A la Royne

Madrid, 29 octobre 1568.

Madame, J'ay visité le prince d'Evoly, le xxiiij"' du présent, afin de scavoir quelque nouvelle de luy quifust digne vous estre escripte. Et parlant de la venue de Mons' de la Trimoille, j'ay veu la choze à propoz pour luy dire qu'on tient à certain en cesle court qu'il va en France, non seuUementpour consoUer Voz Majestez au nom du Roy, son maistrc, mais aussy en intention de traicter aultres grandz négoces, mesme du maryage de Madame, seur du Roy. avec ced. S' Roy, et de l'Infante Anne de Bohême pour le Roy mon seigneur, et la seconde au Roy de Portugal. Il m'a respondu, Madame, que aultres de ses amys siens le luy ont dict comme moy; tant y a qu'il ne scait point encore de debvoir faire led. voyage; et si cela estoit, je serois le premier à qui il le descouvriroit. Aussy ne scauroit il nyer que sond. maistre n'ayt délibéré par toulz les meilleurs moyens à luy possibles de reconfirmer et fortiffier de nouveau l'amytié qui a esté jusques à présent entre Voz Majestés et voz royaulmes, et que c'est son plus grand dezir et soucy ; bien est d'advis led. Ruy Gomes que la plus eagéè des Infantes dud. Empereur viendra mieulx à poinct au plus eagé des deux beaulx frères, et la seconde au plus jeune, et que mad. Dame votre fille soit Royne de Portugal Ce qui me semble m'avoir esté dict par led. Ruy Gomes si froidement que je soubspeçonne qu'il y a aultre dessain; je vculx dire qu'ilzpencent

» Autographe. Bibl. Nat.,ms. fr. 16103, f*» 454.

au pariy de Madame pour Icd. S' Roy, comme j'ay desja dict que le bruit eu est tout commun ; mais îlz le vouldront traicter dignement et dextrement, afin de vous le faire trouver meilleur; et m'a esté encore dict par ung personage qui le scait de bon lieu, que jamais ce Roy ne se remaryera, s'il se remarye, sinon par votre bon advis, congé et conseil. Cela se conforme au dire de la duchesse d'Alve, qui m'en deist, l'aultrejour, aultant. Et j'ay sceu, Madame, que ce cardinal disoit, ces jours passez, à ung des conseilliers du Conseil royal que persone parlicuUiere de ses ministres ny aultre n'avoit ozé parler à Sa Majesté ny entasmcr propoz de reprendre feme. Il est vray que ung nombre des grandz de Castille s'estoyent adventurezdele luy romonstrer par escript en termes generaulx, dezirantz d'avoir ung prince son héritier qui soit espaignol; led. S' leur a respondu de mesme par escript et en termes generaulx, qu'il fera ce qui tournera à l'honeur de Dieu et proffit de son Royaulme. Et de plus a dict le mesme s' cardinal aud. consellier que ced. S' Roy monstre avoir plus d'affection à Madame votre fille que à nulle aultre princesse; lequel propoz m'a confirmé pareillement ung personage principal, n'a pas trois jours, qui dict scavoir de bonne part que le Roy Catholicque empeschera de son povoir que France et Portugal ne facent alliance; et à ces fins, il fera donner la seconde Infante de Bolieme au Roy dud. Portugal, l'aisnée au Roy Très Chrestien, et il demanderaMadame pour soy, car beaucoup de bons respectz le luy persuadent et l'inclination qu'il entend que ses subgectz y ont par dessus tout aultre party. On atend quelle depesche portera le courrier qui fut envoyé à l'Empereur le quatriesmede ced. mois, et là dessus se déterminera quelque choze desd. maryages, ensemble si led. Ruy Gomes ira vers VozMajestez, ou quel aultre de ces seigneurs.

Je n'ay. Madame, voUu faillir de vous advertir des susd. propoz par la présente depesche que j'ay baillée au s' de Parizot, frère du s' de Graignague; et vous supplie très humblement que le s' don Francés d'Alava soit rembourcé des douze mil realz que son home m'a fornys icy suyvant le don qu'il a pieu à Voz Majestez m'en faire pour aydc de coste, et commander, s'il vous plaist. Madame, que mon estât de Narbonne me soit envoyé, car je suis aux emprunlz. Ne voulant oblicr à vous dire, Madame,

ir» 151 ET 152. — 30 octobre 1568 13

que le Roy aura six beaulx chevaulx d'Espaigne que ceste Majesté luy veult donner; lequel présent avoitesté negotié par la feu bonne Royneà ma requeste. Ce sera le baron de Bornazel qui les conduyra, de retour qu'il soit d'Andellozie, d'où je l'atendz de jour en jour avec ^ix chevaulx qu'il a acceptez pour Sad. Majesté.

Madame, je prie Dieu dévotement qu'il vous maintienne et conserve très longues années en parfaicte santé. De Madrid, le xxix"* d'octobre 1568.

Madame, je vous supplie très humblement me pardonner de quoy j'ay prins la hardiesse d'ouvrir votre lettre que je vous renvoyé, car c'a esté pençant qu'il y eust leans choze concernant votre service; et comme tout y est très bon et digne d'estre veu de ceste Majesté, je la luy ay monstrée, qui en a receu la joye et la doleur que j'escriptz à Votre Majesté par mon aultre lettre.

Votre très humble, très obeyssant et très obligé subgect, vassal et serviteur.

FORQUEVAULX.