd. ennemys ont occupé, sans y trouver grande résistance^ car autrement lesd. Espaignols seuls vous serviront de peu et sera trop difficille les passer jusques à mond. sieur le mareschal de Damville; mais estant secondez par les vôtres, ilz feront service entier et donneront cueuràvoz bons subjectsdud. païs; et seroit plus à votre réputation que d'endurer qu'il soit brigandé par » une troupe d'enragez. Il sera fort raisonnable aussi, Madame, que lesd. Espaignolz soient bien traictez en leur chemin et leur faire drecer estappe de vivres sans rien païer jusques au camp, afin qu'ils ayent plus d'occasion de vous bien servir. Je me suis offert à Sa Majesté Catholique de les aller conduire jusques hors des dangers, et l'eusse faict; car je cognoisled. pays deGascoigne où j'ay des parentzet amys; mais il ne m'a vouUu donner congé sans votre consentement; et vous n'avez garde de me faire cest honneur, car vous m'estimez pour néant en telz affaires, ce que je ne fais pas, ains m'y pense mieulx entendre qu'en la charge que je fais par deçà à mon grand regret si longuement; ne vouUant oblier de dire à Votre Majesté que le Roy Catholique fist hier
N« 204 ET 205. — 29 novembre 1569 153
dire au sieur Jhoronimo Gondy par le prince d'EvoIly qu'il luy accorde l'habit de Sainct Jacques à votre requeste, enchérissant de belles parolles combien il vouldroit faire pour votre respect, ainsi que led. s' Gondy vous ira luy mesme rendre compte après avoir satisfaict aux mémoires que Voz Majestez luy ont donné, en quoy il ne perd pas tempz.
De Madrid, le xxix"* de novembre 1569.
