A la Royne

Madrid, 7 janvier 1570.

Madame, Pençant que le s' don Pedro partist plustost j'avoys faict mes lettres du cinquième de ce mois; lequel jour fut mandé au sieur card"^ de Siguence qu'il m'envoyast appeller pour me dire de la part du Roy Catholique comment il avoit bon plaisir que j'eusse receu la responce du Roy sur les articles; et estoit d'advis pour gaigner tempz, que je declairasse son intention, afin, si don Dietristain pouvoit se resouldre en vertu de son pouvoir, que ce fust aultant d'oeuvre faicte, quand la response de l'Empereur viendroit; ce que led. cardinal me feist entendre quand je fuz vers luy led. jour ; et pour y satisfaire je feis la mcsme nuict ma response aux articles, suivant celle de Sa Majesté Très Chrestienne de mot à mot; et après l'avoir baillée au commis de Cayes pour la translater en espaignol, il me l'envoya hier matin monstrer; et me sembla bien tracduicte. C'estoit afin que led. cardinal l'entendist mieulx, pour ce qu'il n'entend ung seul mot de françois. Il est croyable qu'il l'aura envoyée aussitost par la poste aud. S"" Roy Catholique pour veoir ce que de votre part a esté respondu, j'entendz, s'ilz m'appelleront pour nous aboucher don Dietristain et moy ; et doibvent bien croire Vos Majestés que je n'exederay ma commission d'un poil; mais scachez. Madame, que hier matin le courrier Gilles fut icy avec la response dud. S' Empereur; lequel me veint trouver deux heures après pour me donner des lettres que ma femme luy avoit baillées, comme il passoit par Narbonne. Il ne m'a sceu rien dire des parti-

N« 2i2. — 7 JANVIER 1570 177

cuUaritez de sa depesche; bien m'a asseuré que les deux Princesses sont appelées Roynes de France et d'Espaigne publiquement et pour telles tenues et honnorées en la court de l'Empereur; lequel a commencé de faire drecer leur esquippage esgal et semblable tant à Tune que à l'autre. On leur faictung bon nombre de reposteros qui sont couvertes de coffres, et l'Empereur leur donne plus d'authorité et les favorize beaucoup plus qu'il ne souUoit; mesme il a mis de Vienne jusques en Bohême, d'où led. Gilles fust depesche le dixiesme du passé, deux fois plus de tempz qu'il ne faisoit les autres fois, afin de donner récréation à mesd. Dames ses filles; car il les respecte desja comme Roynes. C'est ung heur à luy et à Tlmperatriz que père et mère d'une maison ne se veirent jamais de marier à mesme saison et instant deux filles à deux si grandz Roys; me jurant icelluy courrier (|u'il ne se faict ung seul homme en tout Allemaigne; car led. S"" Empereur parmy l'ayde des princes de l'empire ses amys a empesché le dessain de Casimir et du prince d'Orenge. Tellement, Madame, qu'il no vous fault estre en doubte que vos mauvais subjectz vous facent dommage dud. cousté; et ceulx qui vous dizcnt autrement le font pour vous faire condescendre à la paix; et puisque les Anglois sont soublevez contre leur royne, elle ne vous pourra nuyre de rien.

Et suis d'opinion. Madame, que pour estre vos finances à sec, et partie de vos loyaulx subjects travaillez et las de la guerre, que pour cella le Roy ne doibt point consentir ny accorder une seuUe condition aux ennemys qui luy soit préjudiciable ; car le Roy Charles septiesme se trouva bien en pire party quelquesfois, qui ne tennoit Guienne, Bretaigne, Bourgoigne, ni plusieurs grands païs qui luy estoient contraires en faveur des Anglois; il ne perdist onc son grand cueur, ains à la fin il recouvra son Royaume à la confusion de ses ennemys. Il failloit, Madame, à ce propoz regarder par quelz moyens il se gouverna et les imiter; et le Roy Louis xj"* se servist de francs archers. Au reste je croy qu'il seroit possible de faire une levée de cinquante mil hommes de pied et trois ou quatre mil chevaulx en votre Royaume que les villes et païs vous souldoieront, et je suis le plus inutille de toutz voz serviteurs de Languedoc; mais sij'avois commission du Roy, je penserois persuader aux villes et lieux de faire une cslite

de leurs hommes plus aydables pour vous servir en telle neecessité ; et iceulx hommes-je les pencerois tenir nourriz et vestiz, encore qu'ilz fussent six mil, sans que personne s'en plaignist, pourveu que à la fin de la guerre ilz eussent honneste guerdon ' de leur service sur les biens des ennemys et les scauroiz discipliner de telle sorte qu'ilz serviroient comme les soldatz payez servent et feroient d'autres choses neccessaires pour la guerre que iceulx mesprisent. Et laissez, Madame, que quelcun se moque de mon dire, car peult estre ne le fairoit il pas si bien que moy. ny les scauroit discipliner et employer mieulx que je ferois, m'asseurant bien que je les ferois servir de ce que les soldatz payez servent et feroient d'autres chozes neccessaires pour la guerre que lesd. soldats payez à poix d'or mesprizent. Vous y poncerez, Madame, s'il vous plaist; et essayerez toutes choses devant que permectre vos ennemys vous donnent la loy en quelque sorte que ce soit; lesquelz avec peu de persévérance qu'ilz cognoissent en votre constance acoustuméo seront tantost au dessoubz et contraintz de se rendre à votre mercy.

Madame, le sieur Almeyde m'a dict qu'il a sceu que don Jehan Borge a escript de Portugal qu'il feist révérence au roy le vingt huitiesme de décembre en la ville de Ebora; et raconte tout plain de bien et bonnes parties qui sont en lad. personne du jeune roy. C'est le contraire des advis que m'en a donnez ung portugalJois; et j'ayme mieulx croire le bien que le mal. Escript aussi qu'il a esté le bien venu et promect que tout va bon chemin. Il s'en alloit, et don Hernando Carrillo qui estoit embassadeur devant luy, trouver la royne à Villa Franca, pour traicter les négoces dont ils espèrent que led. Carrillo apportera bonne rezollution dans peu de jours. Par ainsi, Madame, j'ay très bonne espérance d'estre aux piedz de Vos Majestés avec la conclusion du mariage de Portugal ung jour que vous ne vous en prendrez garde. Et si celluy du Roy se pourra conclurre devant que le sieur Jeronimo Gondy parte d'icy, il vous en apportera la conclusion. Il est vrai, si les deux ne retardoient l'un pour l'autre, que j'aymerois mieulx en estre le porteur que de donner cest honneur à ung autre, puisqu'il vous a pieu m'accorder mon

* Récompense.

congé. Au reste, Madame, led. S*" Roy Catholique a envoyé six mil escuz pour chappins, espingles et semblables petites besognes à lad. Princesse Anne, et a assigné Tlmperatriz de la somme de cent mil escuz, payables en cinq ans, qu'il luy donne de presant. Aussi croy je qu'il ne faict pas estât de recevoir grandz deniers du dot de sad. femme.

A ce compte. Madame, ce sera pour Cordoue qu'il fauldra atendre à traicter led. mariage; je nay pas ung escu pour me desengager d'icy ny pour faire led. voiage; et d'ailleurs toutz les ambassadeurs font vestir de neuf leurs gens avec force velours; ce que je ne puis sans la libéralité du Roy.

-Le Roy Catholique vient cejourduy au Pardo et demain en ceste ville, en intention de partir dans le quinziesme pour Cordoue. C'est aussi pour veoir de mectre fin au traicté du mariage du Roy. Il m'est impossible de le suivre aud. Cordoue sans votre secours, et suis tant endebté que je n'en puis plus; et après, Madame, vous avoir supplié très humblement de croire qu'il ne tiendra point à moy que Vos Majestés ne demeurent contentes de ce qu'il leur a pieu me commander et au plustost qu'il me sera possible.

Madame, Dieu me doint la grâce de vous pouvoir faire le service que je doibs à Voz Majestés, et vous doint volunté de me faire encore mieulx que n'avez encore faict ny commencé, afin que je prie Dieu de meilleur cueur pour votre santé et très longue vie.

De Madrid, le vij"" janvier 1570.