A la Royne

Madrid, 18 janvier 1570.

Madame, Geste lettre est la troisième que j'escris à Votre Majesté par le sieur Jeronimo Gondy, en atendant la depesche du Roy d'Espaigne, et sa responce touchant les quatre mil Espagnols, afin de scavoir s'il luy plaist qu'ilz passent ou non. Il nous a fally atendrelad. depesche ; et n'y a nouvelle de lad. rezollution, qui me faict croire que la levée desd. hommes n'a esté que pour armer leur frontière de Navarre et secours de nom sans effect; de sorte qu'ilz ont tousjours uzé de quelque deffaicte une fois que les hommes ne se pouvoient trouver ny lever promptement; en quoy ont passé trois ou quatre mois, qu'estoit devant que Montgommery entrast en Gascoigne ; et par ainsi le passage leur estoit franc et libre; puis quand led. nombre a esté conduict à Victorie, à quoy a bien aydé à les solliciter l'alarme qu'ilz eurent dud. Montgommery, ils se sont plantez là, demandant escorthe, laissant perdre tout plain de tempz; et à présent qu'il y a trois sepmaines que le sieur de S' Orenx est à Bayonne pour les recevoir et conduire et lad. escorthe es environs, n'y a nouvelle de declairer s'ilz doibvent marcher, ou ne s'i atendre plus; laquelle irrezollution argue que lad. levée n'a onc esté faicte que pour leur deffence et non pour secourir le Roy. Hz s'escuzeront astheurcy sur le bruict qui court que la paix est faicte; et s'ilz veuUent dire que àfaulte de lad. escorthe, ilz n'ont continué leur voiage, je leur puis respondre que jamais le nombre desd. quatre mil hommes n'a esté assemblé ny les bendes ne sont arrivées aud. Victorye à trente lieues prez, s'escuzant les capitaines qu'ilz ne pouvoient parfaire leur nombre; et ceulx qui

Tavoient prennoient escuze que leurs gens se desbendoieat les ungs pour aller en Grannade, et les autres de peur d'y aller, pource que le bruict courust parmy eulx, quand les premiers s'arresterent aud. Victorie, qu'ilz n'yroient poinct en France, ains contre les Mores; et j'entendz qu'ilz ne sont pas deux mil hommes complectz à présent, car le mesme maistre de camp s'en est envoyé plaindre au Roy son maistre, demandant de pouvoir remplir ses bendcs des hommes qui sont aux garnisons dud. Navarre et Biscaye, et en faire aller d'autres en leur lieu, à celle lin que led. secours ne pcrdist tempz en refaisant leursd. bendes. De Madrid, le xviij"' janvier 1570.