A la Royne

Madrid, 29 novembre 1569.

Madame, Il me semble que je ferois desloyaulté si je vous cellois ce que m'a esté dict de peu de jours en çà touchant le roy de Portugal; c'est qu'il tient et beaucoup de l'humeur du feu Prince d'Espaigne, subject à sa teste bisarre, variable et terriblement obstiné en ses opinions. J'entendz aussi qu'il est boussu ung petit. Mais ne me faites point, s'il vous plaist, autheur de ces advis. Davantage suis advcrty que toutz ses médecins jugent et les astrologues judiciaires qu'il ne sera point long homme; et une partie desd. médecins conseille qu'il le fault maryer de bonne heure, afin de divertir certaine fluxion du cerveau qui luy descend sur l'estomac et remédier à une secrette malladye qu'on appelle gomorréé, à laquelle il est subject. Iceulx docteurs neantmoins dizent qu'il est habille pour avoir enfans; l'autre bende dissuade et deffend de le marier, car ce sera luy avancer sa fin; et toutz d'ung consentement le condemnent à vivre peu d'années. Il est vray. Madame, qu'ils se consoUent aud. royaume de ce que, si led. s' roy venoit à mourir jeune, ce que Dieu ne vueille, ils ont le sieur don Duart âgé de trente deux ans, qui pourrpit espouzer la royne sa femme, si elle n'avoit enfans, comme plus proche à la couronne; par lequel expédient, Madame, soeur du roy, demeureroit royne et Talliance de voz royaumes en son entier. En cela. Madame, il faut espérer de la bizarrerie dud. jeune roy qu'il se changera de mal en bien à mezure qu'il croistra d'âge ; car il n'a que quinze ou seize ans, et est escusable aussi, de tant qu'il a esté nourry du berceau à la Portugoise, c'est à dire en superbe et vanité; estant au reste si enfant, selon que le prince d'EvoUy me disoit derniere-

i54 DÉPÊCHES DE M. DE FOURQUBVAUX

ment, qu'il fault par manière de dire le mener et traicter avec des pomes en la main et non avec la raison ny remonstrances, pource qu'il ne cognoist ny veult entendre ce qui luy est bon ou mauvais; et son conseil compozé déjeunes hommes l'entretient en ses folles presumptions sans faire compte de la royne, son ayeulle, ny de croire son conseil aucunement; dont Sa Majesté Catholique s'en sent fort piqué et la mesme Princesse, sa mère, n'y a point de crédit. Il fauldra veoir quelle responce rapportera le courrier qui a esté depesché aud. roy de Portugal, le xxiiij"* de ced. mois, et si le pouvoir pour traicter dud. mariage vient, je ne feray faulte d'en donner incontinent advis à Voz Majestez par mon courrier que je retiens à ces fins; et va ceste depesché par mon secrétaire pour vous supplier très humblement, Madame, qu'il vous plaise me donner le moyen de suyvre ce Roy Catholique à Cordoue et pour me desengager d'icy ; car il ne vous fault mectre en double son allée estant très certaine, et qu'il tiendra les cours en lad. ville, ne soit que pour gaigner six cens mil escuz, en trente ou quarante jours qu'elles dureront s'il ne les veult plus longues. C'est pareillement pour declairer aux grands et à ses bonnes villes la resolution qu'il a prinse de se remarycr, comme la raison veult qu'il le leur face entendre en assemblée generalle suivant la coustume; et donnera chaleur à son camp de Grannade estant si prez; il pourra aussy aller faire son entrée à Seville, aud. Grannade et autres citez, où il ne fut onc et s'en passera tenir les cours de Vallence ce printempz en attendant la nouvelle Royne, puis donnera jusques à Barcelone y tenir les cours de Cathelogne, et achèvera par celles d'Aragon et Saragosse.

Madame, votre bon plaisir sera de m'adviser s'il y auroit lieu de pratiquer de bonne heure une entreveue de vous et de ced. S' Roy s'il ira aud. Barcelonne et que vous fussiés lors en Languedoc; ce que je metray peine d'acheminer dcxtrement, selon les occasions qui s'en présenteront, s'il vous plaist me le commander. Mais si vous dezirez lad. entreveue, donnez vous garde d'en dire une seulle parole à don Francés d'Alava; car son maistre le scaura soubdain, lequel est ennemy de telles assemblées et s'escuzeroit que cela donneroit jallouzie aux autres princes; et si vous en avez desja parlé aud. ambassadeur, revo-

quez votre parole et donnez luy entendre que vous n'y pensez plus ; et scaichez, Madame, que Ruy i&ommes me deist une fois que led. S' Roy atendroit la Roync sa nouvelle femme à Valence ; laquelle par aventure pourroit descendre aussi à Carthagenne ou à Malque; ce dict propoz a esté depuis que led. don Francés escrivist par deçà que vous lui a\dez dict qu'il se tint prest pour vous accompaigner à Marseille. Il me va devant les yeulx que le voyage de Cordoue sera pour aller recevoir lad. Dame à l'un desd. Malque ou Carthagenne, afin que elle n'ayt à toucher terre en votre coste, et passera plus seurenient prennant la mer au partir de Gennes que de venir terre à terre.

De Madrid, le xxix"* de novembre 1569.