A la Roy ne

Madrid, 18 janvier 1570.

Madame, Après tant de dillations et longueurs il a pieu à Dieu que le traicté de mariage du Roy se soit concluz et passé sans vous en pouvoir bonnement desdire d'une part ne d'aultre. Celluy du Roy d'Espaigne l'a esté ung demy quart d'heure plustost, pardevant et en la présence des s" nommez en celluy du Roy; et croy qu'ilz seront semblables en aucuns articles à imitation du votre susd. Ceste façon d'avoir passé lesd. traictez à mesme jour et

heure est ensuivre Tintenlion de l'Empereur qui veult que Mesdames les Princesses ses filles soient esgalles en toutes chozes. Et suis d'opinion qu'il vouldra que la ratiffication, fiançailles et traduction soit à mesmc et semblable jour, s'il ne tiendra de votre cousté, je veulx dire si votre ambassadeur y arrivera de bonne heure pour lesd fins. En quoy led. S' Roy Catholique donne toute la presse qu'il luy est possible, car il veult et demande que la Princesse Anne soit à Gennes pour la my mars, ne parlant plus de la votre, car il vous en laisse le pencemcnt. Or ay je, Madame, advisé de vous debvoir envoyer ceste si bonne et contente depesche par le sieur Jheronimo Gondy, bien que j'eusse mieulx aymé en estre moy mesme le porteur pour gaigner les Albrices, mais elles ne seront pas pour cela perdues, si c'est voire bon plaizir; pour lesquelles je vous supplie, Madame, très humblement qu'il vous plaize moyenner que le Roy m'ayde à maryer une mienne grand fille bien layde.

Et pour Dieu, Madame, que votre ambassadeur ne soit poinct blasmé pour avoir excédé sa commission en quelques choses; car je m'y suis gouverné selon mon petit sens le plus prez du commandement de Sa Majesté que j'ay peu; et s'il me fust allé de ma vye et de mes enfans, je n'y aurois sceu estre plus atentif que je suis esté. Aussi ne veulx je pas soubstenir que plusieurs autres ne s'en fussent mieulx aquictz que je n'ay pas faict; j'ay eu neantmoins devant les yeulx le grand dezir que le Roy a et Votre Majesté, que ce mariage s'effectue au plustost qu'il sera possible ; voyant bien s'il ne se concluoit à ce coup que c'estoit à recommancer et à l'aventure despiter l'Empereur et le Roy Catliolique en une saison qu'il est besoing de clorre le passage aux AUemans et non le leur ouvrir davantage pour entrer en votre Royaume appeliez de vos mauvais et rebelles subjectz. Je ne scavois aussi s'il y avoit lieu de soubsçonner que leursd. demandes fussent achaques et occasions pour différer led. traicté, afin d'en contenter la Princesse de Portugal et le roy son fils. Pour cella, Madame, j'ay franchy le sault, fermant la bouche h ceulx qui murmuroient qu'il vous faschoit de veoirune autre Royne en France; car il n'y a homme ny femme qui puisse dire avecq la vérité qu'il ayt tenu à vous que le Roy n'est maryé, il y a quatre ans et plus. Il me semble, Madame, qu'il

184 DÉPÈCHES DE M. DE FOURQOEVAUX

sera bon que Vos Majestés escrivenl à lad. Princesse de Portugal, aux Princes de Bohême et au cardinal de Sîguence pour vous resjoujT avec eulx de ced. mariage, remerciant en particuUier le cardinal du bon office qu'il y a faict, et le priant de tenir la main à celluy de Madame, que vous luy recommandez pour y faire plustost office de votre partial que d'arbitre commun. Et le Roy fera bien d'envoyer ung presant au secrétaire Cayes pour avoir receu led. contract, s'il vous semble bon de le faire. Je vous supplie que ce soit ung don et presant digne de Voz Majestez. Je suis d'opinion aussi, Madame, qu'il ne seroit pas mauvais de toucher par votred. lettre ung mot à lad. Princesse du mariage du roy de Portugal son filz et de Madame votre fille, et commencer de vous aprivoizer entre vous deux qui estes les mères, luy recommandant les petites Princesses aussi, auxquelles je vous dis. Madame, qu'elle monstre tout bon semblant de mère et de tante, les vizite souvent et les caresse comme si c'estoient ses propres filles.

Vous debvez croire. Madame, puisque le Roy est marye, que le pouvoir dud. Portugal ne tardera guère à venir; mais ce sera pour traicter du mariage estant à Cordouc. Almeyde dezire et procure que mad. Dame soit sa royne et maistresse; car il luy va de son interest. Ne voullant faillir de dire à Votre Majesté qu'il n'y a personne que le Roy Catholique et led. s' cardinal de Siguence et le Commandeur major de Castille,qui scache à quel port la nouvelle Royne d'Espaigne doibt descendre. Mais led. voyage de Cordoue donne à discourir que ce sera à Seville, qui n'en est que à vingt deux lieues, ou à Malque, qui n'en est plus loing. En ces entrefaites nous allons tous aud. Cordoue comme led. s' Gondy vous scaura dire , et de si peu de nouvelles que nous scavons. Led. cardinal m'a dit qu'estant aud. Cordoue il traiclera le mariage de Madame avec le roy de Portugal, car nous approchons d'Evora, où il se tient. Je ne feray faulte de me rendre aud. Cordoue après avoir satisfaict à mes créditeurs de ceste ville; mais ces moyens attenz je de la liberallité de Voz Majestez, sans laquelle ma pouvre barque demeure à sec.

J'ay hier visité lad. Princesse de Portugal et lesd. Princes de Bohême; elle m'a semblé y avoir receu plaisir; elle m'a dict qu'il ne peult tarder guercs plus que le pouvoir du roy, son filz, ne

N» 2i4. — 18 JANVIER 1570 185

vienne, et que Sa Majesté Catholique et elle y ont faict et font tout ce qui leur est possible, comme celle qui dezire led. mariage aultant que Votre Majesté. Lesd. Princes, aussi est lad. Dame, sont fort aizes et contentz de quoy le mariage du Roy est concluz; pour le moins elle me Ta dict ; et eulx disent qu'en toutes les occasions qui se offriront de pouvoir faire service au Roy, qu'ils le feront; et vouldroient desja estre de retour près de l'Empereur pour vous declairer mieulx leur bonne affection. Ce sont deux gentilz jeunes Princes de grande espérance, mesme l'aisné. Hz ne seront avec led. Empereur deçà le mois de juin ou juillet. J'entendz que deux de leurs petitz frères viendront par deçà avec la Royne d'Espaigne, et l'archiduc Hernando, ou Tarchiduc Charles fiancera lad. Dame pour le Roy Catholique. Mais celluy qui aura ced. pouvoir ne l'accompaignera point, ains l'autre, car l'Empereur veult que chacun de sesd. frères y ait sa part de l'honneur. Don Dietristain me l'a dit ainsi; et trouve impossible que lad. Dame soit à Gennes que sur la fin d'avril; auquel lieu led. archiduc à qui touchera de Taccompaigner, la consignera es mains de l'arcevesque de Seville et duc de Bejar sans venir plus avant; et une raison que led. cmbassadeur allègue est que les personnes qui la doibvent accompaigner sont et seront en leurs maisons en Austriche, jusques à ce que TEmpereur les mande venir à sa court; ce qui ne pourra cstrc que à l'arrivée du courrier qui luy apportera la nouvelle de lad. conclusion : lequel ne scauroit partir de six jours, car fault atendre que led. S' Roy Catholique cscrive de sa main, estant dimenche vingt deux de ce mois à Tallavere de séjour jusques à lendemain. Par ainsi, à compter vingt cinq jours au voiage dud. courrier, tout février s'en ira quasi en cela, et mars à la convocation de lad. compagnie et aux preparatifz du chemin et avril pour le voiage de Prague en Bohême jusques aud. Gennes. C'est, Madame, les discours de don Dietristain, qui scait aussi peu que moy à quel port lad. Royne abordera pour sa descente ny eu quel lieu se feront les nopces ; il vouldroit bien et moy aussi que ce fust à Barcelonne.

On doubte que la deffaicte des Mores ne sera poinct si facille qu'on disoit. Aussi le messager que j'avoys envoyé en Portugal pour avoir les habitz des s" Camillo Gozadin et Charles

Benilaqua est de retour hier matin; laquelle depesche va avec la présente. Il a parlé une fois au roy de Portugal et Ta veu autres quatre fois, et m'asseure qu'il est si blond qu'il ne voioyt guère bien ses sourcilz; et n'est poinct boussu, ains de belle taille pour sa grandeur ; il achevé les seize ans le jour S' Sebastien xx""* de ce mois. Don Jehan deBorje et don Hernando Carrillo partiront de Evora lendemain des Roys pour aller à Villafranca devers la roy ne la supplier de venir aud. Evora et soit que elle y vienne ou non, le faict du mariage se rezouldra à ce coup pour envoyer la procuration à l'ambassadeur dud. Portugal icy résident; lequel s'en part de ce lieu pour Cordoue dens trois ou quatre jours et n'y a personne de quallité qui n'aille après Sa Majesté Catholique; je n'y fauldray pas non plus, mais que je puisse, et ne sera pas à ma faulte que Madame ne soyt tantost royne de Portugal; lad. Princesse, sa belle mère, prennoit grand plaisir à me demander d'elle plusieurs particuUaritez, de quoy je la rendis bien satisfaicte.

Madame, pource que le Roy Catholique marche tousjours, il n'a peu vous escrire par le s'Gondy, mais ce sera lorsque les capitullations seront transcriptes bien au nect en trois langues, latine, francese et castillanne, que je vous envoieray par courrier exprès, n'avant vouUu laisser dormir longruement en mes mains une si bonne nouvelle qu'est de lad. conclusion; de laquelle j'envoyc presentoinent à Voz Majestez les articles en françois, comme ilz sont passez, estant les autres deux en mesme substance, bien qu'ilz ont esté receuz et accordez aud. castillan ; et, car Icd. don Dielristain n'a peu depescher vers l'Empereur pour luy envoyer lesd. capitullations, luy et moy avons advisé qu'il luy escriroit par ceste V oye, afin que Sa Majesté ne luy sente mauvais gré s'il n'en esloit pareillement adverty; et pour ce, Madame, si le Roy depesche quelcun vers l'Empereur, il sera votre bon plaisir le charger de lad. lettre de son ambassadeur et me vouUoir pardonner sy jay faict erreur en aucun endroit des articles par inoy accordez; ce que toutesfois je ne pense point avoir faict, ains toutes choses pour le mieulx.

Madame, devant que clorre ceste lettre j'ay sceu que les affaires de Grannade vont mieulx pour le Roy Catholique et la resistence des Mores sera de petitz jours, car desja ilz commen-

cent à fayr, excepté trois fortz qu'ils tiennent, dont le principal qui s'appelle Gallipe vault prins, s'il ne l'est cejourduy, dens lequel y avoit trois mil Mores. Cayes m'a asseuré que les cours de Cordouene dureront que trente jours, et que la descente de la Royne d'Espaigne sera à son ad vis à Valence; mais il ne le scait sinon par conjecture; il est vray que le Roy son maistre la veult en ce royaume par tout avril.

De Madrid, le xviij"* janvier 1570.