Au Roy

Madrid, 29 oclobre 4568.

Sire, Depuis le parlement de Mons' de LigneroUes, on a faict les honneurs de la feu Roy ne votre seur, le xviiij"" à vespres et le xix"' à la messe. Le Nonce du Pape a faict l'office, elTevesque de Cuengue le sermon; les Princes de Bohême, le cardinal, les ambassadeurs de France, Portugal et Venize y ont assisté, et des grandz d'Espagne, le connestable de Castille, ducz d'Arcos, de Nagera, de Medine, Ruysseco et d'Ossonne, marquis d'Aguillar, et conte d'Alve, avec autres marquis, contes et seigneurs, tous les conseilz et gens d'estat; lachappelle ardent, et le tout, le plus magnifique qu'il a esté possible pour le peu d'espace que l'église des Descalces contient.

Le Roy Catholique fut de retour en son pallais le xxi"' à huict heures de nuict, et le xxiiij et xxv"% les habitantz de Madrid ont faict semblablement les honneurs à Sa Majesté, où je suis esté présent à leur requeste, et se font par toutes les villes de ce royaume à qui mieulxetplus honnorablement les peult faire, car lad. Dame Royneestoit aymée universellement de tous les Espagnols; et la regretent à merveilles, hommes et femmes. Au reste. Sire, je ne puis scavoir la teneur du testement; bien scay que Sa Majesté en feist ung clos devant que s'acouchcr de Madame l'Infante Yzabeau; lequel fut drecé par son confesseur, frère Pacheco, qui est trespassé plus a d'un an; et elle escrivit de sa main ce qui luy plaisoit debvoir estre faict advenant son trespas; despuis en çà n'en a point faict d'aultre.

J'entendz qu'il n'y a que le Roy, le cardinal et Ruy Gommes qui scachent ce qu'il contient; et m'a esté dict que les dernières parolles de lad. Dame Royne au Roy, son mary, furent de remectre entièrement à sa discrétion d'oster dud. testement ou y adjouster ce que bon luy sembleroit. Ensemble du service et bienfaictz pour son ame. A ceste cause, Sire, je me suis advisé d'en parler ung mot au prince d'Evolly, luy disant que Votre Majesté nepourroit faillir à dezirer d'avoir cognoissance de ce que lad. Dame Royne auroit ordonné pour son ame; il m'a respondu en homme qui n'en scait rien, trouvant bon neantmoins que j'en deisse ung mot au Roy son maistre, par manière de luy

rementevoir Toffice que je pensois bien qu'il auroit desja faict, ou avoit intention de faire, de vous en faire scavoir par son am^ bassadeur ce qui en est veu, mesmementce qui est porté par les pactes du mariage de Leurs Majestez. J'ay faict, Sire, selon le conseil dud. Ruy Gommes en ma dernière audience qui a esté de nuict, sur les sept heures ; car il n'a voullu escoulter encore nul des ambassadeurs, sinon moy. Et me feist response touchant ce point que je le couchasse par mémoire avecq les aultres remonstrances que je luy avois faictes, et qu'il y penseroit et m'y respondroit; ce que j'ay laissé à faire jusques qu'il plaise à Votre Majesté me commander s'il y a lieu d'en parler davantage ; et m'a semblé assez pour le présent de l'avoir adverty que je scay que ledit lestement y est. J'ai entendu, Sire, que ced. S*" Roy a faict dire à toutes les dames Espagnolles qui esloient à lad. feu Royne, sa femme, et aux filles de chambre, que elles facent advertir leurs parentz de les venir retirer du pallais; et trouvant leur party de mariage, chacune aura le cuento qui luy apartient. Et, touchant aux Françoises, que elles facent aux Infantes le service acoustumé. Du nombre dcsd. dames Espagnolles, y en a desja une accordée, qui est Donne Magdelaine Giron, laquelle espousera le filz du duc d' Avère, Portugois, qui est un des seigneurs principaulx de Portugal, riche de trente mil escuz de rente; elle luy porte cent mil escuz de dot.

Sire, j'ay sceu que led. S' Roy d'Espagne a faicte une despesche à l'Empereur, le xvij™" du présent, le priant de surceoir et ne se haster point de consentir à ses subjectz qu'ilz puissent recevoir la confession augustane, comme led. S' Empereur a escript au Pape en estre pressé extrêmement et ne leur pouvoir bonnement reffuzer sans veoir advenir tout plain d'inconvenientz; laquelle manière de protestation a esté trouvée fort estrange par Sa Saincteté, et si aigre et desplaisante à ceste Majesté qu'il a heu à dire que la perte de femme et de filz ne luy ont point donné si grande tristesse; car il prévoit par lad. permission que l'Empereur s'en va le grand chemin des princes protestanlz; ce que pourra causer la ruyne de la religion catholique et romaine.

Et là dessus ceste Majesté luy faict une longue lettre remplie de sainctes et bonnes remonstrances; entre autres, qu'il advise

10 DÉPâCHES DE M. DB FOURQUEVAUX

bien ce qu'il fera, car, atendu qu'il n'a sinon filles et que son dezir est que les Princes de Bohême succèdent à ses estats, il ne pourra estre obey des grands d'Espagne en nulle sorte; s'il vient à morir, ny vouldront accepter les enfans dud. Empereur, si leur père sera suspect en la religion, ce qu'il a commencé d'estre parmy ces seigneurs Espagnols, plus a de deux ans, comme j'ay quelquefois escript à Votre Majesté; lesquels Espagnolz, Sire, vous exaulcent grandement d'avoir deffendu l'exercice des opinions nouvelles; bien y en a qui eussent voUu que la clause de ne pouvoir rechercher les consciences fut esté obmise, ou la coucher en autres termes. Je leur ay respondu que cella s'est faict pour evicter à maintz inconvenientz qui fussent sortiz de vouUoir contraindre sy tost les gens à descroire ce qu'ils croyent si obstineement que la mort ne les en peult divertir; et ung des principaulx du conseil disoit aud. S' Roy qu'il seroit hors de propoz, ains mectre les hommes au desespoir, de leur demander ce qu'ilz croyent et pensent de la foy. Et suffira pour le présent d'avoir l'oeil aux Iluguenolz, qu'ilz ne puissent rien dire ny faire qui soit scandaleux ny contraire à notre religion, en attendant meilleure opportunité de les pouvoir réduire par autres moyens de grâce ou de rigueur, ainsi que les occasions et le temps conseilleront Votre Majesté.

Sire, il m'a esté dict que l'Empereur a escript au duc d'Alve qu'il debvoit procéder d'aultre grâce ou doulceur qu'il ne faict envers les subjectz du Roy Catholique en ses Païs Bas, car d'en uzer si sévèrement et par le sang, comme il persévère de faire, c'est mectre les hommes en desesperation ; et d'autres parolles assez aigres contient lad. lettre; laquelle Icd. sieur duc a envoyée au Roy, son nfaislre, qui n'est pas content de quoy l'Empereur se veult mesler de reprendre ses ministres, et Sa Majesté a mis lad. lettre en son conseil, afin de la bien consulter et y respondre comme il doibt; et sur ce pareillement que led. S' Empereur le prie de rendre aux enfans du comte d'Agamont les biens de leurd. pore. J'ai sceu au demourant. Sire, que ced. S' Roy envoyera le conte de Chinxon vers lad. Majesté de l'Empereur aussitost qu'il aura response de la despesche qu'il luy feit lendemain que la Royne, sa femme, fut morte; mais cecy est secret et ne se peult encore scavoir quel personnage il en-

N«' 150 ET d 54. — 29 OCTOBRE 1568 11

voyera vers Voz Majestez pour se condouloir de la perte de lad. Dame Royne; le bruict commun est que ce sera le prince d'Evolly; neantmoins, il m'a asseuré qu'il n'enscait rien, et que, si cella estoit, que je serois le premier à qui il le diroit. Ce pourroit donc bien estre le marquis d'Aguillar, car il est des grandz et homme portatif et qui a esté desja employé en ung voiagevers le Pape. Ce que je n'^y vouUu faillir de faire entendre à Votre Majesté par le s' de Parizot qui estoit venu avecq le S' de Gragnague et demeuré mallade en ce lieu. Du xxix"* octobre 1568.