Au Roy

Cordoue, avril d570.

Sire, Despuis ma lettre du vingtiesme et attendant celles du Roy Catholique, est arrivé don Loys de Torres, ambassadeur du Pape, à huict chevaulx de poste. Il fut hier baizer la main à ce Roy. Je mectray peine de scavoir ce qu'il aura negotié, afin d'en donner advis à Votre Majesté par le sieur de Tregoyn; maisicelluy Torres passera en Portugal après avoir traicté icy la ligue. Sa Saincteté eust bien faict de luy donner charge de poulcer au mariage de Madame votre soeur, quand il sera aud. Portugal; etmeritentles deux Theatins qui gouvernent le roy leur seigneur d'estre appeliez à Rome pour rendre compte dud. gouvernement, car ce sont ils qui empeschent led. mariage sur touz autres, estant trop manifeste que led. royaume d'une voix vouldroit qu'il fust desja consommé tant pour en avoir bientost lignée que pour l'alliance; et qu'il ne consentira point que led. roy attende les neuf ou dix ans à prendre femme comme il fauldroit qu'il feists'il pretendoit h une des petites Infantes. Ou si le mal vient de ce cousté, c'est en haine de la paix, de poeur que la guerre saulte sur sesPaïs Bas, ou en Navarre, car de la trouver bonne ny agréable, cella ne peult estre; mesme il me souvient. Sire, quand l'autre fut faicte, que le Roy Catholique me deist franchement que j'advisasse Voz Majestez qu'il luy estoit intoUerable d'endurer

KO 228. AVRIL io70 213

exercice de contraire religion à la catholique et roumaine au milieu de ses estats. C'estoit du vivant de la feu Royne, votre soeur, qui scavoit paciffier les altérations, quand il en survenoit entre Voz Majestez ; c'estoit aussi devant le passage du duc d'Alve en Flandres, duquel ne vous fault espérer aucun bon office; et encore ne s'estoient voz subjecls d'une et d'autre religion sy fort deshontez, comme en ces derniers troubles, qui sont moyens pour convyer vos mauvais voisins à travailler votre Royaume, s'ils estoient de loizir, et avec petite volunté qu'ils en eussent. Cecy toutesfois, Sire, n'est que par manière de discours.

Sire, il est tempz qu'il plaize h Votre Majesté me permectre de vous aller faire la révérence et de faire une vizite à mon mesnage, après quatre ans et huict mois qu'il y a que je vous ay servy d'ambassadeur ; ce que je vous supplie très humblement; et par mcsme moyen je baizeray piedz et mains à Votre Majesté, de quoy il vous a pieu. Sire, avoir agréable ce qui a esté conclud en vôtre mariage, qui est le plus grand heur et honneur qui me pourroit advenir; me confiant aussi que le fruict de nies ans employez au service de votre couronne surmontera mes mérites de beaucoup, puisqu'il vous a pieu m'en asseurer par maintes lettres devant que m'envoyer en Espaîgne, et despuis m'y avoir envoyé, comme pareillement me l'escrire et promectre de meilleure encre par voz lettres du dernier de février, x et xiij"' de mars ; lequel congé. Sire, j'atendray dévotement par la première depesche de Votre Majesté, en response de la présente; et pour l'honneur de Dieu, ne m'en dictes pas de non; car le service que je vous ferois puis après seroit à regret et ne pourroit estre à votre contentement; bien vous plaira escrire au Roy, votre frère, l'occasion de mond. congé, afin qu'il le prenne en bonne part.

Ne voulant oblier de dire à Votre Majesté que autre occasion principedle de la remyse et prolongation des cours à Madrid au quinziesme de juin est à cause que Sa Majesté Catholique voulpit par leur consentement impozer demy real sur chacune hanegue de bled qui se mangera dors en avant, laquelle imposition monteroit aultant de six reaulx pour aultant de personnes qu'il y a en Espaigne, comptant que le plus sobre ne menge pas moins de douze hanegues de bled par an; laquelle somme doubleroit

le revenu de tout le royaume; et n'y a pas faulte de Gennevois qui offrent grandz deniers là dessus; mais lesd. cours n'y veullent consentir; parquoy on les fera trayner jusques aud. Madrid, espérant les attirer et gaigner par ennuy et longueur à faulte d'autre bon moyen.

Il y a vingt jours ou environ que cinq gallères espaignoUes estoient allées à Malgua pour charger munitions; une bourrasque survint qui meist les deux à travers sans perte des hommes; les autres trois se sauvèrent à grande difficulté. Il y a encore vingt trois gallères en lad. coste qui ne bougeront, car celles d'Itallie mèneront la Royne à leur aize et sans danger de rencontre, puisque les Turcs s'adrecent à l'isle de Chipre contre les Vénitiens ; et m'a asseuré ung soldat qui est party le dix septiesme de ce mois du camp de don Jehan d'Austrie d'auprès d'Almerje qu'il a huîct mil homes sans ceulx qu'il a establiz aux garnisons des lieux que les Mores ont pcrduzen gros nombre. Lesquelz Mores se meurent de fain; le duc de Sesse est en autre endroit accompaigné d'autres huict mil hommes. Cela neantmoins ne suffist pour deffaire lesd. Mores, à cause qu'ilz ne s'arrestent poinct en ung lieu pour faire teste ; et pour ce l'on faict gens davantage, afin d'entrer sur eulx de front et les chasser comme bestes. C'est le seul remède par lequel il y a espérance de les avoir. En ces entrefaictes ilz donnent beaucoup d'ennuy ausd. campz par alarmes et ambuscades, leur rompent aucunes fois les vivres, et leur tuent des hommes; tant y a que leur résistance ne peull durer.