A la Royne
Madrid, 30 octobre 1568.
Madame, Ung seul ambassadeur ne se peult venter ny autre seigneur, excepté les plus privez ministres du Roy d'Espaigne, d'avoir heu accez à luy depuis le trespas de la feu Royne, sinon Mons' de LigneroUes et moy, qui fusmes vcoir Sa Àlajesté de nuict; et il m'a permis d'y retourner une autre fois, aussi de nuict, et par sa garderobe, le xxv"* de ced. mois, pour ce qu'il vouloit partir lendemain pour Escuryal; et paravant. Madame, qu'estoit le xx°% je lui avois faict présenter par escript le sommaire de la lettre qu'il a pieu à Votre Majesté m'escrire du dernier de septembre, qui m'a esté donnée le xix°" du présent; duquel expédient je me suis aydé pour la difficulté qu'il y avoit de parler à luy cependant qu'il s'est tenu recluz au monastaire Sainct Jeronime,etpar mesme moyen, m'estant bazardé d'ouvrir la lettre que Votre Majesté escrivoità lad. Dame Royne, dans la-
» Original. Bibl. Nat., ms. fr. 16103, f» 456.
quelle m'a semblé n'y avoir paroUe de laquelle ced. S' Roy ne deubt recevoir grand contentement et cognoistre par là tant mieulx votresaincteintentionjjelaluyenvoiayaccompaignéede mond. extraict. Qui me feit respondre parle secrétaire Cayes que votre lettre, Madame, lui avoit donné joye et doleur : la joye, pour y veoir votre détermination tant rezoUue contre les rebelles ; et la doleur, pour luy avoir renouvelle autre grande tendreur en son cueur pour la mémoire de la comune perte que vous et luy avez faicle; ce qu'il m'a de rechef dict lui mesme led. xxv"" de ced. mois, et qu'il remercye de tout son cueur le Roy et vous. Madame, de quoy il vous plaist Tadvertir continuellement de Testât de voz affaires; et trouve très bon que VozMajestez continuent de vouUoir poursuivre et achever ce qu'ils ont si bien commencé contre lesd. rebelles et d'exécuter les edictz publiez dernièrement; lesquelz, Madame, sont louez de toutz ceulx de deçà qu'il n'est possible de plus. Et led. S' Roy m'a dict avoir senty très grand aize de veoir le chemin ouvert pour extirper les faulces opinions hors de votre Royaume et réduire les .desvoyez à l'antienne et vraye religion avec ung asseuré repoz à Voz Majestezet à voz bons voizins, defiaisant par cella les moyens prestz que avoient inventé les mauvais subjectz de pouvoir journellement desobeyr à leurs roys et princes soubz couleur de religion ; qu'il espère, et le fault croire ainsi, que Dieu vous assistera en toutes chozes; et de son endroit, qu'il employera ce qu'il m'a toujours dict, c'est sa personne et sa puissance, à vous ayder et secourir, s'il en sera requis, soit du cousté de ses Païs Bas par le duc d'Alve, comme il luy a escript et mandé bien expressément; et présentement lui commande par nouvelle recharge qu'il ayt telle correspondence avec Messieurs le duc d'Aumalle et mareschal de Cossé comme Voz Majestez demandent; ou soit des autres endroictz par lesquels Sa Majesté a moyen, estant bien aize que le Roy, son bon frère, ait si bien pourveu à ses affaires, qu'il puisse venir au-dessus de ceulx qui se sont eslevez contre luy; et qu'il n'avoit pas voUu faiblir de faire offrir à Sa Majesté Très Chrestienne par don Francés, son ambassadeur, ses forces devers deçà qui seront tousjours prestes à son secours quand Sad. Majesté l'en requerra, me donnant charge de vous asseurer, Madame, que de sa vie il ne fut votre plus affectionné (ilz; et l'estoit
N" 452 ET 153. — 30 OCTOBRE i568 15
toutesfois tant qu'il ne pouvoit Testre davantage qu'il est à présent et sera tant qu'il vivra; et VozMajestez le cognoistront pour tel en tout ce que luy sera possible. Finablement Sa Majesté m'a faict donner par le secrétaire Caves sa rcsponse auxpoinctz principaulx de votred. dernière lettre; laquelle responce va en ce paquet; et partit hier duPardo pour Escuryal, où il fera la Toussainctz. Au reste, Madame, le cardinal Espinose, qu'on appelle aslheurcy le cardinal de Ciguencejreceustle chappeau en l'eglize Sainct Jeronimc le xxviij de ced. mois. Les Princes de Bohême l'accômpaignerent et les ambassadeurs et grandz d'Espaigne avec toute la pompe dont on s'est peu adviser en ce dueil. Le duc de Feries sera en Ijref de retour de Portugal. On dict qu'il a réconciliiez la royne et le cardinal dud. Portugal qui n'esloient pas bien ensemble. Quant à,Mesdames les Infantes, elles sont en bonne santé. La Princesse a esté mallade de fiebvreung nombre "de jours, mais elle est guérie. La duchesse d'Alve gouverne mesd. Dames les Infantes et les dames de la feu Royne jusques que le Roy Catholicque ait pourveu à leur estât, car elle se veult retirer, quoyque Sa Majesté la prie fort de prendre la surintendence de lad. mayson.
Madame, je prie Dieu vous voulloir maintenir et conserver très longues années en très acomplie santé et félicité. De Madrid, le XXX"' d'octobre 15G8.
Votre très humble, très obeyssantet très obligé subgect, vassal et serviteur.
FORQUEVAULX.
