A la Royne

Cordoue, 25 avril 1570.

Madame, J'ay debatu à froid sang et sans coUere avec le secrétaire Cayes, le xxiij du présent, sur la maisgre responce que le Roy son maistre m'a faict faire par le cardinal de Siguence pour l'envoyer à Voz Majestez, que ce n'est pas l'espérance entretenue tant de mois par promesses et donner entendre de Sa Majesté et

' Autographe. Bibl. Nat., ms. fr. 16103, f"602.

de Madame la Princesse, Led. Cayes, Madame, faict profession d'home de conscience; et m'a faict grands jurementz que led. S' Roy est affectionné à Madame votre fdle, comme si elle l'estoit sienne propre, et qu'il a faict offlces dont je serois esmerveillé envers le roy de Portugal et son conseil, commme s'il fust père et frère de mad. Dame; s'est courroussé à eulx, leur ayant bravé pour le tort que luy est faict et à sa paroUe; et en a dict son advîs à don Alvaro de Castro, qui est le cavallero dud. conseil qu'ilz ont envoyé pour faire leurs escuses. Et a led. S' Roy escript à la Princesse à Madrid despuis lad. responce, que elle luy face tant de mercy et de plaizir de prendre ce négoce vifvement pour le remontrer aud. don Alvaro; lequel est party d'icy pour aller vers elle le xxij de ced. mois, et luy en parle avec paroUes si efficasses et l'escrive de tel encre à sond. filz qu'ils cognoisseut toutzque led. S' Roy et elle se tiennent offencez de ce que led. maryage va en dillation ; car c'est le bien de son fdz et de son royaulme qu'il s'acomplisse bientost, et grand moyen de paix perpétuelle pour la chrestienté; et s'il y a danger de sa santé et vie comme ilz allèguent, il y a remède et moyen partout. Ainsy, Madame, led. Cayes m'a raconté assès de chozes de la bonne volunté de sond. maistre et de la parfaicte amytié qu'il porte à Voz Majestés. Mais il ne vouldroit point oyr que la paix se feist avec voz rebelles pour maintes raisons qu'il vous a escriptes et faict entendre plusieurs fois. Estantz demeurez d'accord led. Cayes et moy qu'il sera bon que Sa Majesté Catholicque face que le roy son nepveu parle clairement et son conseil, afin de limyter et constituer terme et jour soit d'icy à ung ou deux ans, dens lequel led. maryage se doibve consommer, et à ces fins donner asseurance et mectre peine pour qui s'en desdira. J'espère, Madame, de parler aud. S' Roy tantost après son arrivée aud. Seville pour la délivrance de certains François detenuz es prisons de la ville; par laquelle audience, je ne feray faulte de l'en solliciter et sentir ce qu'il a sur lecueur. Ne vous laissez donc gaigner par prières d'home du monde qui vueille vous destourner dud. maryage, car je mourray en la poursuyte ou Madame sera royne de Portugal, pourveu qu'il ne manque pas Voz Majestés; dont j'ay opinion de vous apporter bonnes nouvelles, s'il vous plaira, Madame, de m'envoyer mon congé par ce mien home

Lasalle. Et si lorsque jeFauray, il se présentera quelque ocasion de différer mon partement, je prefereray votre service à mon affection et dezir, afin de ne laisser imparfaict ce qui se pourra achever dans brefz jours. Lequel mien voyage sera bien à propoz pour estre myeulx instruict de la volunté du Roy sur le traicté et articles dud. maryage, afin que je n'y face erreur quand il se traictera si aultre plus suffizant que moy n'en aura la charge, qui seroit bien le meilleur pour votre service, car je ne feray dores en avant que refver; aussy auray je soixante deux ans completz le jour de la S' Michel de septembre.

Madame, j'auray fort grand plaisir que le s' de Tregoin vous puisse rapporter bonne nouvelle de ce qu'il est allé scavoir en Portugal. Mais le secrétaire de Venize m'aasseuré que led. jeune rov estoit, il y aura deux ans ce mois de may qu'il le veist à Lisbone, un g très bel enfant, blanc de visage et blond comme fil d'or; il a remarqué la haulteur qu'il avoit lors à ce porteur, et il fault croire qu'il est creu despuis de quelque choze ; bien sembla estre ung peu bien gras aud. gentilhome pour l'eage; et pour y remédier luy faisoit le cardinal son oncle faire excercisse pour l'amaisgrir. Au surplus, Madame, c'est la bonté de mad. Dame d'accorder aux importuns les estatz qu'ilz luy demandent en son hostel pour lors que elle seraroyne dud. Portugal; mais ilzs'en trouveront bien deceuz: car si ce n'est pour cuysiniersou aultres vilz offices, ny les femes si ce n'est quelque fille de chambre, il ne demeurera liome ny feme en son service d'aultre nation que dud. Portugal, si une fois elle y est arrivée; car ce senties loix dud. royaulme. Je vous supplie très humblement, Madame, prendre cest avis en bonne part, car ceulx qui entendent telles demandes peuvent trouver à rire là dessus de donner ou proraectre ce qu'on ne tient pas.

Au reste, Madame, le Roy CaUiolicque s'en est allé au monastère de S* Jeronime le xxiij'"' du présent pour escrire plus à son aise à Voz Majestés, m'ayant envoyé prier de retenir ma depesche jusques à ce qu'il m'envoye sesletres; et m'a mandé qu'il vous escriroit, de sorte que vous aurez bonne raison de vous contenter de luy. Il fust bien joyeulx l'auUre jour d'entendre que Votre Majesté avoit envoyé exprez led. Tregoin en Espaigne pour apporter du basme à Madame l'Infante, car je

couvriz la cause principalle de sa venue là dessus et vous en rend Sa Majesté infînyes mercys, bien qu'il a du meilleur basme du monde; mais il pence que le votre susd. doibt estre aproprié myeulx que le sien et oster les taches du visage; duquel on ne s'estoît point advisé d'en mectre àmad. Dame l'Infante Yzabeau. Ce porteur en passant par Madrid s'informera de la santé de toutes deux pour en scavoir rendre compte à Votre Majesté. Et pour Dieu, Madame, que j'aye con^é par luy de vous aller faire la révérence pour vous remercyer de la libéralité et mercy qu'il vous plaist me faire pour le dot de ma fille, lequel ne scauroit estre si tost desbourcé que le mary qui la doibt espouzer ne soit plus prest.

Madame, je prie Dieu qu'il vous face vivre très longuement en très contente félicité comme voz plus fidelles serviteurs dezirent. De Cordoua, le xxv™* d'avril 1570.

Votre très humble, très obeyssant et très obligé subject, vassal et serviteur.

FORQUEVAILX.