Au Roy

Madrid, 3 février 1570.

Sire, Par la depesche que j'ai faicte à Votre Majesté duxxiij de janvier par le sieur Jeronimo Gondy est amplement contenu ce qui a esté traicté et conclu de votre maryage. Je prie Dieu vous en donner bientost la consommation et le succez à votre contentement comme toutz voz bons serviteurs dezirons. J'avois prié, Sire, led. s' Gondy de prendre garde passant par Victorie en quel estât seroit le régiment que le sieur maistre de camp Soliz avoit charge de passer en votre secours et service, s'il marchoit ou non, et quelle estoit leur intention, afin qu'il vous en sceut faire rapport certain et de vous advertir comment je n'avois peu scavoir la rezollution et responce du Roy d'Espaigne sur une letre que le s"" de Sainct Orens m'avoit escripte de Bayonne du troisiesme dud. janvier, m'advisant que Votre Majesté Tavoit depesche avec quatre ou cinq compagnies d'iiomes d'armes pour faire escorthe aud. régiment, lesquelles estoyent demourées à Bazaz; etils'estoitadvencéjusquesaud. Bayonne aux fins de recevoir de votre part led. secours, le conduire, le loger et accommoder de vivres et leur faire faire grand chère, estant desjalcs estappes drecées pour eulx, me priant de solliciter leur passage; de laquelle letre je donnizadvis aud. S' Roy Catholicquc, luy estant parti de ce lieu pour Cordoua. Et m'avoit promis le secrétaire

' Autographe. Bibl. Nat., iiis. fr. 10103, f" 59i.

Caves, qui est deslogé d'ici le xxiij"* du passé, de m'en faire avoir responce devant son partement, ainsy que led. s' Gondy scait, etTaura, ce croyje, dict à Votre Majesté; mais lad. responce n'est venue à moy que jusques à hier que led. Cayes m'a escript; ce qui va traduict de ma main avec la présente, ensemble la relation d'un capitaine dud. régiment, duquel je ne scay le nom; lequel a esté aud. Bayonne et sur le pais circumvoizin pour s'informer au vray s'il y avoitescorthe, comme led. s' de SainctOrens m'es cri voit; car icy ne vouUoyent mectre leurs gens à l'adventure sans scavoir comment; et ayant entendu par led. rapport qu'il n'y a escorlhe suffizante, l'intention de ces s" demeure bien fondée, qui a esté tousjours, ou je m'en doubte, de vous secourir de nom et en apparence, mais que c'estoit, en effect, pour asseurer leur frontière de Navarre. Il vous plaira. Sire, avoir souvenance que je vous ay quelques fois escript que petite escuze leur suffiroit pour se retirer de leur promesse; ilz l'ont trouvée à présent, car ilz donnent la coulpe de leur dilalion à voz ministres qui avoyent charge et commandement de par vous d'envoyer de bonne heure recevoir Icsd. Espaignolz, desquelz ilz n'ont jamais sceu nouvelles, sinon led. mois de janvier qu'on leur a dict que les s" deBajaulmont et de Sainct Orens estoyent arrivez aud. Bayonne pour servir de commissaires et conducteurs simples sans aulcune escorthe. Je m'estois, Sire, offert à Sa Majesté Catholicque il y a quelques mois et aussytost que je sceuz que led. régiment estoit à Victorie, de les aller conduire et les mener jusques à votre camp; ce que je suis certain que j'eusse faict et d'avoir restitué les affaires du cousté de Gascoigne en meilleur estât qu'ils n'estoyent. Tant y a que ced. S' Roy ne voullust le consentir. Or, sera il fort difflcille astheurcy de refaire led. régiment, car il s'en est desbendé la moytié; et s'il est ainsy que les encmys ayent passé au delà de Garonne, excepté les garnizons de Bearn, j'ay opinion qu'il ne chauldra pas beaucoup à ceulx de deçà de refaire led. régiment, n'ayant plus à craindre de Navarre; ains s'ilz ne le font à visage descouvert, ilz ne pourront neaulmoins permectre par dissimullation que led. régiment se desbendé du tout, prennant tousjours leur deffaicte qu'il n'y a heu escorthe sur l'entrée quand il estoit bezoin; dont pour en scavoir la vérité^ je depesche présentement

home exprez à quinze, lieues par jour à Mons' le viconte d'Orthe avec le double desd. letre et relation de Cayes, afin que je scache s'il est ainsy qu'il dict ou aultrement; car si je le scauray, Sire, qu'il n*a point tenu à Votre Majesté ny à voz ministres, je ne fouidray pas d'en dire clairement mon advis au Roy, votre frère; et si la faulte vient de vosd. ministres, je diray que vous serez esté fort mal servy en cela comme vous l'avez esté en d'aultres chozes; ce que je n'ay vouUu faillir de faire entendre à Votre Majesté, afin que led. secours ne vous tienne davantage en espérance ny vous garde de remédier à voz affaires par aultres meilleurs moyens. Toutesfois, s'il vous plaira, Sire, que je face nouvelle instance de demander que led. régiment soit refaict, je le feray; et croy que la présente ira seurement par l'adrece que je luy donne qu'est de l'envoyer aud. s*^ viconte d'Orthe et et de là à Mons' le baron de Lagarde à Bordeaulx en atendant que j'aye dud. Cayes la capitulation de votre maryage en forme, comme il m'a promys; laquelle je ne feray faulte d'envoyer à Votre Majesté par ung des miens.

Sire, je prie Dieu qu'il vous doint grâce de vous povoir passer de voz voizins, et vous veuille conserver très victorieux sur vos enemys.

A Madrid, le troisiesme jour de febvrier 1570.

Sire, le siège est tousjours devant Gallere * et l'assiete du lieu si forte de nature que l'artillerie n'y peult nuyre. Don Juhan d'Austrie est aud. siège. Le duc de Sesse avec la goutte ne bouge de Granade, où il reçoit les gens qui arrivent de toutes partz. Hz ont eu advis d'AUemaigne que le duc Auguste do Saxe estoit en branle de recevoir l'opinion de Zvyngle touchant le Sainct Sacrement, dont ces s" Espaignolz sont bien fâchez. Le Roy Catholicque fera son entrée en Cordoua le xviij"* du présent, et ceulx de lad. ville l'ont prié d'atendre aud. jour qu'ilz auront leurs appareilz prestz.

Votre très humble, très abeyssant et très obligé subject et serviteur.

FORQUEVAULX.

Plus haut : Gallipe.

217. — Double d'une letre du S' Cayes, secrétaire d'estat du roy d'Espaigne au s' de Fourquevaulx du dernier de janvier 1570, receue à Madrid ledeuziesme de febvrier de ced. an >.

Despuis l'arrivée de Sa Majesté en ce lieu est venue uneestaffete du maistre de camp Soliz portant letres, desquelles s'est tirée la relation qui va avec la présente. Vous verrez par elle la diligence que led. Soliz a faictc par diverses voyes pour entendre si l'escorthe que le Roy Très Chrestien avoit commandé aprester pour conduire les Espagnolz en France estoit preste; et trouvé que non seuUemcnt elle n'est preste, mais aussy qu'il n'y avoit forme ny moyen de la povoir assembler ny de venir acompaigner lesd. Espaignolz, à cause que les passages estoyent desja prins et saiziz par les rebelles. Et certainement on ne peult laisser de dire que les ministres du Roy Très Chrestien ausquclz le faict avoit esté commys n'ayent uzé de très petite diligence; qui est cause de l'inconvénient que tout home peult considérer, vcu que lesd. Espaignolz ont esté atendantzsi longtempz lad. escorthe non seuUement en faisant grand despence des deniers de Sad. Majesté, ains avec grand dommage du pais où ilz sont esté logez. Et le piz est que pour raison de ceste dillation, lesd. gens se sont desbendez en tant qu'ilz n'en sont demeurez deux mil homes; lesquelz estoient si petit nombre et tant deffaiclz, ilz peuvent servir de si peu, comme vous si principal soldat que vous estes pouvez juger. Et de cecy vous est donné advis, afin que vous scachez ce qui passe et que de la part du Roy mon Seigneur n'y a heu faulte de rien à faire le possible, pour ayder et assister au Roy Très Chrestien, son bon frère. Lequel S' Roy mon maistre sera icy jusques au trois ou quatr"* du mois qui vient. Je vous envoyé la capitulation en françoisescripte de la letre que vous m'avez demandée ; je vous prie la signer de votre main et me l'envoyer incontinent, car don Dietristain la veult aussy en françois; €t receu que je l'aye, je vous la renvoyeray soubdain signée dud. Dietristain et semblablement celle en latin, toutes deux authentiques en bonne forme, afin que les puissiez envoyer en France, vous asseurant que jusques à ceste heure led. Dietristain n'a heu aulcune des capitulations.

De Guadaluppe, le dernier jour dud. janvier 1570.

Cayes.

218. — Relation de ce que le maistre de camp Soliz a escript à Sa Majesté Catholique du xvij»« de janvier 1570, traduict de castillan en françois ^

Qu'il avoit envoyé ung des capitaines de son régiment à Rayonne, lequel parla au gouverneur dud. Rayonne et à Mons' de Rajaulmont, qui estoit

1 De la propre main de M. de Fourquevaux. Bibl. Nat., ms. fr. 16103, f» 593. ' De la propre main de M. do Fourquevaux. Bibl. Nat., ms, fr. 16103, f« 593.

venu par commandement du Roy Très Chreslien aud. lieu, pour recevoir et acheminer led. régiment. Lesquelz luy donnèrent à entendre qu'ilz attendoient d'heure en heure nouvelles de Tescorte qui debvoit venir pour seureté du secours des quatre mil Espagnolz; et combien que led. capitaine fust en lad. ville et au pais de Vasques, il ne trouva qu'il fut rien de ce que lesd. s" attendoyent.

Led. capitaine fîst diligence estant aud. pals de scavoir s'il estoit vraj que lad. escorte venoit. Et fust adverty qu'il estoit impossible que elle peult venir, pource que les enemys avoyent prins les passages. II rapporte aussj pour la cognoissance qu'il a aud. pais de Vasques, que lesd. ennemys s'estoyent arrestez et detenuz ung tempz attendant led. régiment qu'il passast, afin de le deffaire. Et lorsqu'ilz ont sceu qu'il avoit recullé en arrière, iceulx enemys s'estoyent déterminez de passer la Garonne, comme ilz ont faict. Et passèrent lad. rivière le ix™* dud. janvier, ayant laissé pour garnison de Bearn cent et vingt homes d'armes, trois cens harquebuziers à cheval ethuict compagnies d'infanterie.

11 fust dict aud. capitaine en Bayonne que à xxvj ou xvvij lieues de là y avoit cinq ou six compagnies de gens de cheval. Et pour scavoir s'il estoit ainsy, il envoya un personage home de bien; lequel fust jusques sur les lieux où l'on disoit estre lad. cavallerye et n'y trouva sinon la compagnie de Mons' de S* Orens, qui est ung des gentilzhomes qui estoyent venuz aud. Bayonne pour guider led. tierce d'Ëspaignolz.

Que à parler reallement et à la vérité, il n'y avoit jusques alors aucune escorthe d'arrivée ne qui marchast de lad. rivière de Garonne au deçà, ny aulcune cerlaineté qu'il y eust gens ordonnez ny prestz à venir pour led. effect, sinon tant seuUement Icsd. s" de Bajaulmont et de Sainct Orens.

Ce rapport a esté escript de Guadaluppe, le dernier jour dud. janvier et envoyé par commandement de Sad. Majesté Catholique à moy ambassadeur de Sa Majesté Très Chrestienne.

FOURQUEVAULX.

219. — Mémoire touchant douze François venans de la Floride faicts prisonniers à Seville et condamnez aux gallaires pour dix ans ^

Quelques douze François du demeurant de la Floride et aultres prins du tempz de la guerre, plus a de dix ans, furent il y a ung an ou environ amener prisonniers des Indes d'Espaigne en la prison de la Contractation de Seville accusez d'estre courssaires, etpour telz condemnez aux gallères les ungs pour dix ans et aultres pour moins de tempz. Trois d'iceulx sont mortz en lad. prison, les deux de fain et de pouvreté, et l'aultre qui s'appeloit Charles de Saligan, bon canonier et chirurgien, fut tué par aultre prisonnier espagnol le jour de Noël dernier; les vivantz s'apellent Michel d'Orenge, qui se dict

» De la main de M. de Fourquevaux. Bibl. Nal., ms. fr. 16103, f« 639,

estre gentilhome, Jacques Laloue, bon marinier qui a navigué sur les flottes d'Ëspaigne à toutes les Indes, Vincens Ferez, Jehan de Lure, Guillaume Cousin, Jehan de Cahen, Jehan Gascon et Jehan Francés. J'ay remonstré la pitié desd. captifz plusieurs fois au Roy Catholique, suppliant Sa Majesté les faire délivrer. Il m*a tousjours respondu qu'il y feroit adviser par son conseil des Indes. Neantmoins ilz trempent * en captivité se mourantz de fain, plus maltraictez que les Anglois prisonniers ausquelz on donne le pain du Roj et ausd. François rien du tout. Et seroient desja mortz sans les aulmosnés qu'on leur donne. Sur lequel faict m'a semblé d'en escrire à Sa Majesté Très Ghrestienne, doubtant que si don Francés d'Alava luy aura demandé si c'est de son commandement que je procure la liberté desd. François, qu'il luy soit respondu que non, et pour ce sera bon qu'il plaise à Sa Majesté en dire ung mot ou faire dire aud. don Francés, afin qu'il scache que l'oiUce que je faiz pour touz les subjectz dud. Roy, mon seigneur et maistre, est de son adveu et commandement. L'occasion principalle de leur détention est pource qu'ilz ont grande cognoissance et expérience des portz et havres de la Neufve Ëspaigne, du Peru et des Isles ; et si j'eusse vouUu promectre et m'obliger pour eulx qu'ilz n'y retourneront jamais, le secrétaire Cayes m'a dict que soubz lad. condition seroient tantost délivrez. Ce que je n'ay voullu promectre, ny le pourrois observer quand je l'auroys promys; et à ce compte les lairront mourir misérablement. J'en reparleray aud. S' Roy Catholique estant à Cordoua ou aud. Seville, et ne tiendra pas à moy qu'ilz ne soyent délivrez.