Au Roy

Madrid, 5 janvier 1570.

Sire, J'accusois par ma dépesche du vingt et ung du passé d'avoir receu le xix"* dud. mois par le s' Almeyde celles qu'il avoit pieu à Votre Majesté me faire des huict, trcze et xxvij"" de novembre, que je ferois entendre leur contenu au Roy d'Espaigne votre frère en la première audience qu'il me donneroit. Et combien, Sire, que je pençasse l'avoir plus tard, si est ce qu'il me la donna du xxiij"* dud. décembre au monastère de Sainct Jeronime, où il s'estoit retiré pour y passer la feste de Noël. J'avois faict ung extraict des deux principalles lettres, scavoir est du xiij et xxvij°% que je luy feiz entendant que c'estoit le propre deschiffre d'icelles, pençant bien qu'il m'en demanderoit ung mémoire pour y adviser plus à loizir; et contenoit led. extraict ce que je luy en debvois déclarer sans me coupper, lequel je le luy leuz; et il l'escoulta attentivement non sans me demander aulcunes fois des chozes. sur led. contenu pour en estre myeulx instruict. A quoy je luy satisfeiz le moins mal que je sceuz. Puis après, Sire, led. S' Roy me respondist qu'il vous baisoit très affectueusement les mains pour la communication qu'il vous avoit pieu que je lui feisse de voz affaires, cognoissant que cela procède de parfaicte amytié et de luy demander ainsy confidentement son conseil là dessus comme vous faictes, qui est, ce dict il, à bonne et juste cause; car vous debvez vous fier de luy plus que de prince qui soit au monde, n'en estant point ung aultre qui soit plus content de voz heureux succez ny plus desplaisant du contraire qu'il est. Aussy, Sire, il loue bien fort votre deter-

' Autographe. Bibl. Nat., ms. fr. 16103, f 588. .

Kr

i68 DÉPÊCHES DE M. DE FOURQUEVAUX

mination portée par vosd. lettres de vouUoir avoir la fin de voz rebelles; et discourant sur ce faict avec moy, il me deist que vosd. letres veullent en substance deux chozes de luy, scavoir est conseil et ayde ; desquelles deux demandes il a bon dezir de vous rendre satisfaict et à ces fins il y voulloit myeulx pencer, me priant luy laisser led. extraict, ce que je feiz. Toulesfois estoit il d'opinion pour le regard dud. conseil que le meilleur que Votre Majesté eust sceu choizir après la bataille gaignée, c'estoit de laisser garnison en voz villes des environs de celles que lesd. ennemys tiennent et avecq toutes voz aultres forces faire poursuyvre cculx qui s'estoyent eschappez de lad. journée sans leur donner le temps de reprendre cueur; car ce faisant. Sa Majesté Catholique estime que ung seul home des vôtres ne se seroit desbendé, comme le bruyt est que votre camp s'est despuis afoibly grandement par Tennemy du siège de Sainct Jehan d'Angely, et moins se fust lassée votre noblesse, pource que rhome de guerre va plus volunliers combatre les homes que les murailles. Mais il pense que vous, Sire, aviés espérance d'en emporter ledit Sainct Jehan facillement et de pousuy vre à mesme instant votred. victoire; laquelle ville vous a neaulmoins faict perdre une grande occasion d'achever lesd. ennemys. Et puisqu'il ne peult eslre aultrement, led. S' Roy, votre frère, estd'advisn'y avoir lieu de vous debvoir arrester davantage ny employer voz forces à combatre des villes de delfence, principallement en ceste saison d'hiver, car seroit ruyner votre armée cependant que lesd. rebelles se refont et sont en bonnes garnizons à couvert. Et à son jugement, Votre Majesté ne scauroit prendre plus seure ny meilleur[ej rezollution que d'employer toutz voz dessains à lad. 5 poursuyte des gens que les princes et admirai ont, sans perdre

ung seul jour aussytost que votred. armée pourra tenir les champz, laquelle trouvera lesd. ennemys encore tremblante d'effroy de leurd. defi*aicte et leur infanterie pleine de deffience que leur cavallerie la laisse et abandonne comme à lad. bataille. Bref, il croit que ceulx qui se sont dcsbendez des vôtres reviendront aux enseignes et plusieurs qui iront encore porteur] les armes en ceste dernière guerre les prendront, afin de sortir de tant de maulx à ung bon coup et vous faire rendre l'obeyssance qui vous appartient.

Quant à Tayde, Sire, Sad. Majesté Catholicque m'a dîct qu'il manderoit à M. le duc d'Alve qu'il ne face faulte d'employer toutz les moyens qu'il a de destourner et empescher qu'il ne se face aulcunc levée en Allemaigne, et qu'il n'espargne rien qui soit en sa puissance pour garder que dud. cousté de Germanie ne vous soit donné moleste ny à votre Royaulme, comme si c'estoit pour ses propres Païs Bas, ou myeulx, s'il pourra. Bien est il adverty par lettre dud. duc du xvij"* de novembre qu'il n'y avoit lors une seulle levée n'y apparence d'en faire en toute lad. Germanie. Il est vray qu'il s'en estoit parlé et faict bruit d'en lairc pour secourir lesd. enemys devant lad. bataille; mais cela s'est refroidy despuis et le prince d'Orenge estoit en la ville de Hidelberghe avec les contes Palatins sans argent ny crédit; et l'ambassadeur de l'Empereur, don Dietristain, qui a letres du xxvij"" dud. novembre, en dict aultant.

Au regard, Sire, des quatre mil Espagnolz, led. S' Roy n'a différé de les faire entrer en France que par faulte d'estre adverty qu'il y eust escorthe vers Bayonne pour les recevoir et acompaigner, sans laquelle seroit les envoyer perdre, veu que la Gascoigne est au pouvoir desd. enemys; et lesd. Espagnolz ont tousjours atendu led. advîs à Victorie et aultres lieux des environs, qui n'a esté proffit au païs, lequel est assez sterille; mais soubdain qu'il y aura nouvelle certaine de lad. escorthe, ilz ne feront faulte de marcher et de vous allez servir, m'asseurant led. S' Roy que si lesd. remèdes du cousté dud. duc d'Alve et dud. secours ne suffiront, il espère d'avoir tantost mys à fin la guerre contre les Mores de Grannade ; et icelle achevée, s'il vous plaira l'apeller h votre secours, il ira vous secourir de toute sa puissance et de sa propre présence, s'il sera bezoin, pour vous ayder à remeclre toutz voz rebelles à votre mercy sans cesser ny se lasser cependant qu'il y aura ung seul home qui levé la teste en votre Royaulme pour vous résister.

Vous priant, Sire, le plus chauldement qu'il luy est possible de ne vouUoir escoulter ny entendre qu'on vous parle de faire paix avecq vosd. rebelles; car les raisons et inconveniens que luy et la feu Royne votre soeur vous ont souvent remonstrés sont les mesmes qu'il vous représente aujourd'huy estant impossible que les conditions de lad. paix soyent ny puissent estre aultres

que desadvantageuzes pour votre réputation, dangereuzes à votre personne et des vôtres plus que jamais, et de très pernitieuœ conséquence pour votre couronne et pour les aultres roys et potentatz, ainsy qu'il me deist qu'il feroit remonstrer à Votre Majesté et à la Roync par le s' don Pedro Henrriques, qu'il avoit ordonné pour aller se conjouyr de sa part avecq Votre Majesté pour la victoire de la bataille de Moncomptour, me priant de vous escrire toutz lesd. propoz; ce que je luy promys; et m'accorda votre passeport de sept chevaulx faictz et sept poullains de Naples. Encore m'a envoyé led. S' Roy le secrétaire Cayes quatre jours après lad. audience me dire qu'il ne scauroit guère adjouster davantage à lad. rcsponce qu'il m'avoit faicte promptement; mais il m'exhortoit de vous dissuader lad. paix, car il ne vous faull rien doubter de devers AUemaigne. Que c'est, Sire, ung office que je n'oze entreprendre, pource que ceulx qui la dezirent pourront respondre que je parle de la guerre à mon aizc estant soubz la cheminée ; mais aussy me faict il grand mal que tant de maulx de toutes sortes que voz maulvais subjectz ont commys en mespriz de votre aulhorité royalle et au domage de votre Royaulme demeurent impuniz et Votre Majesté contrainte de capituller avec eulx armez, vous ayant offencé de toutes façons, estant davantage à craindre que ce soit une paix de petite durée. Mais si elle se pouvoit faire et asseurer, votre authorité et réputation saulves, Dieu me vueille garder de vous la vouUoir dissuader, si est ce que j'ay dict et promys de votre part à Sa Majesté Calholicque que, si Votre Majesté entendra à faire la paix, qu'il en sera le premier adverty.

Sire, le voyage de Cordoua se fera sans point de faulte. Led. S' Roy qui est allé jusques à Escuryal sera de retour en ce lieu lundy neufvieme du présent ; lequel jour Monsieur le cardinal de Siguence s'acheminera par Gadaluppe droit aud. Cprdoua et Sad. Majesté Calholicque dens deux ou trois jours après luy par le monastère de S' Just, oii le corpz du feu Empereur, son père, repoze. Aussy que le mesme cardinal me deist le premier jour de ced. mois que je le suis esté visiter pour l'advertir que le dernier du passé j'avois receu la responce des articles du traicté de votre maryage, comme il est vray, Sire, que votre depesche du xvij"' dud. décembre veint à moy led. jour, ce que n'est pas

byGooQle

N» 210. — 5 JANVIER 1570 i71

celle de l'Empereur. A ccste cause, led. cardinal a esté d'advis que je feisse entendre au Roy son maistre led. receu, afin de scavoir ce qu'il luy plaist qu'il soit faict. Je luy ay cscript led. jour premier du présent ; et don Dietristain me veint le lendemain visiter; auquel j'aydict l'arrivée de votre d. responce, ne restant plus que celle de l'Empereur pour conférer quelle est là dessus l'intention de vpz deux Majestés. Il m'a respondu qu'il atend la sienne de jour en jour, ayant belle peur que led. cardinal desloge d'icy devant que son courrier d'AUemaigne arrive; et eust il bien voUu scavoir ce qu'il plaist à Votre Majesté que jeresponde à ses demandes; mais je ne me suis laissé entendre sinon de la rezervation qu'il a faicte de Metz, Toul et Verdun, de laquelle Votre Majesté ne veult en quelque manière que ce soit qu'il se face mention dans led. traicté ny dehors. Icelluy ambassadeur l'a trouvé fort aigre, et après avoir assés debatu là dessus, nous l'avons remys au jour que nous traicterons de toutz les articles avec les députez.

• Sire, ce que j'ay de nouveau est que le duc de Sesse a reprins une petite ville que les Mores rebelles avoyent fortiffiée, apellée Orgiva; dans laquelle il est entré pesle mesle, ainsy que mil desd. Mores qui la gardoient estoyent sortiz contre luy à l'escarmouche, se vouUant retirer à la charge dud. duc, qui estoit trop roide et par trop de gens poureulx,ilz ne peurent défendre la porte; ains elle fut forcée et lad. place entrée et saccagée avec mort d'environ quatre vingtz desd. Mores sans plus; car les aultres gaignercnt la montaigne; lequel duc est en campaigne et don Juhan d'Austrie d'aultre cousté pour recevoir les gens qui luy arrivent toutz les jours. Il est bruit que lesd. Mores sont à la faiu extrême et vouldroyent demander mercy et quicter l'Espaigne s'il leur estoit permys de passer en Barbarie ; ce que ced. S' Roy ne veult consentir, ains en faire punition qui serve d'exemple. Le conte de Montagut va pour ambassadeur rczident près de l'Empereur pour lever le siège à Chantonnay; et Louys Vannegues s'en viendra avec la Royne qui sera d'Espaigne, laquelle doit estre à Gennes par tout le mois de mars. L'arcevesque de Seville et duc de Bejar s'embarqueront à Barcelonne dens la my lebvrier et led. de Montagu, auquel led. Roy donne par an huict mil escus, et pour s'esquipper et pour ses postes six mil; le Commandeur

majour qui est parent desd. arcevesque et duc les passera avec les gallères d'Espaigne et plus de cinq ou six cens personnes de leur suyte, toutz en fort bon équipage. Cecy est, Sire, en alendant que le s' Jeronime Gondy parte, qui est tousjours après voz commandementz.

Sire, je prie Dieu qu'il vous vueillc assister en toutes choses, et principallement sur le faicl de la paix, qui se traicte auprès de Votre Majesté, afin que la religion catholicque ne recoyve aulcun détriment en votre Royaulmc et que votre authoritc soit réintégrée en la dignité et grandeur où je Tay veue du règne du Roy François votre ayeul; et vous conserve très longuement en parfaicte santé avec acroissement de royaulmes et estatz. De Madrid, le v"' de janvier 1570.

Votre très humble, très obeyssant et très obligé subject et serviteur.

FORQUEVAULX.