Au Roy

Cordoue, 20 avril 1570.

Sire, Au bout de quatorze jours que je fuz arrivé en caste ville, j'cuz audience du Roy Catholique, scavoir est le vj"" du présent; en laquelle il a entendu par moy les occasions et raisons qui ont esmeu ou contraint Votre Majesté d'accorder la paix, que je me suis estudié de luy représenter du moins mal que j'ay sceu; c'est ung propoz duquel il avoit bien esté adverty, car il n'a pas faulte de bons advis du cousté de France; et desja ne se parloit d'autre choze en ceste court, pourcc que don Pedro Henriques en estoit venu.

Led. S' Roy, Sire, me demanda s'il estoit possible que M" les

cardinaulx de Bourbon, de Lorrhaine et Guise vous eussent conseillé la paix. Je luy respondiz que mesd. s" les cardinaulx en estoient d'opinion, et generallement toutz les autres princes et seigneurs vos plus affectionnez serviteurs, sans en excepter ung; et trouvoit estrange que voz subjectz catholiques entreprinssent de s'associer et monopoUer, et d'estre venuz si froidz à voz mandementz et service; qu'il estoit bien desplaisant du travail que voz mauvais subjectz vous donnent aultant que des siens propres, en spécial de vous avoir contrainct et induict à lad. paix, de laquelle il voulust bien entendre les articles ; desquels il n'en y a ung seul qui luy semble bon, puisqu'il y aura exercice de religion contraire à la catholicque en votre Royaume. Toutesfois parce qu'il estoit adverty que lesd. rebelles ne voulloient accepter lesd. articles, il croyoit que c'estoit la volunté de Dieu d'empescher que lad. paix ne se face point; parquoy estant les choses en ces termes, il ne pouvoit me respondre entièrement ce que luy en semble, jusques à veoir si elle sortira effect ou non; mais en cas que vous soyez persévérant à vouUoir deffaire lesd. rebelles et les réduire en l'antienne religion catholique et roumaine jusques au bout, il n'y espagnera chose qui soit en sa puissance pour vous assister. Je luy remonstriz que ce qui n'a peu estre faict par armes se pourra remédier par lad. paix, tant par votre bon exemple que autres bons moyens et expedientz, dont Votre Majesté scaura bien uzer; et luy en representiz quelques ungz, lesquels luy semblent de si longue atente et de si foible espérance qu'ilz ne suffiront pour en réduire dix d'iceulx desvoyez en dix ans, et la liberté des conciences qui leur est promise appelle et convye toute la France, si Dieu n'y met sa puissante main, à demourer sans aucune religion. A occasion de quoy pourront naistre de grandz et dangereux inconvenientz en votre Royaume et en la chrestienté.

Et par ce que je luy remonstriz. Sire, que si les quatre mil Espaignols fussent passez de bonne heure à votre secours, les affaires eussent prins meilleur chemin qu'ils n'ont faict, il s'en descharge sur ce que jamais l'escorthe n'est venue à trente lieues prez de Rayonne pour les recevoir, ainsi que Sa Majesté dict scavoir au vray; lequel temporisement de plusieurs mois luy a cousté de bon argent et d'avoir faict men-

ger les vivres de sa frontière, qui est ung païs assez disteux.

Au regard du mariage de Portugal, duquel je luy parlis dizant puisque don Alvaro de Castro estoit venu vers luy, lequel est du conseil d'estat du roy de Portugal, j'avois opinion qu'il auroit apporté le pouvoir de traicter led. mariage, ced. S' Roy me va respondre qu'il ne Tavoit poinct encore veu, mais ce seroit dens ung ou deux jours après; et sceu qu'il eust ce que led. de Castro avoit charge de luy en faire entendre, il m'en advertiroit, m'asseurant qu'il n'avoit rien obmis ny oblié à faire et dire sur ce faict ny obmectroit à faire et remonstrer pourledezir qu'il a que Voz Majestez demeurent satisfaictes. Il y eust, Sire, assez d'autres paroUes dites entre Sa Majesté et moy ; mais celles là sont plus substantielles ; et ainsi me retiray de lad. audience.

De Cordoue, le xx°"^ d'avril 1570.

Sire, Je suis infiniment marry de quoy le mariage de Madame votre soeur est mis en longueur sans fin; car Dieu scait si je me fusse réputé heureux de vous y pouvoir faire le service que je suis tenu. Mais veu qu'il ne s'en tournera parler de longtempzj il plaira à Votre Majesté me donner congé.

227— A la Royne».

Cordoue, 20 avril 4570.

Madame, Ung courrier du Roy Catholicque nommé Baudoyn partist d'icy le cinquiesme du présent par Bayonne avec une depesche à don Francés d'Alava et autre au duc d'Alve. Il se chargea d'une mienne lettre de ma main pour Votre Majesté du troisiesme de ced. mois, contenant ce que j'avois apris de nouveau; et fuz le vj™' à l'audience. Il me [sembla veoir led. S' Roy plus pasle et deffaict en son \dsage qu'il n'estoit à son partement de Madrid. C'est que l'air de Cordoua ne luy est pas sain, comme il me deist, et qu'il avoit esté vexé quelques jours de tourtions de ventre comme de collicque; mais de s'estre tenu ung peu aux champz l'avoit guery. Après ce propoz. Madame, et l'avoir entretenu ung peu de Mesdames les Infantes et de mon

• Original. Bibl. Nat., ms. fr. 4«103, f° 600.

N« 227. — 20 AVRIL 1570 21i

volage de Madrid icy, car il s'informa de toutes cesparticullaritez,

et ce qu'il me sembloit du païs, je luy feiz les recommandations

du Roy et vostres, et luy donnant la lettre de votre main que

j'avois receu par la depesche du vij"' de février, je l'asseuriz de

la santé de Voz Majestez pour l'avoir lors entendu par deux

lettres que je venois de recevoir du s' Jheronimo Gondy dattées

à Angers le xxvj dud. février et troisiesme de mars. Led. S' Roy

raonstra d'estre aize de telle nouvelle, pource que don Pedro

Henricques avoit laissé le Roy aucunement mal disposé. Puis,

Madame, je luy discoruz le contenu de la lettre du Roy dud.

vij""' février, touchant la paix, ainsi que j'escriptz présentement

. à Sa Majesté ; et suis certain de n'avoir failly à remonstrer une

seule des raisons portées par lad. lettre, qui peult servir à luy

faire trouver bonne lad. paix. Neantmoins le plus éloquent

advocat de Paris fauldroit à la luy faire trouver bonne, ains la

condemne comme très pernitieuze.

Madame, le s' de Tregoyn est arrivé en ceste ville le vij"' de ce mois avec la depesche qu'il a pieu à Voz Majestez me faire du X et xiij"" de mars; suivant lesquelles j'ay faict partir led. Tregoyn le dixiesme du présent pour la court de Portugal à ses journées accompaigné de lettres de recommandation de l'ambassadeur dud. Portugal icy résident, comme estant led. Tregoyn à moy afin d'obtenir passeport du roy dud. Portugal en ma faveur, qui suis assigné de douze cens escuz sur ung marchand françois estant à présent à Lisbone ; au moyen de laquelle couverte, qui est la meilleur[e] dont j'ay sceu m'adviser, led. Tregoyn verra led. roy et parlera, ce croy je, à luy afin de vous en scavoir faire vray rapport; lequel est allé à Salvatierra dix lieues dud. Lisbone passer son tempz pour luy faire faire exercice, car il est fort gras selon son eage n'estant entré que au dix septiesme an depuis le vingtiesme de janvier. Quant à ce. Madame, qu'il vous a pieu me défendre de parler de l'entreveue, ne vous en donnez aucun soucy, car j'ay opinion qu'il y auroit bien affaire que led. roy Catholicque y voulust entendre et jamais luy ny personne de sa part ne m'en feist mention. Au demourant. Madame, ung Glaude Capeu et IzouardCapeu, frères, natifz de Nice, furent en ceste court, il y a deux ans, et donnèrent si bien entendre qu'ilz avoient intelligence dens Marseille durant la

guerre avec certains habitans de rendre la ville, et entre autres ilz nommoient Andrieu Verceil et Jacques Reboil, bons marchans dud. Marsefille, et autres gens de bien et fidelles subjectz, que sur ceste tromperie iceulx Capeux eurent cinq cens escuz en don de ced. Roy. Je suis adverty qu'ilz sont à présent en votre court. Il seroit bien faict d'observer leurs actions, car ilz sont deux mauvais garnimentz.

Madame, je prie Dieu qu'il vous vueille maintenir et conserver très longues années en très acomplie santé et félicité. De Cordoua, le xx™* jour d'avril 1570.

Vostre très humble, très obeyssant et très obligé subject, vassal et serviteur.

FORQUEVAULX.