Au Roy

Madrid, i8 décembre 1569.

Sire, Le secrétaire Cayes est venu à moy le iiij' du présent me dire de la part du Roy d'Espaigne que je vous doibve adverlir que les forces qu'il faict lever en son royaume sont pour les employer au chastiment et punition des Mores de Grannade, et qu'il est rezoUu d'aller en personne à Cordoue, afin d'estre près desd. forces et s'en approcher davantaige, s'il sera besoing; me faisant scavoir de bonne heure que pour vray il partira incontinent après le jour des Roys et qu'il aura plaisir et me prie que je l'accompaigne en lad. journée, comme feront aussi les autres ambassadeurs; me prîov t semblablement led. S' Roy l'escuzer envers vous, Sire, de quoy il n'a encore envoyé personnage pour se conjouir de votre victoire de Montcomptour, que est à cause des chemins dangereux; mais ce sera du premier jour qu'il entendra y avoir moins de danger; et asseure led. Cayes qu'il envoyera don Fedric Henrriquez, ou bien don Pedro Henrrîquez, frères du prieur don Anthonio de ToUede et de la duchesse d'Alve, qui sont deux fort honnestes seigneurs. Et croy que ce sera-led. don Pedro, auquel je m'asseure qu'il plaira à Votre Majesté commander estre faict tel traictement qu'il aura occasion de s'en retourner content; car le prince qui l'envoyé et ceulx à qui il appartient le meritenU

Ce que j'en parle, Sire, n'est pas sans fondement pour ce que j'entendz que led. de Nagera ne se contente pas beaucoup des faveurs qu'il a receues en France ; il arriva seuUement her soir en ceste ville avec dix huict chevaulx de poste et cinq aultrcs qui luy estoient sortiz au devant, dont les deux estoient en housse. S'il parle je respondray.

Sire, je n'ay vouUu faillir de vous faire entendre le propoz dud. secrétaire d'estat; et combien que le chemin que Sa Majesté Catholique va faire soit opposite à celluy que je dezire bien fort de faire ; et seroit tempz de me le permectre, car il y a quatre ans et quatre mois que je vous sers d'inutille ambassadeur. Neantmoins il me fauldra suivre encore, si les articles de votre mariage ne seront concluz devant qu'on desloge d'icy. Mais, Sire, je suis contraint de vous advertir qu'il m'est impossible d'en desloger sans estre secoru de votre liberallité tant pour me desengager de Madrid où je suis engagé jusques aux yeulx, que aussi pour m'esquipper et conduire; car il plaira à Votre Majesté considérer que nous allons à la guerre et à nopces, où chacun des ambassadeurs vouldra faire honneur au maistre qu'il sert.

Et ne veulx faillir à vous dire comment l'arcevesque de Seville estant venu en ce lieu ces jours passez au mandement dud. S' Roy Catholique, il luy a esté declairé par la mesme Majesté, il y a six jours, qu'il Ta choisy pour l'envoyer à Gennes, au devant de la Princesse Anne, afin de la recevoir et servir de conducteur jusques en Espaignc; ce que led. arcevesque a accepté pour très grand honneur et faveur ; duquel voyage. Sire, il ne sera quicte pour cent cinquante mil escuz ; et va accompaigné de six contes et marquiz et d'une vingtaine d'autres gentilshommes principaulx toutz ses parents; car il est de la maison des Çunigues descendant des antiens roys de Navarre. Et le duc de Bejoir est son nepveu. Il mènera une chappelle de bons chantres; il aura viol- Ions et sonneurs de divers instrumens de musique; il fera porter trois ou quatre bufl'ectz de vaisselle d'or et d'argent, tappisseries bien riches, meubles et autres choses requises pour estre le plus magnifiquement qu'il luy sera possible et comme à telle réception et commission si honnorable appartient. Encore a il faict provi-* sion de vingt quatre chevaulx des plus exquis de ce royaume pour les donner aux sieurs AUemans et Italliens qui auront

accompagné lad. Princesse jusques à Gennes; car ilz ne passeront point la mer, sinon ceulx qui la doibvent servir par deçà. Pareil voyage fera avec led. arcevesque ung des grandz de Castille ; on dict que ce sera le duc de Medine Cidonnie, beau fils de Ruy Gommes, lequel est des plus grandz et riches seigneurs de tout Espaigne, qui n'ira pas moins pompeux et magnifique que led. prélat; et font estât de s'embarquer à Barcelonne ou au port de Roges sur la fin de janvier, ou pour le plus tard devant la my février, et que lad. Dame sera en ce royaume devant la fin d'a\Til ; car il fault que elle soit passée devant que l'armée turquesque sorte de l'Archipel; n'estant à moy possible de scavoir en quel port on la descendra; mais je feray mon debvoir de le descouvrir. Cecy scay je bien. Sire, que les Princes de Bohême ne font pas compte de retourner à Madrid d'une fois qu'ilz en seront partiz pour aller aud. Cordoue, là où le Roy leur oncle les a priez luy mesme de l'accompagner, ains de s'embarquer sur les gallères qui auront mené lad. Dame, leur soeur.

Je ne scay sy ma depesche du dernier de novembre sera allée seurement, mais je l'ay adrecée par Rayonne. Je vous envoyé ceste cy par led. chemin, veu que celluy de Narbonnc n'est pas moins dangereux et si est trois fois plus long. Les particuUaritez que je scay vont, Sire, en ce paquet et y en a qui méritent d'y penser ; car s'il sera vray de voulloir entreprendre Alger ou autre ville de Barbarie, c'est tousjours faire les affaires de deçà. Cependant que votre Royaume en se consumant soy mesme asseure ses Païs Bas. Je ne vous conseille là dessus, Sire, la paix ny de continuer la guerre; car j'estime en si petit jugement que j'ay qu'en l'un et en l'autre party ny a rien de certain ny asseuré, pour ce que vous avez des subjects de toutes deux les relligions qui ne rougissent plus pour avoir failly contre l'obéissance que tous doibvent.

Sire, le s' Gondy est tousjours après pour trouver chevaulx qui vous puissent servir. 11 y a grande difficulté, car ceulx qui les ont n'y veulent moctre priz ny les vendre, pource que toute la noblesse va en Grannade ou avec Sad. Majesté Catholique.

De Madrid, le xviij™' décembre 1369.