Au Roy

Madrid, 18 janvier 1570.

Sire, A l'honneur de Dieu soit et à votre contentement la conclusion de votre mariage et de Madame la Princesse Yzabeau d'Austriche fust arrestée le xij de ce mois. J'enay baizé les mains au Roy d'Espaigne, votre frère, le xiij*; lequel jour, il est party de ce lieu pour n'y rentrer plus qu'il ne soit esté à Cordoue; et le xiiij*, le traicté a esté recité et passé, comme il plaira à Votre Majesté veoir par le contract que je vous envoyé par le sieur Jeronimo Gondy. Mais, Sire, je vous supplie très humblement

ne me sentir mauvais gré, ains me pardonner si je me suis laissé vaincre et que j'aye excédé votre instruction en deux poinctz: le premier pour ce qui touche les termes du paiement, car je n'y ay peu faire mieulx, m'alleguant les sieurs icy l'impuissance et incommodité de l'Empereur, qui sera contrainct de despendre grossement pour l'esquippage et conduicte des deux Princesses, veut que ce doibt estre à mesme temps, m'asseurent cesd. s" que led. S' Roy d'Espaigne lui donne semblables termes. L'autre est, Sire, en ce qu'il est permis à mad. Dame de tester jusques au quint de ses dot et bagues. Qui sont deux articles desquelz je me suis deffendu tant qu'il m'a esté possible les reffuzer par raison ; car me sembloit que c'estoit bassesse de vouUoir tant de nouveaultez, desquelles ilz me deussent avoir parlé devant qu'envoyer les articles dernièrement à Votre Majesté, qui m'eust faict entendre là dessus son vouUoir; et leur ay représenté les pactes de la feu Royne d'Espaigne, votre soeur, qui ne font aucune mention de tester. Surquoy m'a esté respondu que la loy et uzance de ce royaume y a pourveu; par laquelle il estoit permis à lad. Dame Royne de disposer du tiers de son dot, bagues, joyaulx et meubles, encore que elle eust enfans ; et si ces traictez des Roynes Leonor et d'Escosse mentionnez en votre responcc, en est dict quelque chose, il n'y eust heu que tout bien de m'en envoyer les coppies, afin de m'en avoir mieulx instruict.

Il fault. Sire, espérer que Votre Majesté et Son Alteze vous ferez si bonne et longue compagnie l'un à l'autre que lad. condition de tester par mort n'adviendra ny aura lieu de ceste part de quatre vingtz ans. Et pour le regard du terme qui leur est prolongé d'un an davantage. Votre Majesté n'en sera plus avant pour cela ny plus arrière, ayant bien noté et trouvé fort bon et magnanimme ces sieurs icy la responce du xiij et xiiij"" articles par où Votre Majesté me mande respondre à don Dietristain que vous n'avez heu ny avez rien moins en considération, faisant ce mariage, que le dot et espérance de succession, car Votre Majesté n'y pence point. Et plus, Sire, est votre grandeur cogneue leur donnant les termes qu'ilz ont demandé, comme a faict le Roy, votre frère, que si j'eusse incisté et requiz que ce fust dedans l'an. Lequel exemple pourra servir à celluy qui traictera le mariage de Madame, votre soeur, pour demander

ir 2i3. — 18 JANVIER 1570 181

termes raisonnables. Mais face estât Votre Majesté de passer par la loy que vous avez faicte en votred. traicté touchant les s" et dames de la Royne votre future espouze pour le regard dud. Portugal; car difficillement permectront ilz que mad. Dame qui au plaisir de Dieu sera leur Royne demeure accompaignée ny servie de François ny Françoises.

Ne faisant, Sire, à obmectre par la présente que tantost après et à rinstant que le secrétaire Caves eust recité vosd. pactes, le s' don Dictristain m'a dict que je fusse bien memoratif de ce qu'il me disoit en présence des s" nommez aud. traicté, que l'Empereur son seigneur n'cntendoit comme il n'avoit entendu soy départir de la poursuicte du recouvrement de Metz, Toul et Verdun, jaçoit qu'il vous ayt accordé la Princesse Yzabeau, sa lîUe, ny avoir pour cela vouUu ny entendu prejudicier aux (Jroictz et pretenssions du S* Empire, ne pouvant moins faire que d'estrc conservateur des droictz d'icelluy, puisqu'il en est chef.

Je luy ay demandé s'il entendoit que son dire deubt estre inceré dens Icd. traicté ou par acte à part. Car, Sire, s'il m'eust respondu de l'un ou de l'autre que ouy, je me fusse retiré et revocqué sans signer Icd. contrault. Mais il me feist rcsponse et toutz lesd. s", que ce n'estoit l'un ny l'autre, ains verballement pour acquict et descharge de l'Empereur envers led. empire. Et notez. Sire, (|ue je me double que le mesme s' en dira aultant à voz ambassadeurs devant toute l'assemblée quand la ratification et espouzaillcs se feront. J'ay quant à moy respondu que son propoz n'avoit rien de commun avec le traicté du mariage qui est pour paix, concorde et unyon et l'autre est ung protest de guerre. Que Votre Majesté m'avoit commandé de dire qu'il ne veult ny entend estre faicte mention de lad. réservation dens led. traicté ny dehors en quelque sorte que ce soit; dcclairant que je ne consentirois en nulle manière qu'il s'en retint aucun acte. Led. ambassadeur me deist et losd. s" qu'il ne s'en retcnoit poinct aussi. Et ce qu'il m'en disoit n'estoit pas pour intention d'altérer lad. paix et amytié ny autre que de parolle, suivant ce que lad. Majesté Cezaréc luy avoit commandé.

Après ces propoz. Sire, nous signasmes luy et moy led. traicté.

par lequel je n'ay peu empescher qu'ils n'ayent speciffié le plus par le menu à leur mode loutz les articles qu'ilz ont sceu adviser et en leur stille et phraze espaignoUe difficille à bien représenter en françois sans altérer la substance.

Il me reste, Sire, à vous advertir que le Roy Catholique faict estât asseuré d'avoir la Princesse Anne dedans Gennes, au fin plus tard à la fin de mars ; car il la veult en ce royaume dens la my avril s'il sera au monde possible. Je vous ay donné advis que Tarcevesque de Seville et le duc de Bejar, son nepveu, qui est ung s' de trente cinq ans, vont aud. Gennes pour la recevoir; et les y doibt passer le grand Commandeur de Castille sur les gal- 1ères ce février; ilz n'espargnent rien pour y aller fort pompeux et magnifiques. Pour Dieu, Sire, que de votre part ne soit rien espargné en ung faict si solemne, comme doibt estre la ratiffication et espouzailles susd. et du commencement jusques à la fin de la consumation, afin que votre grandeur se monstre en cella, qui n'est que pour une fois, comme elle se demonstre en toutes autres chozes aujourduy; car tout le monde vous a les yeulx dessus ; et ne pensez pas que les tribulations de votre Royaume soient tant à votre desadvantage que voz voisins et tant de roys et potentatz ensemble leurs peuples qui oyent parler de France et de ce qui s'y faict, ne demeurent estonnez et confuz par grand merveille de la puissance très admirable que votred. Royaume monstre de plus en plus et sus si longues adversitez; bien entendu par eulx que si son efl'ort fust employé ailleurs, qu'il ny a voizin qui vous peult résister.

De Madrid, le xviij"' de janvier 1570.