Au Roy

Cordoue^ 22 avril 4570.

Sire, J'avois esté à l'audience du Roy Catholique le vj' de ce mois, et lendemain est arrivé le s' de Tregoyn avec la depesche qu'il a pieu à Votre Majesté me faire du xj"" et xiij"" de mars, qui m'a donné nouvel argument d'escrire ung billet aud. S' Roy, l'advertissant de votre santé, et pour luy rementevoir led. mariage bien au vif. Sa Majesté m'envoya le secrétaire Cayes le xj""^ me dire que je luy laissasse faire; car il traictoit ce négoce avec don Alvaro de Castro, et achevé qu'il auroit, il me feroit

scavoir ou m'appelleroît pour me dire ce qu'il auroit negotié et rezoUu, afin que j'en donnasse advis h Votre Majesté; et il en escriroit à la Royne. Autre fois depuis je luy ay représenté lepropozde Portugal par autre mien billet, lexiij"' de ced. mois, sur l'occasion qui s'est offerte d'une lettre qu'il a pieu à Votre Majesté m'escrire du dernier de février, qui m'a esté donnée led. jour; et led. S' Roy m'a renvoyé lendemain dire par Cayes qu'il n'avoit encore achevé de scavoir la conclusion dud. négoce, dont il me rezouldroit dons trois jours. C'estoit, Sire, qu'il atendoît ung courrier de Portugal comme j'ai sceu. Advenu puis après, Sire, le xix"* de ced. mois, sur la nuict, le cardinal de Siguence m'a envoyé prier d'aller entendre de luy ce que le Roy son maistre l'avoit chargé me respondre touchant le mariage de Portugal; à quoy je n'ay vouUu faillir; il estoit acompaigné dud. Cayes et m'a uzé de magniffiques paroUes, agrandissant le bon vouUoir que le Roy Catholique avoit monstre en votre mariage et en celluy de Madame, me dizant de bouche le contenu de l'escript en espaignol que j'envoye à Votre Majesté et sa traduction en françois. J'ay remercié lesd. Roy et cardinal de ce que au moins après tant de mois passés en expectation de veoir arriver le pouvoir dud. Portugal, ilz vous avoient finablement destrompé; qu'il failloit bien croire que à Madame ne manqueroit mary dans le Royaume de France ny dehors et faisoient les Portugallois en hommes de bonne conscience de ne vouUoir abuser une princesse si acomplie et de sy haulte maison, comme ilz feroient de luy donner ung mary qu'on estime impotent pour engendrer et qui a plusieurs deffaultz en son corpz et en son esprit, s'il est vray ce que gens qui s'y entendent et l'ont veu, nous en ont rapporté. Au reste que le temps descouvriroit tout; toutesfois puisqu'ils laissent par Tescript dud. S' Roy Catholique ne scay quelle espérance de l'advenir, disant qu'ils n'ont poinct de haste l'ung ny l'autre de se marier, il me sembloit qu'il eust esté bon de passer oultre sur led. traicté, et neantmoings limiter le tempz de la consommation, dens lequel led. petit roy peult sembler apte àfairenopces. Led. cardinal m'a respondu que cella seroit très long et tardif et que sond. maistre n'auroit peu arracher du conseil dud. Portugal autre rezoUution de l'advenir. Sur cela je luy deiz que je depescherois promptement vers Votre Majesté;

parquoy, s'il plairoit aud. S' Roy Catholique vous escrire et à la Royne, mon courrier attendroit ung ou deux jours pour prendre ses lettres. Led. s' cardinal et Caves me deirent qu'il vous escriroit, qui a esté cause que j'ay retenu ma depesche jusques à présent.

Sire, le duc de Savoye, selon que je suis adverty, faîct traicter envers led. S'Roy d'Espaigne par don George Manrrîques qu'il a envoyé despuis peu de tcmpz à ceste court, qu'il vueille luy restituer ses villes de Piémont et moyeoner que Votre Majesté fasse le semblable de celles que vous luy tennez; et vouldroit entreprendre sur Genève, car les Suisses luy ont promis ne Tempescher, pourveu qu'il ne touche à l'exercice de la religion des habitans de lad. ville, comme led. duc leur a promis. Neantmoins ced. S' Roy le lui dissuade et trouve mauvais qu'il face lad. enlreprinse; lequel S' Roy faict descendre quatre régiments de lansquenetz en Lombardic ; et si la guerre de Grannade avoit heureuze fin, il feroit passer douze mil Espaignols en Rallie et pour le moins il y en envoyera quatre mil cest esté. Il reste à veoir quelles autres provisions il fera pour entrer en la ligue, ne s'il lairra Tunes pour perdu. On parle semblablement de lever huict mil Italliens; et scaiche Votre Majesté que toute la noblesse d'Espaigne est mandée se tenir preste d'armes et chevaulx pour aller en Grannade ou à Perpignen ou la part qu'il sera besoing, de quelque heure qu'ilz seront mandés, ainsi qu'il appert par le double de la, crye qui s'est publiée en Cordoue le xiiij"* de ce mois.

De Cordoue, le xxij avril 1570.