A la Royne

Madrid, 19 décembre 1569.

Madame. Don Hernando Garrillo, ambassadeur du Roy d'Espaigne en Portugal, a escript par ung courrier, qui est arrivé en ce lieu le viij"" de ce mois, comment le roy de Portugal estoit après pour depescher vers Voz Majestez ung de ses gentilshommes appelle Boutillo, dont je n'ay pu scavoir la particullarité ; mais led. advis a faict haster le partement de don Juhan de Borje, lequel va lever le siège aud. Garrillo et est party par la poste le dixiesme de ced. mois, afin de faire suspendre le voyage dud. Boutillo; et va presser led. roy et faire instance très expresse, afin qu'il envoyé sa procuration par deçà, afin de traicter le mariage de luy et de Madame. Il avoit commission aussi de le prier d'armer une bonne flotte pour garder cest esté l'estroit de Gibeltar.

Autre courrier, Madame, qui fut depesché d'icy le vingt troiziesme de novembre, est arrivé le douze de ced. mois présent et porte que led. roy de Portugal arme une flotte de galUons et navires, ensemble ses huict gallères pour lad. garde; et faisoit lover huict mil hommes qui vont renforcer les garnisons de Cente, Tangher et Mazagan, assizes sur led. estroict; par ainsi led. de Borje trouvera aultant de besoigne faicte. Il dict semblablement que la royne s'estoit deslogée de Lanquais pource que quelcun de son hostel estoit frappé de peste; et s'en alloit lad. Dame à autre lieu qui a nom Tomar; ce que entendu par led. jeune roy, il avoit envoyé vers elle don Francisco de Portugal, son grand escuier, la prier de vouloir aller vers luy à Ebora, qui est une bonne ville où il s'est retiré pour fuyr la peste, afin que avec son conseil de lad. Dame ils depeschent ambassadeur pour traicter led. mariage, lequel, par le dire de toutz ceulx qui viennent de Portugal, est tenu pour tout rezollu et certain ; mais, Madame, je ne vous scaurois respondre si lad. royne aura voullu complaire à lad. requeste; car elle se tient pour ofTencée et mesprizée de luy et de ses conseillers ; et s'il n'y prend garde, le Roy Catholique le contraindra par armes de la resputer et croire mieulx qu'il n'a faict depuis qu'il a prins le gouvernement de son royaume; car ceste Majesté se sent fort piquée de

cela; car lad. Dame est soeur du feu Empereur son père et il la venere comme filz; et il est fort irrité aussi pour les dillations dontled. jeune roy, son nepveu, uze touchant led. mariage; de sorte, Madame, que led. de Borje a charge de luy protester et braver à bon escient. Je croy présentement qu'il soit ainsi; et raconte ced. dernier courrier que led. s' Jehan Pereres d'Antez estoit sur le poinct d'estre renvoyé vers Voz Majestez; il ne scait toutesfois si c'est pour ambassadeur rezident, ou pour aller et venir, n'estant point vraysemblable ce que ung certain personnage me disoit, n'a pas six jours, et dont, s'il estoit vray, Vosd. Majestez et toute France auroient raison de s'en resentir autrement que de paroUe; c'est, Madame, que la Princesse de Portugal a tant ploré et remonstré des chozes à l'Empereur par le moyen de rimperatris et elle au Roy, sond. frère, qu'ils luy ont accordé la Princesse Elisabet pour led. roy de Portugal, son fils; neantmoins qu'ilz feront pour encore bon semblant, en atendanl qu'ils puissent trouver quelque honneste raison pour se défaire et se retirer dud. traicté d'avec Voz Majestez; et qu'il se murmure entre dentz parmy les officiers de lad. Princesse do Portugal que lad. Princesse Elisabeth viendra en Espaigno avec sa soeur; tantya, Madame, queungautre mien amy qui va quand il veult chez l'ambassadeur de Portugal et voit bien souvent ses lettres qu'on luy escript de là, m'a asseuré sur sa vie que led. roy n'espouzera autre femme que Madame votre fille; car tout son royaume la demande et veult votre alliance; bien leur fâche que le mariage se doibve traicter en cesle court, qui est la plus grande difficulté qu'il y ayt. Pareillement j'ay parlé à l'ambassadeur dud. S' Empereur, que avons acoustumé de parler confîdentiement entre nous, sans m'estre descouvert à luy que j'eusse aucun doubte ou défiance de l'effect desd. mariages. J'ay sceu de sa bouche qu'il n'y a sinon très pure et sainte intention ducousté de l'Empereur; et la conclusion des mariages des Princesses ses filles sera à mesme jour, ou pour le moins que celle qui doibt estre royne d'Espaigne ne sortira de sa maison que le traicté de Tautre qui le doibt estre de France ne soit conclu. Je n'y voy donc. Madame, autre inconvénient que de leurs demandes excessives dont je me doubte qu'ils ne vouldront désister. Led. Dietristain atend avoir response des articles qu'il

envoya par ung courrier qui partist d'icy le dixiesme de novembre, et lequel passa par Milan le vingt uniesme dud. mois par tout le présent; et vouldroil bien que j'eusse la votre de ceulx que je vous ay envoyés dedans le mesme tempz, afin de conclure le traicté du mariage du Roy devant que nous partions de Madrid, qui sera lendemain des Roys; laquelle response desd. articles tarde bien à Sa Majesté Catholique, qui m'a deux fois envoyé demander depuis dix jours si j'en avois nouvelles. J'ay respondu que mon homme qui vous les est allé apporter ne sera pas encore vers Voz Majestez qu'environ le vingt sixicsme dud. mois passé et fera assez d'estre de retour à Noël,

Une chose m'a dict icelluy don Dietristain, qui est, Madame en confirmation de ce que je vousay dernièrement escript de ma main; c'est que la descente de la Princesse Anne, si elle ne sera à Valence, il croit qu'elle descendra à Carthagene ou à Malque; car la coste de Prouvence et de Cathelogne est trop tempesteuze, et n'y a port qui vaille de Marseille au deçà si n'est led. Carthagenne; tellement qu'il est quelque opinion que elle viendra d'un train descendre à Seville et y faire les nopces et ne fault espérer que elles se facent à Barcelonne, pour ce que ced. S'Royfuytles occasions tant qu'il peut d'aller aud. païs et en Aragon. J'ay sceu d'aultre lieu que la Princesse de Portugal afaict faire quarante huict couvertes de mulet et achepter douze beaux mulets de cofl'res et drecé son esquipage pour aller recevoir lad. Princesse Anne, quand elle prendra terre; et cinquante archers de la garde Espaignolle atendront auprès d'elle son partement pour l'acompaigner; cella est sans toucher à la garde ordinaire de Mesdames les Infantes. Au surplus. Madame, l'Empereur tient une diète en la ville de Prague pour son royaume de Bohême et en debvoit convoquer une generalle bientost pour la Germanie en une des villes maistresses qui sont sur le Rhin; et cela, s'il sera ainsi, acourciroit le voiage de notre nouvelle Royne pour la mener en France par le plus court; et car led. Dietristain m'a descouvert les choses susd. en amy, je vous supplie très humblement, Madame, qu'il ne soyt aucunement nommé de m'avoir rien dict. Ils eurent une depesche de l'Empereur le quatorze du présent par voye de Flandres et la mesme nuictlad. Princesse de Portugal feist partir ung courrier secre-

tement au roy son filz; et selon que m'a dict le personnage qui hante son ambassadeur, elle luy escript et prie chauldement qu'il ne se rezolve point d'entendre au mariage de Madame qu'on ne voye plustost que le traiclé du Roy avec la Princesse Elizabeth soit accordé et conclu. Il fault croire, Madame, que c'est ung mystère que Tlmperatriz, elle et la royne de Portugal jouent entre elles, qui seroient très aizes de veoir que led. traicté fut rompu; et la fin pour quoy je cuyde que c'est l'antienne pretension que par faulte de lad. Dame Elizabeth, vous soyez contraintz de demander ceste dicte Princesse; car elle n'est pas si bigotte que elle ne fust bien contente d'avoir ung si grand et beau prince pour mary; mais l'Empereur l'ayme mieulx pour mad. Dame sa fille et a bonne raison.

De Madrid, le xix"' de décembre 1569.

Madrid, 19 décembre 1569.

Madame, C'est sans nulle doubte que le Roy d'Espaigne s'acheminera tantost après le jour des Roys pour Cordoue et fera ses nopces avec la fille aisnée de l'Empereur devant qu'il retourne à Madrid; il seroit pour ce besoin que j'eusse la responce qu'il plaist au Roy et à vous, Madame, que je fasse sur les articles du traicté de mariage pour le plus tard dens ce mois, comme l'ambassadeur de l'Empereur s'asseure de scavoir l'intention de son maistre devant la fin de ced. mois; car si lesd. articles ne seront accordez et arrestez plustost que partir de ce lieu, il n'y aura remède d'en parler d'un mois après; estant bien aussi mon espérance qu'il vous plaira me commander par votre première depesche que je vous en aille apporter la conclusion; et en quelque sorte que ce soit. Madame, et à quelque fin qu'il me faille voiager, il me seroit impossible, si le Roy ne m'en donne le moyen; car il ne fault pas que je me fie d'emprunter en ceste court, puisque don Francés d'Alava n'a peu estre rembourcé des mil escuz qu'il m'a prestes, il y a ung an et demy ; et de demeurer à faulte d'argent au logis seroit au détriment du service de Voz Majestez et petite réputation pour le maistre et pour le serviteur. Parquoi je vous supplie très humblement, Madame, de m'en-

i62 DÉPèCHES DE M. DE FOURQUEVAUX

vo) er promptement une bonne somme d'argent, heu esgard que nous allons à la guerre et à nopces ; et croy qu'il y pourra avoir une entreveue de ce Roy et de celuy de Portugal, puisque nous irons à Seville ; laquelle veue pourra estre en la ville de Badajox qui est à une lieue de la raye et séparation de Castille et de Portugal; et que led. roy de Portugal est en aultre ville voisine qui s'appelle Ebora ; ou s'ilz ne se verront eulx deux, la royne dud. Portugal y pourroit bien venir. J'ay espérance. Madame, que plustost qu'on desloge d'icy que le pouvoir dud. roy sera venu pour traicter de son mariage avec Madame, sinon qu'il y ait de ï'abuzion et tromperie en ces s"; et afin d'en descouvrir quelque choze j'ay prins occasion d'envoyer ung homme d'esprit en lad. court avec une depesche do Monsieur de l'Aubespine au sieur Jehan Perere et d'autre lettre du Roy eu faveur de deux gentilshommes Italliens qui demandent la croix dud. Portugal. Je me prometz que led. porteur me rapportera nouvelles de ce qu'on y consulte touchant led. mariage; et j'ay escript aud. sieur Perere de façon, sans me coupper, qu'il ne scaura moins faire que de me respondre assez clair pour comprendre leur intention; dont je ne fauldray d'en donner advis à Votre Majesté ; lequel Perere, selon qu'il m'a esté dict, pourchasse fort d'estre renvoyé en France.

Madame, il y a ung gentilhomme portugallois nommé Domingo d'Arrochio, duquel je vous ay escript par une lettre du V' novembre, lequel scait mieulx les Indes de Portugal et les terres du Brazil, comme pareillement les autres îsles et places dud. Roy où que elles soient assizes, que je ne scay ma maison; car il y a versé vingt deux ans ; mesme il raconte choses admirables de la terre dud. Brazil, où le chevalier de Villegaignoz fust à l'entrée seuUement du Rio de Genero, qu'il n'y a France ne Itallie que pour fertillité soient rien en comparaison ; il asseure que ung grain de bled en rend deux cents quatre vingtz ; mais il fault entrer plus au dedans du païs que les François n'ont esté; et y trouveront de tout ce qui est bon et plaisant à la vie de l'homme : bleds, vins, bestail de toutes espèces, citrons comme le corps d'ung homme, oranges, coings, sucres, cotton, mines d'or et d'argent, perles grosses et aljoffar et le peuple qui est amy du nom desd. François, pour ce qu'ilz ont sceu qu'ilz ne font point ny peuvent

tenir les hommes esclaves ; et lesd. Indiens sont ennemys des Portugallois et Espaignolz pour lad. occasion. Dict davantage que la terre qui demeure en controverse aud. Brazil entre ces deux Roys d'Espaigne et de Portugal, est celle proprement qui appartient au Roy de France; laquelle va d'une mer à l'autre traversant toute la grand terre de Peru, qui est une largeur de plus de sept cens lieues ou en longueur prenannt d'un polie à l'autre et que la largeur soit de ponent à levant comme court lad. coste du Brazil, laquelle contient plus de cents lieues, sans que lesd. Sieurs Roys y aient poblation de leurs subjects. Icelluy d'Arrochio me semble bon soldat; et s'il vouUoit aller servir le Roy, il feroit pour lad. conqueste plus avec mil hommes qu'ung autre avec quatre mil, car il y est maryé et a bon crédit avec les naturels dud. païs. C'est proprement, Madame, ung tel homme qu'il fault pour faire enrager les Portugallois ; mais il le fauldroit plustost attirer à votre service, en quoy je m'emploieray, s'il vous plaira me le commander; et c'est bien autre chose que n'estoit Barthôlomé Veglio, lequel ne sortist onc de Lisbonne nysca voit faire sinon des carthes de naviguer, car cestuy cy a l'expérience et est bon marinier, et s'entend de fortifications. J'entends, si le Roy Catholique ne luy observe ce qui luy a esté promis pour le tirer de Portugal, qu'il passera en Angleterre, et desja n'est il pas content des Espaignolz ny ne veult retourner vers led. roy de Portugal; jaçoit qu'il ayt envoyé vers luy deux de ses gentilshommes pour le retirer d'Espagne. Je vous asseure. Madame, que vous ne rencontrerez de dix ans ung tel personnage qui vous scaiche propozer tant de partis pour estendre la grandeur du Roy ; et pour ce il sera votre bon plaisir de me faire response par votre première despeche, s'il y a lieu que je le pratique ou non.

Dud. xix™* décembre 4569.

209. — Advis au Roy par son ambassadeur rezident en Espaigne dud. jour (19 décembre 1569).

Toutz les prelalz du royaume de Castille lèvent par commandement du Roy d'Espaigne tout le nombre des hommes qu'ilz sont tenuz fournir, quand les plus pressez aflaires de guerre y surviennent, qui est ung debvoir, comme les ban et arrière ban de France; lesquelz hommes sont pour Grannade.

Les grandz seigneurs de ced. royaume sont mandez d'envoyer aud. Grannade le nombre des hommes aussi qui touche à leur part pour led.debvoir, et de se tenir eulx mesmes prestz de leurs personnes pour marcher au premier jour la part que led. S' Roy leur fera scavoir; mais ilz soat desja venuz la pluspart.

Les commandeurs et chevaliers de S* Jacques, Calatrava et Alcantara sont en chemin pour se trouver aud. Grannade; et le plus pouvre qu'il n'a sinon vingt cinq escuz de pension, qu'on appelle les chevaliers de Pan y agua, y va luy deuxiesme armé et monté en homme d'armes avec lance.

Les levées de villes ont commencé de s'acheminer et la plus grosse masse assemble à Ubeda, qui est une bonne ville dix sept lieues par delà la ville de Grannade. On dict que lesd. villes fournissent trente deux mil hommes de pied paicz pour deux mois.

Aux villes maistresses qui ont voiez (sic) aux estatz, a esté mandé d'envoyer leurs depputez et procureurs à Gordoue pour le xx"* de janvier, afln d'y tenir les cours.

Don Jehan de Cardonne, gênerai des gallères de Sicille, a apportez sur ses quatorze gallères les soldalz vieuU Espaignolz qui estoient aud. Sicille, lesquelz sont descendus en novembre dernier au port de Carthagenne; et partist tantost après pour aller charger d'autre infanterie; mais les ventz contraires l'ont retenu à Roges plusieurs jours en danger de se perdre.

xVndriet Dorie viendra en bref avec douze gallères qui porteront aud. Carthagenne ou à iMalque le tiers do Naples; et la femme du commandeur major de S' Jaques vienl. sur lesd. gallères.

On attend pareillement le tiers de Lombardie en intention de faire desd. trois regimeniz ung bon corpz de bataille, comme si c'esloient estrangei'S. Et seront envoyées des compagnies nouvelles de bisoguos pour supplir au lieu d'iceulx devant que l'armée turquesque doibve sortir.

Ung gallion portugois fretlé à Gennes est nagueres arrivé en Alicant chargé do quatre mil corceletz et de six mil harquebuz, que les Gennevois envoyent présenter en don aud. S' Roy Catholique.

Les Mores rebelles dud. Grannade sont de huict à dix mil hommes portantz harquebuz, arbalestes, piques et dardes longues et plus de trente mil autres avec frides, arcz et autres meschantes armes.

Leur petit roy fut tué comme j'ai escript et en son lieu a esté esleu ung sien oncle, lequel porte tiltre de Capitaine gênerai du Grand Seigneur et non de Roy ; et y peult avoir de quatre à cinq cens Turcz avec luy qui luy sont esté envoyez d'Alger; et afin de faire acroire qu'ilz sont en plus grand nombre, il a faict vestir des plus vaillants Mores à la turquesque.

Deux galliottes d'Alger ont ces jours passez descendu des armes et munitions à la marine de la Sierre Nevade, Jaçoit que les gallères espaignolfes fussent adverties que elles debvoient venir et s'en retournèrent sans danger.

Et ne veult consentir le conseil d'Espaigne, mesmement l'Inquisition, que lesd. Mores se puissent partir dud. pais ny se retirer en Barbarie, comme la pluspart ne dezire autre chose. Car allègue lad. Inquisition que puisque

is« 209. — 19 DÉCEMBBE 1369 165

lesd. Mores après le baptesme ont renyé la fo}' chrestienne, qu'il les fault toulz faire morir.

Le duc de Sesse leur print l'autre jour une vallée qui s'appelle des Albommelos et Tun des quatre ou cinq fort zprincipaulx qu'ilz tiennent; en laquelle vallée fut trouvé en farine, figues, passerille et autres fruiclz, pour nourrir un camp plusieurs jours.

Don Juhan d'Austrie a deslogé de lad. ville deGrannade tous les Mores qui y estoient demourez de reste et les a dispersez à divers lieux bien loing, n'estimant point qu'il fut bon ny seur de se fier en eulx; ains pour leur respect, il failloit tenir une garnison ordinaire de trois à quatre mil soldatz engagez en lad. ville.

Le roy de Fez arme une grosse puissance et a desja mis ensemble huict mil bons chevautx; qui donne à penser qu'il vueille assaillir les villes que le roy de Portugal tient sur l'estroict de Gibeltar. Et n'est pas hors de propoz de craindre que lad. cavallerie moresque soit pour passer en Espaigne et gros nombre de morisme {sic) à pied souhz la faveur de lad. armée turquesque.

H y a environ six mois que Allocbaly, roy d'Alger, envoya cinq mil hommes partie jannissaires et les autres moccarroiz qui sont turcz adventuriers, souhz Cavt Romadan, chrestien renyé natif de Sardaigne, et avec eulx bon nombre de Mores à rencontre de Dcly Assan, qui est ung aultre renyé jadiz compaignon d'armes dud AUochaly; lequel estant devenu son ennemy se retira à la ville et pais de Bisera qu'il feist rebeller contre led. AUochaly et s'en feit capitaine gênerai ; laquelle Bisera est une grand ville à vingt cinq journées dud. Alger dans lepaîs des Noirs de la jurisdiclion dud. Alger.

Icelluy roy d'Alger faisoit ce novembre equipper huict grosses gallères et quatorze galliotes et y charger artillerie et munitions qu'il envoyoit en la ville de Bonne, en délibération d'entreprendre la conqueste de Tunes. Et sur ces cnlrefaictes le roy dud. Tunes s'est laissé mourir; et les Turcz et habitans de lad. ville et partie des Mores ont appelle led. AUochaly pour s'enfaire Roy au nom du Grand Seigneur; ce qu'il a accepté.

Pour venir au dessus des Mores rebelles dud.Grannade semble à beaucoup de personnes qu'il ne failloit cinquante mil hommes de pied ny six ou sept mil chevaulx, comme Sa Majesté Catholique- mect ensemble; sur quoy se font plusieurs discours qu'il y ait autre dessain, comme pourroit estre d'exécuter l'entreprinse d'Alger, soit que led. SMîoy ayt intelligence avec led. AUochaly qui est ung calavrois chrestien renyé, suivant que j'ay quelquefois escript à Votre Majesté, ou bien sur l'occasion qui se offre de le veoir occupé aud. royaume de Tunes et led. Alger desnué d'hommes et de deffense; car on faict compte qu'il n'y a pas d'environ six cens jannissaires ou Turcz, et pour chef, en l'absence dud. roy, ung sicilien nommé Cathannia, chrestien renyé qui a esté quelques fois en France.

Aucuns veulent deviner que après la deffaicte desd. rebelles s'embarqueront huict ou dix mil hommes pour aller en Angleterre ; ce qui n'est pas croyable, car il n'y a quelconque appareil de navires ny des choses requises pour si grande entreprinse.

i66 DÉPÊCHES DE M. DE FOURQUEVAUX

Mais c'est de craingte de Tannée turquesqne et de Tesmotion que les Morisques de Valence pourront faire et caulx d'Aragon qui sont nombre infiniz; et estime l'on que de trois tiers d'Espaigne Jes deux soient Morisques ou descendantz d'iceulx ou des Juifs.

Le connestable, l'admirai de Castille, les duez de l'Infantasgo, de Medine Ruysecco, d'Arcos et toutz les autres grandz de ce royaume sont desjaTenuz à Madrid ou doibvent arriver dcns peu de jours pour accompaigner le Roy leur seigneur; et ont envoyé grand nombre de- gens à Grannade chacun selon sa puissance. Mais led. duc de l'Infantasgo y envoyé deux cens gentilzhommes bien montez et armez.

Ung gennevois m'a voullu gaiger mil contre cent que l'armée turquesque ne viendra poinct.

Il y a six jours que Sa Majesté Catholique a envoyé arrester toutz les navires qui sont en ses portz d'Espaigne.

En Vallence y a quatre grosses nefs qui ont apporté bledz de Sicille et ne bougent.

En Alicant y a sept Vcnetiennes et Ra^ozies * qui chargent scel et laine pour Itallie.

On attend le duc et connestable de Navarre sur deuxgallères de Savoye. Hz sont descenduz en Espaigne.

Le roy de Portugal faict une levée de huict mil hommes de pied en son royaume ; et son armée preste d'un nombre de gallions et huict galléres : dizantque c'est pour envoyer renfort de gens en ses villes de Ceute, ïangher, et Mazagan, pour ce que le chctif roy de Fez faict une grosse levée d'infanterie et cavallerie on ne scait pourquoy ; et a desja dix mil chevaulx toutz prostz : on discourt que c'est pour les passer en Espaigne au nom du Grand Seigneur.

Les archers des gardes sont commandez d'estre prestz pour le jour des Roys; et ont soixante escuz d'ayde de coste pour chascun.

Les mareschaulx des logis et fourriers sont partiz pour aller faire les logis à Cordoue le x"* du présent.

L'advis que j'ay donné à Votre Majesté quelquefois touchant l'intelligence que le Roy Catholique et xMoehaly, roy d'Alger, ont ensemble se pourroit exécuter à présent.

Ces raisons me le persuadent.

Il srait que les Morisques s'en lasseroient et fuyroient volontiers en Barbarie, s'ils avoient la mer libre et qu'il leurfust permis.

11 les en garde de peur qu'ilz se retirent aud. Alger. Laquelle retraicte led. roy d'Alger ne leur peult refuzer bonnement.

Item, le mandement est si grand qu'il suffiroit de la moictyé des gens pour exécuter et forcer lesd. Mores.

Item, les galléres sont en gros nombre en la coste astheuiTy.

Item, la provision de quinze cens mil escuz, oultre la solde que Castille paye pour deux mois à trente deux mil hommes de pied.

' Vaisseaux construits à Venise et à Raguze.

Advis est venu que les gallères d'Espaigne ont prins cinq galliotes et ung navire en la coste de Grannade qui chargeoient des Mores dud. païs pour fujr en Barbarie.

Le grand commandeur avoit xxvij gallères d'Espaigne à Carthagenne. Les trois sont allées en Itallie pour charger infai^terie et ont porté Marc Anthoine Colonne.

L'arcevesque de Seville ira atcndre et recevoir la Royne d'Espaigne à Gennes, et le duc de Bejar son nepveu avec hiy, lequel arcevesque est en ceste court.