A la Royne K

SévUle, 22 mai d570.

Madame, Le s' de Tregoyn fust de retour de Portugal le quatrième de ce mois. Je Tay retenu en espérance que quelque

» Original. Bibl. Nat.,ms. fr. 46103, f" 606.

choze de Voz Majestez me viendroit pour scavoir en quelle satisfaction don Juhan Mascareigne vous a laissez et ce qu'il vous plaira que je poursuive sur la negotiation, m'estant advis que je faiz bien de n'en parler point au Roy d'Espaigne jusques à ce que je scache votre volunté, puisque don Francés d'Alava luy a escript que led. Mascareigne a asseuré et promis à Monseigneur le cardinal de Lorrhaine qu'en bref il y aura personnaige du roy son maistre en France avec pouvoir de traicter le mariage de Madame ; qui est donner entendre qu'ilz ne veulent pas aud. Portugal qu'il se traicte par deçà, où led. cavallero a bien donné à discourir, pource qu'il n'est repassé par Madrid devers. Madame la Princesse, mère de son roy, ains a escript en passant par Burgos à une sienne parente nommée donne Eleonor Mascareigne, laquelle se tient aud. Madrid, qu'il s'en alloit le droict chemin de sond. maistre en touste dilligence pour ce que son ser\T[ce le requeroit ainsi. A escript encore led. don Francés que led. don Juhan s'en retourne le plus content homme du monde de Voz Majestez et de mad. Dame votre fille. Led. S' Roy Gatholicque quand je suis esté luy baizer les mains le cinquième du présent, m'a parlé assez froidement dud. Mascareigne; et a bien bonne envye de scavoir ce qu'il aura negotié auprès de Voz Majestez et avec Mons' le cardinal, qui a esté toute son adrece, comme il est adverty par sond. ambassadeur et à ce que je puis cognoistre par divers rencontres et advis il dezire grandement et lad. Princesse, sa soeur, que led. mariage se face, mais il fault croire qu'il vouldroit bien qu'il se tractast par ses mains. Vous entendrez. Madame, par led. s' de Tregoyn ce qu'il a veu de la personne dud. s' roy de Portugal. Je serois content que tout tel qu'il est il fust desja votre beau filz, ou s'il tiendra à luy, je luy souhaite et à son royaume toutz malheurs et une guerre perpétuelle avec voz subjectz. Don Alvaro de Castro s'est departy de ced. S' Roy Gatholicque et de lad. Princesse en bonne volunté de faire trouver bon que led. mariage se face, car Sa Majesté et son Alteze luy en ont parlé à bon escient et en collere pour la façon dont led. roy son nepveu en uze et son conseil. J'estime qu'il y sera esté mis rezoUution et ordre après avoir entendu le rapport dud. de Castro, qui est dud. conseil, et dud; Mascareigne; les oncles de la femme duquel gouvernent

tout: et si Almede aura sceu quelque choze de lad. rezollution, il ne ferafaulte d'en donner advis à Votre Majesté par ced. porteur. Il est demeuré exprès à Madrid pour descouvrir ce que lad. Dame Princesse en dict à ses dames et le scaura de l'ambassadeur, qui s'en va aud. Madrid atendre ced. S' Roy, qui est ung chemin que les autres ambassadeurs prendront de Cordoua dès lendemain de la Feste Dieu; car led. S' Roy n'arrestera à Ubeda plus de huict ou dix jours.

Madame, je prie Dieu qu'il vous maintienne et conserve très longuement en très parfaicte santé et prospérité. De Seville, lexxij demay 1570.

De sa main : J'adjousteray ce mot de ma main que es cours tenues à Cordoua pendant que nous y avons esté, il s'est propozé par les députez des villes de ce royaulme qu'il seroit bon de ériger et instituer une nouvelle confrérie ou compagnie de chevaliers sur les bénéfices sans cure qu'il y a en Espaigne, disant que puisque les homes avec simple tonsure les peuvent tenir, qu'il vauldroit myeulx en pourvoyr les gentilzhomes qui en facent quelque debvoir et service à Dieu, au Roy et au royaulme. Je n'ay encore peu scavoir ce que ced. S' Roy y aura rcspondu.

Vostre très humble, très obeyssant et très obligé subject, vassal et serviteur.

- FORQUEVAULX.

234. — Ung bando de la part de don Jehan d'Austrie publié en son camp et lieux des garnisons dud.païsde Grannade, le quinze de juin 1570 '.

Grenade, 15 juin 1570.

Voyant qu'il y a tant de jours qu'il a esté concédé et faicte raercv aux chrestiens nouveaulx de ce Royaume, afin que vennant à, l'obéissance du Roy Monseigneur et rendant les armes fussent admis et receuz en sa royale grâce et traictez avec toute bénignité et doulceur, et neantmoins plusieurs d'iceulx perseverantz en leur méchanceté demeurent obstinez et endurciz à ne cognoistre le bien et mercy que Dieu et Sa Majesté leur font.

Il a semblé convenir à son royal service que la présente criée se face ; par laquelle nous ordonnons et commandons que toutz les Morisces et Morisques de ce Royaume, qui de cejourduy par tout le jour de Sainct Jehan ne se seront reduictz aux lieux et endroictz qui leurs ont esté signa-

> Une copie de ce bando est contenue dans le ms. fr. 16103, f« 610 v». Bibl. Nat.

N» 235 ET 236. — 16 juin 1570 227

lez et désignez et n'auront rendu les armes, seront traictez et chastiez dès led. jour en avant comme rebelles & leur Seigneur et Roy naturel, sans qu'il leur puisse rester aucune espérance qu'il doibve estre uzé envers eulx nulle condition de pitié ny de clémence.

235. — Advis par une lettre de Grannade depuis que l'Abaquy rendist les armes du xyj de juin 1570 ^

16 juin 1570.

Les Turcz en nombre de six cens ont faict difficulté de voulloir entrer en navires rondz pour repasser en Alger et demandèrent vaisseaulx de rame que leur ont esté envoyez de Malque.

Hz ont saufconduit pour quinze jours et leur est défendu de n'emmener aucun chrestien ny plus d'armes que celles qu*ilz apporteront du commencement.

Soixante d'iceulx Turcz reffuzantz d'accepter la capitullation de l'accord s'en allèrent du chasteau du Fer au eau de Gâta, menant (avec eulx autres soixante chrestiens atendant quelque bregantin moresque pour les embarquer. De quoy adverty le gouverneur d'Almerye, il eust commission de les deffaire; ce qu'il feist et recouvra lesd. chrestiens.

En Andarax se faict ung fort par don Jehan d'Austrie . dans lequel entreront mil hommes de pied et cent chevaulx en garnison pour courir le pais.

Jusques à ceste heure xvj de juin, il y a trente mil mores entre hommes et femmes qui se sont reduiclz à. l'obéissance du Roy Catholique. Toutesfois les Mores ne laissent de tuer les chrestiens qu*ilz trouvent desbendez.

Le duc de Sesse est joinct ensemble son camp avec led. don Jehan.