A la Royne

Madrid, 40 mars 1570. Madame, Ce n'est don Jehan Mascareigne du conseil d'estat du roy de Portugal qui va présentement vers le Roy, mais c'est ung sien nepveu qui s'appelle aussi don Jehan Mascareigne; lequel est arrivé en ceste ville le ij' de ce mois à huict clievaulx de poste. Il a espouzé une fille du gouverneur de la Madère, niepce des deux Theatins qui gouvernent led. roy et son cardinal; le respect de sesd. alliez lui debvroit valloir peu à l'endroit de Voz Majestez, car ilz sont ennemys des François et cause du retardement du mariage ; neantmoins pour l'honneur dud. S' Roy, je m'asseure qu'il plaira bien à Voz Majestez l'avoir agréable. Ced. gentilhomme, Madame, a parlé deux fois à la Princesse de Portugal et est party d'ici le vj"* de ced. mois; il al'allarme qu'on est après pour vous persuader le mariage de Madame, votre fille, avec le filz de l'électeur de Saxe afin de le contenter, puisque le Roy n'espouze sa fille, comme le feu Rhingrave luy en avoit donné intelligence, et par ce moyen fortif fier votre alliance en AUemaigne. Il ne Ta pas moindre qu'on vous supplie, en faisant la paix avec voz subjectz, de donner mad. Dame au prince de Navarre, et se doubte aussi que l'Empereur ne vous la face demander pour le prince don Ridolfe, son fils aisné; car n'y a poinct d'apparence qu'il le vueille garder ces dix ans de marier

pour atendre une de Mesdames les Princesses voz petites filles; de sorte. Madame, qu'il a belle paour d'arriver trop tard en votre court; et croyent l'ambassadeur dud. Portugal, lequel est encores icy, et Almeyde, pour quelques pàroUes qui sont esc^appées aud. don Jehan Mascareigne, qu'il a charge de vous parler dud. mariage, et vous Tasseurer; et que le pouvoir sera tantost envoyé pour le traicter. Mais son maistro veult scavoir si Madame est belle, et vous demander réparation des oultrages que voz subjectz feirent en lad. ysle ^ C'est pareillement afin de donner à cognoistre à Voz Majestez que le Roy d'Espaigne vous a plus promis qu'il ne pouvoit ny avoit esté prié de vous promectre; de sorte, Madame, que je cognois maintenant qu'il ne tient point aud. Roy Catholique ny à lad. Princesse de Portugal, que led. mariage ne se face promptement, ains la faulte vient desd. cardinal et Theatins qui en veuUent avoir l'honneur et le gré, afin de gouverner tousjours auprès de leur roy. J'en ay parlé franchement à lad. Dame, led. vj"' estant allé prendre congé d'elle; laquelle m'a dict et asseuré que ced. S' Roy son frère et elle ont la meilleure volunté du monde et dezirent très grandement que le mariage se face et acomplisse sans dillation, car ilz voyent bien qu'il n'y a party si digne ne si convenable en toutes sortes pour le roy son filz. Toutesfois l'escuze qu'on leur donne à toutz deux et à don Juhan de Borje, ambassadeur de ceste Majesté, est que tout le conseil dud. roy de Portugal n'a encores peu estre assemblé tant à cause de la peste qui est grande que pour le voiage que le roy a faict nagueres vers la royne son ayeuUe, car les sieurs de son conseil eurent congé d'aller faire caresme prennant chez eulx, et ne sont encore de retour. Elle pence aussi que lesd. Theatins y vont froidement; mais que je vous asseure, Madame, qu'il se fera et que le pouvoir sera en bref envoyé pour le traicter. L'ambassadeur dud. Portugal, lequel doibt partir demain après moy pour Cordoue, ne s'espargne point à remonstrer ce qu'il doibt, et sa femme et fille, qui tiennent Maâame pour leur Royne et maistresse, n'oblient rien à dire à lad. Princesse ny àl'escrire aud. Portugal; et Almeyde n'en dort ny repoze jour ne nuict, ains s'y employé le

* Madère.

mieulx qu'il scait, car luy et lesd. mary, femme et fille espèrent tout bonheur et avancement par ce mariage; et lad. Dame Princesse a faict partir une sienne depesche aud. roy, son filz, le vij"' de ce mois, en laquelle elle parle bien à luy, et aud. cardinal; et leur représente le danger où ilz sont de faillir aud. party, car elle est advertie qu'on vous presse de marier mad. Dame votre fille ailleurs, qui seroit, à son opinion, ung très grand mal pour la chrestienté et en particulier pour led. Portugal. C'est, Madame, sur le propoz desd. allarmes que led. Almeyde luy a donné et d'un advis que Domingo Leiton, agent de l'Infante de Portugal, lequel est à Bourdeaulx, a escript du vingt cinquiesme de février aud. ambassadeur, pour en advertir le roy son maistre et le Roy Catholique, c'est à scavoir que la royne de Navarre a signé les articles de la paix que Voz Majestez lui avoient envoyez; et aultant en ont faict les princes de Navarre et de Condé ; mais il y a davantage que à La Rochelle arment douze grandz navires pour les Huguenotz et six en Bretaigne pour le Roy,lesquelz ilz soubspeçonnent soient pour endommaiger les Portugallois ; parquoy ils feront poursaiges aud. Portugal de vous gaigner le plustost qu'il leur sera possible. Et sur ce faict. Madame, il vous fauldroit faire tenir l'oeil aud. Leiton, lequel ne laisse passer nouvelle qu'il n'escrive par deçà et ung Salvador, marchant, aussi portugallois, qui sert à lad. dame Infante de soliciteur * à Paris ; car toutz deux se correspondent l'un à l'autre, et ne se faict ou dict choze en votre court ny es principaulx portz de mer de votre Royaume qu'ilz n'escrivent par deçà et aud. Portugal. Et ne fault doubter qu'ilz n'ayent aud. Portugal grand crainte que vos subjectz et les Anglois aillent au devant de leur flotte qui doibt venir des Indes, ce juin ou juillet ou pour le plus tard en septembre; laquelle est très riche, car il y a deux ans qu'il n'en est rien venu, et tout vient astheurcy en une fois. Je croy que les Espaignols ne craindront pas moins de la leur du Peru, qui vient chargée de quelques millions d'or. Aussi discourent icy que lesd. six navires de Sa Majesté pburroient par adventure aller descouvrir les terres promises par Barthélémy Veglio et sont desja en soubspeçon d'un gentilhomme parent de Monsei-

^ Procureur.

N» 224. — 10 MARS i570 205

gneur le conte de Rais descendu par mer à Laredo avec don Pedro Henriques, dizant qu'il va en Portugal demander la croix de Christ, que ce pourroit bien aussitost estre pour avoir l'oeil à ce qu'on faict à Lisbonne et entendre quand lad. flotte doibt venir, ny quelle excorthe luy aller au devant; car je vous deis. Madame, qu'ilz se deffient de toutes nations et doubtent en toutes choses. Mais quoy qu'ilz soubspeçonnent, je pense qu'il soroit bien employé que led. Portugal eust une bonne et chaulde allarme et pour le moins de la sorte que j'ay remonstré à Votre Majesté par mes lettres du quatriesme et seiziesrae de février touchant les lettres de marque et prohibition de tirer bleds de Bretaigne, afin que le peuple de Portugal se mutine contre lesd. Theatins.

Ne vouUant faillir. Madame, de baizer pieds et mains très humblement à Votre Majesté pour les deux mil escuz qu'il vous a pieu me faire donner; ils m'ont aydé à tenir en allaine mes créditeurs de Madrid et m'en veis présentement acheminer vers Cordoue pour satisfaire au commandement du Roy et votre pour le regard de la paix; de laquelle je ne vous diray aultre chose, sinon. Madame, que ma passion est le zelle de votre service et d'ayraer ce que Voz Majestez ayment et de haïr semblablement ce qui vous est odieux. Au reste. Madame, les petites Princesses sont en bonne santé; l'aisnée est toute guérie, excepté d'une petite rogeur qui luy est demeurée au visage, qui s'en va peu à peu ; mais il ne luy paroist point, car on la garde de se gratter. Chassincourt est sa femme; laquelle y a prins grand peine et n'estoit pas sans estre tencée de lad. Infante, pour ce qu'elle luy defendoit le gratter. Geste depesche va par ung homme à quinze lieues par jour jusques à Rayonne. Led. Mascareigne chemine tout bellement vers Bilbau pour s'embarquer si la paix n'est faicte ; mais si elle le sera, il entrera par led. Rayonne et va ainsi bellement en attendant ung courrier qui luy doibt apporter ung passeport de Sa Majesté Catholique pour sortir de ce royaume avec son argent et bardes.

Madame, le sieur Almeyde discourt à Monseigneur le cardinal de Guise ce qui passe sur le faict de Portugal et Votre Majesté le peult croire; car il escript la pure vérité, comme je vous asseure aussi qu'il faict son loyal debvoir de servir Voz Majestez en ce négoce fort fidellement et ne s'y espargne point.

Madame, don Jehan Mascareigne a descouvert à la Princesse de Portugal que sa principalle commission est, quand il sera en France, de s'informer et scavoir au vray si Madame votre fille est bonne catholique et dévote de la religion suivant Teglise de Rome, et qu'il ne faille pas d'observer ses actions là dessus du plus près qu'il pourra, car ainsi le luy ont dict et commandé le cardinal dud. Portugal et les Theatins; Votre Majesté, s'il luy plaist, fera prendre garde sur les personnes qui le fréquenteront qu'ilz ne soient gens pour faire mauvais office, pource que peu de chozes pourroit scandallizer lesd. hipocrites. Lad. princesse s'en est descouverte encore ce jour présent à la femme de l'ambassadeur dud. Portugal, de laquelle Almeyde l'a sceu, qui me l'a dit après soubs promesse que je vous supplierois ne le desceller point; ce que je faiz, Madame, le plus humblement que puis.

De Madrid, le x"« de mars 1570.