Au Roy

Madrid, 10 mars 4570.

Sire, Le sieur don Pedro Henriques est arrivé en ce lieuleiiij du présent, et en est party lendemain par la poste, comme il y estoit venu. Il m'est venu voir à mon logis en passant et m'a dict avoir laissé Votre Majesté ny sain ny mallade, ains entre deux, sans toutesfois garder la chambre. Dieu par sa saincte grâce vueille que votre santé soit pieçà reconfirmée aultant en son entier que elle fust oncq; et m'a parlé que Votre Majesté atendoit une antre rezollution de la paix par le retour de Mons' de Biron. Bien, Sire, que je croy qu'il en scavoit plus qu'il ne m'en a voulu discourir, car il le rezervoit pour le Roy, son maistre, vers lequel il s'en est allé le trouver à Cordoue où Sa Majesté Catholique fera la feste en ung couvent de Sainct Jheronime qui est hors lad. ville ; et tantost après Pasques s'en ira h Seville, puis après au port Saincte Marie et à Malga sans passer par Grannade ; et s'est laissée entendre Madame la Princesse de Portugal que led. S' Roy sera en bref de retour à Madrid devant qu'il aille à Valence ny en Aragon. Il faict cependant reblanchir son palaix et y faire quelques réparations neccessaires, en quoy travaillent trois ou quatre cens ouvriers en toute dilligence. Lad. Princesse faict sa demeure en son monastaire des Descalces et n'y a aud. palaix sinon Mesdames les petites Princesses voz niepces et la duchesse dAlve.

Sire, led. don Pedro ne faisoit que de me laisser led. cin-

quiesme de ce mois, quand mon secrétaire est arrivé avec les deux depesches qu'il a pieu à Votre Majesté me faire du xxvij"* de janvier et vij"* du passé, et m'a apporté aussi les deux mil escuz d'extraordinaire, dont Votre Majesté m'a faict don, de laquelle mercy je baize très humblement voz piedz et mains; vous asseurant, Sire, que sans lad. ayde il n'estoit à moy possible de partir de ce lieu; et s'en faillent autres deux mil escuz, que je n'en sortz quicte de mes créditeurs. Touchant à lad. depesche de janvier qui parle de l'indisposition de la Royne, il s'en estoit bien dict quelque chose ; mais comme le Roy, votre frère, est loing, il ne s'en est poinct faict autre grande mention. Dieu soit loue de sa bonne convalescence et la vueille conserver très longuement.

Et quant à l'autre depesche du septiesme de février, le bruict estoit desja et est tout commun que la paix se traictoit, si elle n'estoit faicte; et le mesme S' Roy Catholique s'en doubtoit fort. Il scaura maintenant par led. don Pedro la vérité. Et combien qu'il m'aura gaigné le devant d'un nombre de jours, j'espère neantmoins estre assés à tempz vers Sad. Majesté pour luy représenter les causes qui ont esmeu Votre Majesté à y entendre, et n'en oblieray ung seul mot. Pour ceste raison, je m'en partz d'icy pour me rendre aud. Cordoue le plustost que je pourray à mes journées; car je ne puis par la poste, à cause que je n'ay pas toute la santé ny la vigueur qui me seroit besoin, car la vieillesse ne se peult dissimuler dors en avant, encore que le dezir de servir à Votre Majesté soit aussi verd et affectionné que pouvre subject et serviteur votre le pourroit avoir.

Et suis d'opinion. Sire, que led. S' Roy vouldroit en son cueur avoir paciffié les troubles de Grannade, s'ilpouvoîten sortir avec sa réputation ; car oultre qu'il est contrainct gaigner pied à pied par combat ce qu'il regaigne sur les Mores, il est aussi en grand danger que l'armée turquesque les secoure cest esté, contre l'opinion qu'on avoit que elle ne deubt point sortir, ou si elle sortoit, que cène fust sinon avec cinquante ou soixante gallères; mais il est veneu advis que ce seront cent cinquante. Lesquelz Mores ont perdu Gallere et Ceron, deux places qu'ilz tenoient; mais ilz en ont encore neuf autres bien fortes, et plus d'obstination que jamais; au contraire des gens de pied nouvellement levez qui se sont tellement deshontez que de quarante ou cin-

quantemil qu'on comptoit qu'ilz debvoîent estre, on m'a asseuré qu'ilz n'en sont point allés quinze mil aud. Grannade, mais s'en sont fuys et retirez lâchement sans congé; qui est cause que led. S"" Rov faict faire nouvelle levée en ce rbvaume et le tabourin bat de rechef en cested. ville sans trouver gueres homme qui se vueille enroUer; parquoy ils seront levez de cinq maisons ung homme cogneu et dommicillié suivant l'antienne ordonnance d'Espaigne; et a Sa Majesté mandé en Allemagne pour luy amener ung régiment de lansquenetz; les plus sages de deçà redoubtent qu'il y survienne nouveau trouble par les Mores de Valence si l'armée turquesque y vient, et gardera bien d'entreprendre sur la Barbarie, jaçoit qu'on y eust quelque dessain, ayant AUochaly, roy d'Alger, faict cognoistre qu'il est cault' et vaillant par Texecution qu'il a faicte sur le roy de Thunes, lorsqu'on pensoit que ses forces fussent encores engagées contre les rebelles de Biscere. Lequel roy de Thunes on avoit faict mort il y a quelques mois, ce qu'il n'est pas; ains s'est saulvc dans La Gollete avec deux enfans, et une de ses femmes, luy quarantiesme, à cheval, après avoir perdu la bataille où il avoit six mil chevaulx et six mil hommes de pied contre led. Alochally, qui n'avoit sinon cinq mil hommes de pied turcs et mil chevaulx; suivant laquelle victoire ilz sont entrez pesle mesle dans lad. ville de Thunes et à présent tiennent La GoUette assiégée avec vingt cinq gallères ou galliotes, afln que gens ny vivres n'y entrent; c'est en attendant lad. armée turquesque. Pour lever lequel siège de bonne heure et fournir lad. place de ce qu'il y fault. Sa Majesté Catholique a donné ordre que Jehan André Dorie y aille acompagné de quarante cinq gallères qui chargent cinq cens Espaignols en Lombardie, quinze cens en Naples, et trois mil Italliens; et deux mil cinq cens ou environ trois mil Espaignols qui estoient en Lad. Gollete, ce sera assés pour la défendre contre l'effort turc; si est ce que lad. place a esté agrandie six foix plus que elle ne souloit. Il y aura danger que led. secours ny puisse pas entrer sans combat, si de Conslantinople seront arrivées quelques gallères au secours dud. roy d'Alger, que elles seront comme il est vraysemblable devant que celles de deçà soient prestes.

* Prudent, avisé, rusé.

Au reste, Sire, on dict icy que ung chaoux est passé par Venise avec votre embassadeur de Levant, lequel vous va prier de la part du Turc, son maistre, de raccommoder de vivres et autres chozes, si son armée abordera en voz costes de Provence et Languedoc. Il n'y a faulte de discours sur cela. Et quant à la venue de la nouvelle Royne d'Espaigne, on dict que le prince Rur Gommes rira recevoir à Barcelonne, et que à ces fins Sa Majesté Catholique luy a donné cent mil escuz, moytié payables sur les deux premières flottes qui viendront des Indes ; et le restant en Naples. L'arcevesque de Seville s'embarquera lendemain de Pasques à Barcelonne et le duc de Bejar aussi sur trois gallères de Lornellino, genevois, qui les attendent.

De Madrid, le x"* de mars 1S70.