Au Roy

Séville,22mai4570.

Sire, Ensuivant ce que j'ay escript à Votre Majesté parLasalle qui partist de Cordoua le xxv du passé que le Roy d'Espaigne debvoit partir pour Seville, il fust vray que led. S' s'en veinten ceste ville, où il feist son entrée le premier de ce mois, jour dédié à S* Philippe et S' Jacques ; laquelle entrée eust heu plus de grâce, si elle fust esté mieulx ordonnée; mais la multitude du peuple causoit beaucoup de confusion. Led. S' Roy y estoit très deziré pour ne luy avoir jamais veu paravant et qu'ilz ont opinioç qu'il y fut engendré, bien que Sa Majesté m'a dict à moy le contraire et que ce fust à Grannade où l'Empereur s'en alla partant d'icy où il avoit espouzé l'Imperatriz ; laquelle opinion est occasion spetialle de l'amour que ce peuple luy porte ; et il n'a pas petite raison d'aymer Seville; car elle luy vault de la moçarifasgo et autres charges plus de douze cens mil escuz chacun an; laquelle rente neantmoins est engagée aux Gennevois et autres qui ont preste leur argent là dessus. Aussi cested. ville luy a faict présent de cent mil escuz pour sa bienvenue.

Je fuz baizer les mains aud. S' Roy Catholique quelques jours après sad. entrée, pour le supplier comme j'avois faict plusieurs fois en vain pour la délivrance de dix huict François prisonniers; car, Sire, icy n'est pas la coustume de vuyder les prisons et de faire grâce aux prisonniers en la première entrée des Roys. Toute la grâce qu'il a faicte a esté de donner douze mil escuz pour ayder à paier les debles de ceulx qui estoient detenuz pour argent, en

» Original. Bibl. Nat., ms. fr. 16103, f» 604.

faisant perdre une partie aux créditeurs; mais nul des crimineulx n'a esté délivré, et tout ce que j'ay peu faire pour lesd. pouvres François, c'est d'en avoir faict délivrer trois, dont l'un fust aussitost envoyé à la prison de l'Inquisition, il ne scait deviner pourquoy, et les deux s'en vont en France par mer; les autres mourront de pouvreté ' . Je me doubte qu'on pence icy que je poursuive leur liberté sans commandement, et vouldroit on que Michel d'Orenge, qui est celuy de lad. Inquisition, et ung Jacques Lalouette et deux autres fussent mortz, pource qu'ilz ont grand cognoissance des Indes d'Espaigne.

Autre propoz, Sire, n'ay je heu avec Sad. Majesté Catholique qui fust d'importance hormys qu'il craingt que vous faictes la paix au gré des enemys; mais j'entendz qu'il la donnera aux Morisques assez à son desavantaige, car il n'y a remède d'en venir au dessus par armes, ains ilz se défendent trop mieulx qu'ilz ne sont assailliz; et s'ilz avoient des princes et tant de noblesse en leur faveur, et des bonnes villes et forteresses de leur party comme vosd. enemys ont, il y en auroit de bien empeschez; s'estant connu à ce coup evidentement le peu que les gens d'Espaigne vallent dans leur propre terre et combien la neccessité et le desespoir font valloir les hommes s'ilz sont aydez ou de bonnes places ou de païs difficiles à entrer, comme lesd. Mores ont les montz des Alpuxarres en leur faveur. On verra si pour s'approcher d'elles Sa Majesté Catholique, car il s'en va à Jahen et Ubeda, ses affaires auront meilleur succez. Toutesfois l'opinion commune est qu'il leur donnera la paix et les laissera parler algarabic et vestir à la moresque ; leur fera rendre femmes et enfans; et loutz prisonniers se rendront d'une part et d'autre et remis en leurs possessions comme devant, soubz certaines modifications qu'on ne scait encore ny cela que par discours. On dict. Sire, que lad. paix se fait afin de sortir de ce travail qui consume et brusle l'Espaigne à petit feu, et pouvoir plus seurement résister au Turc et aux François, s'ilz vouldroient entreprendre sur le Païs Bas ou ailleurs après que votre Royaume sera paciffié, ne pouvant croire que les armes se laissent incontinent sans donner ung eschec en quelque lieu.

' Plus haut, p. 192.

N« 232. — 22 MAI io70 223

Sire, touchant à la ligue, ced. S' Roy y entre et les conditions seront traictées par ses ambassadeurs et ministres qu'il en a à Rome; bien fort aize que led. Turc se soit atacqué aux Vénitiens et non à luy seul. Il a mandé que ses gallères d'Itallie, Naples et Sicille facent ce que le Pape leur commandera; et si lad. guerre de Granade prend fin par accord ou autrement, les gallères aussi d'Espaigne iront trouver les susd. ; et le bruit est que don Juhan d'Austrie sera gênerai de toute l'armée de mer de lad. ligue.

Don Loys de Tourres qui a esté envoyé par deçà par Sa Saincteté pour traicter lad. ligue, m'a dict avoir commandement très exprez de Sad. Saincteté de poulcer fort et roide le mariage de Madame votre soeur, arrivé qu'il soit vers le roy de Portugal^ et si en est allé d'icy après le parlement dud. S' Roy Catholique. J'ay ung mortel regret qu'il faille que les Portugois facent les froidz d'y entendre, qui est neantmoins ung bien plus grand pour eulx qu'ilz ne méritent. Hz sont en guerre ouverte du cousté des Molucques et de la Chine avec les Espaignolz. Le visroy de la Neufve Espaigne y a envoyé renfort de gens par la mer de sur et demande estre secoru de douze ou quinze cens hommes de ce Royaume au lieu de ceulx qu'il a envoyez contre lesd. Portugois, qui de leur cousté ont bonnes forces ausd. Indes et n'espargnerontrien pour en chasser lesd. Espaignolz. Une caravelle arriva en ce port le jour de la Penthecouste, laquelle partist du port de la Vraye Croix le quinze de février portant advis des deux flottes du Peru et de lad. Neufve Espaigne, que elles feroient voile le XX"' d'avril en espérance d'arriver à cested. ville en juillet, et apportent environ six millions d'or registrez, sans l'or et -argent caché. Il y a ung million pour Sa Majesté Catholicque; et ont chargé autres marchandizes de grand valleur. Pierre Menendes faict escorthe avecques huict gallères ausd. flottes qui viennent ensemble pour plus grande seuretté. Au demourant, Sire, le s' de Tregoyn dira à Votre Majesté de la santé dud. S' Roy, votre frère, et comment il est party de ceste ville, le xvij"* du présent, pour aller à Cordoua tenir la Feste Dieu, et de là s'en ira aud. Jahen et Ubeda. Je faiz ce qui m'est possible pour le suivre; lequel de Tregoyn je n'ay voulu faillir de le depescher vers Votre Majesté devant que partir de ceste ville. Il dira aussi de bouche à Votre Majesté ce qu'il a veu par deçà.

Sire, je prie Dieu qu'il conserve Votre Majesté très longues années en très acomplic santé et prospérité. De Seville, le xxij de may 1570.

De sa main : Sire, je viens d'entendre qu'on a escript d'Itallîe que un navire françois a esté prins en l'Archipel par les Vénitiens ; lequel pourtoit quatre mil pistoUes à Constantinople. Cella est icy trouvé fort maulvais, et n'est pas sans blasme[rj l'amytié qu'ilz disent estre entre Votre Majesté et le Grand Seigneur. Sur quoy je ne suis pas demeuré sans responce ; mais je n'ay peu scavoîr d'où led. navire est party ne à qui il estoit. J'ay neantmoins opinion, si led. advis est véritable, que ceulx de La Rochelle l'auront fretté et chargé des armes et chozes prohibées, car ilz se dispencent assès et trop à faire pis contre votre service. Aussy le Roy votre frère, Sire, me disoit à Cordoua que ung navire espaignol allant à la Neufve Espaigne chargé de religieux et gens d'eglize et aultres personnes paisibles, avoit esté prins par voz subjectz, et lesd. religieux et gens d'église gectez cruellement à la mer. Ce qu'il eust trouvé estrange en autre temps. Tant y a qu'il en donne aujourd'huy la coulpe à voz rebelles et ne voUust que je vous l'escrivisse qu'il n'eust plustost sceu plus particuUierement le faict, dont il vous feroit puis après faire plainte par son ambassadeur et vous prier de remédier que telz dezordres ne se facent. Il ne m'en a rien dict despuis ny faict dire, et possible, si s'en contente de ce que je luy remonstriz, que Sa Majesté Catholicque voit bien et cognoit en quelle peine et hazardz Votre Majesté s'est mize et mect pour reprimer les rebellions et insolences de vosd. maulvais subjectz, qui est une démonstration, laquelle vous rend escusable et innocent des meschancetez qu'ilz font.

Vostre très humble, très obeyssant et très obligé subject et serviteur.

FORQUEVAULX.