A la Royne
Cordoue, 3 avril 4570.
Madame, Tout ce que j'ay peu faire après estre party de Madrid le onze de mars a esté de me rendre en treize jours en ceste ville de Cordoue, où j'avois grande espérance de trouver quelque depesche de Voz Majestez, pour me mander l'arrivée du sieur Jheronimo Gondy; mais il n'y a eu rien pour moy, sinon d'avoir sceu par le secrétaire Cayes que don Francés d'Alava a escript au Roy son maistre que led. sieur Gondy estoit arrivé vers Voz Majestez; dont je suis esté bien fort aize, de la peur que j'avois que luy et sa depesche se fussent perduz; et suis en pensement de mon courrier qui vous apportoit la conclusion du mariage signée et d'autres deux depesches du quatriesme de février et dixiesme de mars, que j'ay adrecées par messagers à pied à quinze lieues par jour àMonsMe visconted'OrtheàBayonne, et mesme de cested. dernière de mars, par laquelle je vous donnois adviz. Madame, que don Jehan Mascareigne estoit envoyé par le roy de Portugal vers Voz Majestez principallemeht pour scavoir si elle ' est bonne cathoHque; lequel Mascareigne partist le sixiesme dud. mois passé de Madrid; et croy que led. cavaillero
' La Princesse Marguerite.
soît pieçà arrivé en votre court; et touchant à ceste lettre, Madame, je la baille à ung courrier nommé Bauldouin, qui va vers led. don Francez et au duc d'Alve, et m'a promis la donner seurement à Votre Majesté, qui entendra par icelle comme don Alvaro de Castro du conseil d'estat du roy de Portugal est arrivé en ceste ville le xxx"' dud. mars, et don Jehan de Borje, ambassadeur résidant du Roy Catholique aud. Portugal, Test venu accompaigner; laquelle venue des deux ne poult estre sans grande occasion. Si est ce qu'ilz n'ont point encore veu Sa Majesté Catholique ny moy aussi, car il est au monastaire de Sainct Jheronimo dès devant Pasques et toutz les ambassadeurs et negotiantz sont remiz à son retour, lequel monastaire est deux lieues loing d'icy. Ils peuvent bien estre venuz pour rendre compte à Sa Majesté sur quelle occasion don Jehan Mascareigne est allé en France sans le luy faire scavoir, car j'entendz qu'il a trouvé bien fort mauvais que ledit, roy de Portugal ne [le] luy ayt communiqué plustost. Ce pourroit bien estre pareillement pour traicter de la guerre, qu'ilz soubspeçonnent que le Roy veuU faire par mer, puisqu'il faict esquipper des navires, car je vous ay escript. Madame, que Domingo Leyton sert d'espion à Bourdeaulx et Salvador, marchant en Paris, toutz deux agentz de l'Infante de Portugal; lesquelz ne laissent passer nouvelle ny chose qui se dye ou face en votre Royaume sans en donner advis par deçà et aud. Portugal; et me doubte que ceulx qui doibvent naviguer sur lesd. navires auront dict plus qu'ilz ne scavent; parquoy le soubspeçon seracreu; et de tant plus qu'ilz ont la paix pour grandement suspecte, si paix se peult dire ce que les ennemys ont faict es environs de Tholose et en votre conté de Lauragois, où ils ont très maltraictés vos petitz vassaux et moy pour ung; et ce qu'ils continuent de faire en Languedoc ne sent point sa paix, ains la rage et inhumanité des Gots du temps jadis.
Au reste, Madame je ne feray faulte de représenter à Sa Majesté Catholique en mon audience le contenu de la letre du Roy dud. vij"* de février, les raisons qui l'ont contrainct d'accorder la paix auxd. ennemys, laquelle ne fault espérer que ced. S*^ Roy puisse trouver à son goust; et le plustost que je pourray je depescheray un des miens vers Voz Majestez leur rendre compte de ce qui sera passé.
L'arcevesque de Seville et le duc de Bejar sont esté mandés de surceoîr leur voyage pour quelques jours, en attendant qu'on voyequel est le dessain de Tarniée turquesque; et se faict bruict que la nouvelle Royné d'Espaigne pourra venir par la mer de ponent, si lesd. Turcs viennent en la Méditerranée. Au regard des Mores de Grânnade, le s' don Jehan d'Austrie leur tua cinq cens hommes le vingt trois dudit mois comme ils s'enfuyoient de nuict d'un lieu appelle Tijola, après avoir atendu une furieuze baterie et pris lad. place et luy en abandonnèrent le mesme jour une autre, laquelle a nom Porcena; d'autre part le duc de Sesse leur a tué de sept ou huict cens hommes, de sorte qu'ilz s'en vont vaincuz et sont à la fain.
Au demeurant, Madame, Ton parle d'aller à Seville Tung de ces jours, et de retourner tantost après à Madrid devant les grandes chaleurs; mais ilz ont heu Tallarme du costé de Perpignen, à cause que quelques trouppes des ennemys qui sont en Languedoc ont saccagé deux ou trois villages de là auprès, et Sa Majesté Catholique faisoit tenir desja preste toute Espaigne, craignant d'avoir la guerre à bon escient ; et tout homme est mandé se tenir prest soit pour cela ou bien qu'ilz ont possible autre advis; tant y a qu'il est venu advis que lesd. ennemys s'en sont retournés aud. Languedoc, de quoy on n'est pas icy fort mal content.
De Cordoua, le iij"' d'avril 1570.
