A la Royne

Madrid, 16 février 1570.

Madame, Je vous ay donné advis du quatriesmedc ce mois par voye de Monsieur le viconte d'Orthe, de ce que j'avois aprins du cousté de Portugal, qu'on voulloit depescher don Jehan Mascareigne en ambassade k Voz Majestez; si mad. depesche sera encore en chemin, ce courrier s'en chargera, pour la rendre plustost. Et ne vous escris point en chiffre pource que les capituUations ne s'y peuvent mectre; et si elles se perdent, mes lettres se pourront bien perdre aussi. Toutesfois si ce courrier vouldra faire ce debvoir, j'espère qu'il ira seurement; et l'eust faict mon secrétaire, au moins sa depesche, s'il m'eust vouUu croire.

L'occasion princîpalle que je puis entendre du retardement du pouvoir de Portugal vient. Madame, de la mauvaise volunté que deux Theatins, frères du gouverneur de la Madère, vous portent et à votre Royaume pour les dommaiges que les François feirent à leurd. frère et à Tisle, quand ils y descendirent. Ce sont deux dangereux hipocrites plus convoiteux de vengence que de la religion qu'ilz professent. L'un d'iceulx est confesseur et l'autre pédagogue du jeune roy et du conseil d'estat, lesquelz le gouvernent paisiblement en la dévotion du cardinal dud. Portugal, qui est ung autre Theatin. Hz ont tous trois extrême jallouzie et crainte d'estre reculiez de leur crédit, si led. S' Roy sera une fois maryé ; et ont peur que Tauthorité et gouvernement du royaume retourne à la royne, son ayeulle, par le moyen de Madame; car les femmes font voluntiers les unes pour les autres, et mesme que lad. vieille royne est la plus riche princesse de chrestienté en joyaulx et bagues, et mad. Dame votre fille aura tout, se gouvernant envers elle comme Son Alteze scaura très bien se faire aymer du mary et de lad. dame Royne. Voyant pareillement que elle sera bien aize et procurera que sad. grand mère gouverne comme la plus sage et expérimentée en affaires d'estat; auquel compte led. cardinal servira seuUement de parade et lesd. Theatins seront renvoyez à leur couvent. Qui est ce que Madame la Princesse de Portugal vouldroit veoir, comme mal satisfaicte d'eulx. L'ambassadeur dud. roy est encore icy atendantson pouvoir de jour en jour, ainsi qu'il m'a dict, et Almede me l'asseure. Mais j'entends que bien qu'il arrive, que le traîcté sera mené en la plus grande longueur que lesd. cardinal etTheatins pourront, afin de régner cependant.

Au regard, Madame, de ce qu'il vous a pieu me commander par une votre lettre du xxx"' de décembre touchant l'entreveue, je n'ay gardé d'y faillir et croy qu'il viendra bien à propoz, car je suis adverty que Sa Majesté Catholique donnera jusques à Barcelonne; il me semble qu'il seroit bon de faire tenir prestes trois ou quatre gallères pour vous en servir en lad. occasion et arriver à l'improviste aud. Barcelonne, si le chemin par terre vous sembloit trop fâcheux. J'ay espérance, Madame, de bien jouer mon personnage; mais n'en parlez pas à don Francés, si vous ne voulez que le Roy Catholique le scache et le duc d'Alve ;

r» 222 ET 223. — 10 MARS 1570 199

lequel je m'asseure ne fauldra pas de luy faire trouver mauvaise lad. entreveue; et Tempeschera comme il feist à Bayonne. Mais j'en parleray à Ruy Gommes ou au cardinal de Siguence en temps et lieu, et m'en laissez faire, s'il vous plaist. Mais il vous plaira, Madame, me mander par quel moyen pourrez vous venir en Catheloigne au mesme tempz que la Royne votre fille entrera en France ; car j'ay opinion qu'il sera quasi en mesme tempz et en lieux si esloignez l'un de l'autre que je ne scay comment vous pourrez entendre et estre aux deux sans perdre l'un pour l'autre.

De Madrid, le xvj"* février 1570.