A la Roy ne

Madrid, 3 février 1570.

Madame, Je suis adverty que le roy de Portugal depesche ung geniilhome de son conseil d'estat, qui s'apelle don Juhan Mascaregne, pour se resjouyr de la victoire et exhorter Voz Majestés à continuer la guerre ; et pourra vous offrir son ayde ; led. personage estant de lad. qualité pourroit bien avoir charge d'escoulter si de votre part luy sera parlé du maryage de Madame et de sond. maistre. En quoy il me semble qu'il y a bien grand lieu de procéder par grande considération, veu la nation à laquelle vous avez à faire, c'est à dire oultrecuydée et presumptueuse oultre mezure, de sorte que si tel propoz luy sera entamé de la part de Voz Majestés, je les voy enffler d'orgueil et se tenir sur leur foUie plus qu'ilz n'ont encore faict. Mais je serois, Madame, d'opinion qu'il seroit bon de faire semblant de

' Séjournent, demeurent.

» Autographe. Bibl. Nat., ms. fr. 16103, f* 596.

permcctre à voz subjectz d'armer contre les Portugallois pour avoir satisfaction et réparation des maulx et dommages qu'ilz en ont receu depuis longtempz et que le bruit de ccste permission aille aux oreilles dud. de Mascareigne pour luy donner cest allarme. Et s'il vous parle de la Madère, comme je croy qa'il fera, il vous fauldra luy demander justice et réparation de la mort de plus de quatre vingts François que lesd. Portugallois pendirent après s'estre renduz et leur fort du Rio de Gennero au païs du Brazil, dans lequel fort furent prinses quatre pièces d'artillerie de bronze aux armoirves de France, il y a environ quatre ans, et de infiniz aultres voz subjectz qu'ilz ont faict mourir en divers lieux, et leurs navires et biens prins et raviz par le commandement du mesme roy dud. Portugal et de son conseil. S'il vous demandera qu'il soit traicté et moyenne par Voz Majestés envers le Roy Catholicque de renoncer à toutes ses prétentions des MoUucques, vous povez respondre que cest office ne se peult faire pour desplaire à ung Roy tant votre parent, amy et allié comme Sa Majesté Catholicque est, et que ce sont négoces de maulvaise digestion; lesquelz aussy deussent estre traictez par le Pape qui leur a departy ce qui n'estoit pas h luy, ou son prédécesseur pape Alexandre. Semblablement le renvoyer bien court s'il vous parle de quicter et défendre à voz subjectz la navigation des Indes et des terres de leur démarcation. Quant à l'ayde dud. Portugal, si led. ambassadeur, Madame, vous en fera offre, vous n'aurez pas faulte de responce ny de remercyment. Je dezire neaulmoins qu'il luy soit à cela respondu aussy maisgrement, comme choze mize au vent hors de bonne volunté de l'effectuer mérite; car je me doubte, s'il pençoit estre prins au mot, qu'il ne s'y presenteroit pas; et ores que vous acceptassiés son offre, vous n'en aurez que paroUes vaines sans effect; mais ilz en feront aud. Portugal grandement leur proffict, comme faict le duc de Florence qui se vente à toutz propoz d'avoir preste cent mil escuz au Roy et de l'avoir secoru à son extrémité. A occasion de quoy nommeement, il a impozé ung gros emprunt sur les Florentins et le Pape en ses letres du tiltre fumeux (sic) qu'il a atribué naguère aud. duc de Magnus Dux de Toscane, allègue entre aultres raisons que led. duc a seccoru Sa Majesté Très Chrestienne d'homes et d'argent;

mais il ne dict pas que c'est sur bon gage ny en recognoissance qu'il vous uzurpe led. estât, lequel vous appartient m\ eulx que à luy. Et touchant. Madame, à la procuration dud. Portugal, l'ambassadeur atend de l'avoir en brefz jours, car led. roy son maistre est allé trouver la royne son ayeuUe à Villafranca, et il se tiendra au lieu de Salvatierra, qui n'y est pas loing; en laquelle visite se debvoit rezouldre d'envoyer led. ambassadeur Mascareigne à Voz Majestés et led. povoir à l'aultre ambassa- <leur icy résident. Je suis au demeurant bien esbahy, Madame, de n'avoir responce de ce que je vous ay escript que le Roy Gatholicque alloit aud. Cordoua, m'estant impossible de sortir de ce lieu sans payer plus de dix huict cens escuz que je doibz. Led. retardement est par adventure qu'il aura pieu à Voz Majestés m'envoyer le successeur; ce que je serois très aize, afin de m'exenter de ceste longue et costeuze corvée d'aller trotter par Andellouzie; et en ceste espérance, j'attendray en ce lieu quelques jours pour veoir ce qu'il vous aura pieu me commander.

Madame, je prie Dieu qu'il vous doint en parfaicte santé très acomplie prospérité et très longue vie. De Madrid, le troisiesme defebvrier 1570.

Madame, je ne veulx faillir de vous advertir que Madame la Princesse Infante Elisabeth, votre petite fille, a la petite veroUe depuis quatre jours; et luy en sort toutz les jours davantage avec une petite fiebvre. La duchesse y prend grand peine et la faicte sallacer ou cornetter devant qu'on eust cognoissance de lad. malladie; laquelle saignée luy a faict grand bien et allégé sa fiebvre, car tantost après lad. petite veroUe luy commença sortir. La petite Princesse Madame Catherine est logée loing de sad. soeur et ne l'en laissent aprocher, afin que led. mal ne luy viegne.

Votre très humble, très obeyssant et très obligé subject, vassal et serviteur.

FORQUEVAULX.