A la Royne

MadU'id, 5 janvier 1570.

Madame, Si mou secrétaire eust creu le conseil que je luy avois donné, il ne seroit pas esté prins ny ma depesche perdue; de laquelle je n'ay vouUu faillir de vous envoyer le dupplicata, car il y avoit quelques poinctz pour estre veus; c'est en espérance que lad. coppie et ce que j'escriptz présentement seront seurement renduz à Votre Majesté par le sieur don Pedro Henrriques, que le Roy d'Espaigne vous envoyé pour faire le compliment de la joye qu'il receust de votre victoire. Il est frère du prieur don Anthoine de Tolledc, grand escuyer, et des plus privez favoriz dud. S' Roy; la duchesse d'Alve aussi est sa soeur que vous debvez aymer pour la dilligente servitude que ellefaict aux petites Princesses et la grande dévotion que elle a de vous servir. Je vous supplie très humblement, Madame, qu'il vous plaise que ced. chevalier soit tellement bien traicté en votre court et Royaume qu'il ay t occasion de s'en louer à son maistre et à touz les parents et amys à son retour. Il prend son chemin d'icy à Rayonne sur l'asseurance de la cavallerie qu'on dict eslre aux Landes, pour escorthe des quatre mil Espaignols; qui me

N- 2il. — 5 JANVIER 1570 .173

faict espérer qu'il passera en seuretté, ensemble que ma depesche du xxj de décembre et mon courrier n'auront coru fortune en allant.

Par raesd. lettres, Madame, j'ay escript au Roy ce que Sa Majesté Catholique m'avoit faict dire par le secrétaire Cayes que je feisse scavoir au S' Roy mon maistre, le voiagc qu'il est délibéré de faire à Cordoue et des forces qu'il faict marcher contre les Mores de Grannade; auquel voyage, il me prioyt comme aux autres embassadeurs de l'accompaigner; ce que luy mesme de sa bouche m'a confirmé le xxiij dud. décembre, en mon audience, faisant estât de s'acheminer peu de jours après les Roys;le cardinal de Siguence m'en dictlorsaultant, et deux fois depuis me l'a il dit; et partira luy aussy précisément entre cy et le quinziesme du présent mois; et n'atendroil tant, n'estoit pour vcoir s'il se pourra mectre fin au traicté du mariage du Roy devant son partement, qui sera plustost que celluy de Sa Majesté Catholique. Mais il nous vient mal à propoz à don Dietristain et à moy que la responce de l'Empereur n'est encore arrivée; il l'attend toutesfois d'heure en heure par le courrier Gilles, qui debvoit partir de la court dud. S' Empereur le xij ou xvj"' dud. décembre; et h tout rompre, il doibt cstre icy dens trois jours; lequel Dietristain qui me vint visiter le ij"° du présent me disoit que les articles du traicté d'entre Sa Majesté Catholique et la Princesse Anne n'ont pas heu telle difficulté à les accorder comme ont ceulx de Sa Majesté Très Chrestienne; car ils feurent concluz en ung quart d'heure. Il ne s'en est pas allé sans responce. Aussi ay je cuydé entendre qu'elle n'atendra pas à partir d'Allemaigne jusques à ce que la Princesse Elizabeth prarte s'il y aura de la longueur en son traicté; et l'une prendra son chemin vers Gennes pour cstre en ce royaume par tout le mois d'avril et ne scavent à quel port elle descendra; l'autre tirera droict en France par Metz, s'il n'y a chemin plus court; led. S' Empereur s'en venoit en Bohême pour tenir une diète à Prague ; on ne peult gueres plus différer à monstrer ce qu'on a sur le cueur. J'ay adverty ced. S' Roy Catholique à Escuryal où il est, comment j'ay receu le dernier jour du passé votre responce; et le double de n)a lettre va en ce paquet. Je verray ce qu'il me fera respondre. N'ayant pas failly desja de dire au cardinal ce

que j'ay touché aud. S' Roy Catholique du traité \le Madame; lequel cardinal m'a asseuré que son maistre et la Princesse de Portugal sa soeur y ontfaict leur effort par don Jehan deBorge, de manière que à son advis il n'y aura plus aucune dillation. Ced. S' Roy m'en deist le semblable en mon audience. C'est astheurcy par la première depesche que led. de Borge fera après estre arrivé aud. Portugal, que l'on entendra s'il y aura rien avancé; et vennant le pouvoir, je ne perdray pas tempz à faire votre commandement; que pleust à Dieu feussent les deux traictez bien conclus à votre contentement; car s'ils le sont une fois, je partiray trois jours après pour vous les apporter. Et vous plaise cependant, Madame, m'envoycr le successeur; car je ne puis vous servir davantage en cest estât.

Je suis adverty. Madame, que le roy du Portugal a faict une ordonnance sur toutz ses subjects de s'esquipper d'armes et chevaulx, selon la valleur des biens et facultez d'un chacun. Je ne scay s'ils ont crainte des forces qui s'assemblent à Grannade, ou pour quoy ilz le font. Ung agent de l'Infante de Portugal demourant à Paris, lequel escript voluntiers par deçà des nouvelles, a adverty l'ambassadeur dud. Portugal icy résident et la lettre luy veint le quatriesme de ced. mois, disant que le conseil du Roy cstably aud. Paris a donné lettres de marque et reprezailles aux hoirs d'un marchand françois nommé Paignelon contre led. Portugal. Je scay, Madame, que Vos Majestés seront priées de don Franccs d'Alava au nom de son maistre de la révoquer; mais il me semble que vous ne le debvez faire, ains les tenir en crainte de celle là et d'autres, s'il y en a pour donner; car les Portugallois ont faict maulx infiniz à voz subjectz; et pendirent ceuix qui estoient sur le Rio de Gennero. Neantmoins Texôcution de lad. lettre de marque pourra demourer en surceance jusques à veoir si la procuration dud. roy viendra ou non.

Et vous plaise scavoir que j'avois envoyé du xvij dud. décembre ung homme exprès au sieur Jehan Perrere luy porter des lettres du Roy pour led. roy de Portugal en faveur de deux gentilzhommes italliens, pour lesquels Sa Majesté Très Chrestienne luy demande la croix de l'ordre du Christ; mond. homme trouve led. Jehan Perreire trespassé; et lesd. lettres ont esté données aud. jeune roy, qui a faict respondre que incontinent

après Noël led. messager seroit depesché, et bien je Tatends d'icy à huict jours, et des nouvelles de lad. court, dont je ne fauldray d'advertir Votre Majesté. Mais plaise à vous, Madame, faire response à ma dernière lettre pour scavoir s'il vous plaist que je parle aud. personnage qui scait tant de chozes du monde; et ne le laissez pas perdre, car vous n'en recouvrerez de dix ans ung semblable.

Sa Majesté Catholique a envoyé six mil escuz pour les espingles de la nouvelle Royne d'Espaigne; je ne puis scavoir en quel port d'Espaigne elle desembarquera, mais elle y arrivera par tout avril, comme j'ay desja escript; ne voulant oblier à vous dire. Madame, qu'on parle icy que la paix se faict ou est faicte entre le Roy et les rebelles huguenotz. Vous scavez. Madame, que Vos Majestés m'ont escript et commando de dire à Sa Majesté Catholique qu'il sera le premier qui l'entendra, si Vos Majestés y entendent. Je vous supplie très humblement ne m'avoir faict dire et promectre une chose, si elle ne doibt estre acomplic et si lad. paix n'est faicte comme je soubtiens que elle n'est; mais si l'on vous en presse, il y a grand lieu de bien poiser la très grande réputation que l'admirai acqueroit en diminution de l'authorité du Roy, de ce qu'il peult aultant en votre Royaume comme le Roy; et lousjours vous le fauldra il craindre, de mesme ou plus quand il sera desarmé que aujourduy qu'il est armé. Je voy pareillement enfler les huguenotz de ceste presumption et les catholiques baissent l'eschine ; la multitude desquelz sera dens deux ans moindre de deux millions d'hommes que elle n'est. Je prie Dieu qu'il y vueille remédier, et si la paix vous doibt estre heureuze. vous donner les moyens pour la faire; mais je ne vouldrois pas aussi qu'elle fust honteuze ayant ouy dire aux an tiens qu'il vault mieulxà ung roy supporter dix ans de guerre, que de joyr ung an de honteuze paix. Ce que je vous en parle n'est pas. Madame, pour complaire aux Espaignols, auxquels par aventure la guerre est plus agréable entre les François que s'ilz estoient en paix. Ce qui me le faict dire est que le peu d'apparence qu'il y a que votre Royaume sente quelque repoz asseuré pour lad. paix et le tempz à mon grand regret fera que mon opinion sera trouvée véritable à ma volunté qu'il en advienne autrement. Quoy qu'il en soit, je croy que le Roy Catholique ne vous man-

quera de chose qu'il puisse, car il me Ta dict maintes fois; et s'il avoit achevé en Grannade, et vous demandissiez son assistance, il vous secouriroit de dix mil hommes de pied et de bon nombre de cavallerie, afin que votre guerre se peult achever avec Thon* neur qu'il en apartient au Roy sur ses subjectz, scavoir est de prendre la loy et la miséricorde telle qu'il luy plairoit la leur donner. C'est la fin que de mon endroit je dezire estre mise à l'obstination desd. rebelles sans point de sang respandu ny à rcspendre, mais renduz par humble submission aux piedz de Sa Majesté.