Au Roy

Cordoué, avril 1570.

Sire, En l'audience que don Loys de Torres, clerc de chambre du Pape, eust du Roy Catholique le xxj du présent, il propoza trois chozes de par Sa Saincteté : la première de vouUoir faire ligue avecques luyet.les Vénitiens contre le commun ennemy, offrant lesd. s" cent quarante gallères et dix galleaces; le second, pource que ceste ligue ne pourra sistot se rezouldre et conclurre icy et qu'il pourra survenir nouveaulx accidentz de jour en jour, ausquelz il fauldra remédier comptent sans perdre tempz. Sa Majesté soit contente de donner pouvoir à son ambassadeur rezident à Rome, que appeliez avec luy telz s" de la Court Roumaine ses serviteurs et autres comme il luy plaira nommer, icelluy ambassadeur puisse conclurre et rezouldre promptement sans envoyer vers Sa Majesté ; et le tiers, qu'il luy plaise armer les plus de ses gallères qu'il sera possible et icelles envoyer en telz portz de Sicille ou ailleurs qu'il advisera plus à propoz, afin de pouvoir souldain au besoin joindre sad. armée avec celle de lad. Seigneurie.

Au premier, led. S' Roy luy a respondu qu'il le suy ve à Seville

pour avoir response sur l'acceptation de lad. ligue. Au second, il ne le veult entendre. Et touchant au tiers, il envoyera ses gallères d'Itallie. Naples et Sicille la part qu'il plaira à SaSaincteté ordonner. Et s'il sera biçntost, comme il espère, au dessus des Morisces, il commandera que celles qu'il a en la coste d'Espaigne aillent trouver les autres. Toutes lesquelles sont environ soixante dix.

Response du Roy Catholique sur les mariages (Traduction) ' .

Sa Majesté Catholique a procédé au négoce et matière des trois mariages qui se sont traictez et en tout le discours et progrez d'iceulx dès leur commencement, avec toute la franchise, sincérité et vérité que le Roy Très Chrestien et la Royne, sa mère, ont veu par l'elTect et bonne conclusion que moyennant la grâce de Dieu les deux mariages ont lieu. En ce qui touche à celluy de Portugal, combien que Sa Majesté Catholique, avec communication du Seren"* roy son nepveu et de son consentement et entendant que cecy estoit son proffict et ce que luy convenoit, ayt procédé aux termes ausquelz on est arrivé ayant sceu que en Portugal faisoient difficulté en l'effect pour le peu d'eage et disposition du roy son nepveu, mectant en avant que s'il se maryoit astheure, il se mectroit en dangerde sa santé et vie. Sa Majesté Catholique a procuré par toutes les voyes et moyens possibles d'oster ceste difficulté et de les persuader, attirer et induire en ce que, en conformité de ce qui avoit esté desja traicté, on veint à la conclusion dud. mariage sans autre dillation; s'estantz faictz sur ce pour la part de Sa Majesté Catholique plusieurs et divers offices; mais avec toutz eulx, il n'a peu jusques à ceste heure les persuader ny despartir de lad. difficulté ; se tennant tousjours fermes sur led. inconvénient et danger qu'ilz craignent de la santé et vie du roy, amenant et alleg[u]ant entre autres choses pour exemple et fondement la mort du prince de Portugal, son père, qu'ilz tiennent pour certain estreensuyvie pour l'avoir maryé en si tendre eage; et ainsi continuent à le différer, dizant que les eages des deux parties le permetent. Et pourtant Sa Majesté Catholique avec la mesme franchise, since-

' Le recueil contient aussi la réponse en espagnol.

»•• 23i ET 232. — 22 mai i570 221

rite et vérité qu'il a traicté jusques à présent, a vouUu advertir lesd. Roy et Royne Très Chrestiennes de Testât auquel ce négoce se trouve, luy estant advis que le temps de ceste dillation pourroit estre plus long de ce qu'il leur conviendroit, les certiffiant qu'en ce négoce SaMajestë Catholique n'a perdu poinctny occasion jusques à ceste heure, ny la perdra cy après s'il entendra que sa dUligence et office puisse faire fruict, parce qu'il nedezire moins, pour le respect des deux parties, le bon effect de ced. mariage que celluy de ceulx qui sont desja concluz.