Au Roy

Madrid, 16 juin 1570.

Sire, Le Roy Catholique n'a arresté en Cordoue sinon la veille et le jour de la Feste Dieu, et s'est lendemain bon matin acheminé vers Jahen, qui est une ville à quinze lieues au deçà dud. Cordoue, où il n'a séjourné que ung jour; unp aultre en la ville de Baeça, cinq lieues plus en çà; et entra en Ubeda, le iij"% qui en est à une lieue où il s'est tenu jusques au xij™"" de ce mois. J'eusse, Sire, depesché de Seville le s' de Tregoyn avecques mes lettres duxxij"* demay; toutesfois ayant entendu qu'il se traictoil de paix avecques les Morisques de Grannade dont la conclusion estoit remize aud. Ubeda, il me sembla que je ferois bien de le

1 Une copie de cet < Advis » se trouve dans le ms. fr. 16103, f» 610. Bibl. Nat

retenir encore pour quelques jours, afin d'en pouvoir escrire au vray à Votre Majesté. A ceste occasion j'envoiay mon secrétaire aud. Ubeda, pour scavoir s'il plairoit aud. S' Roy que j'y allasse et pour avoir logis; mais il fust respondu à mond. secrétaire et le secrétaire Cayes me l'escrivist de la part du Roy son maistre, qu'il n'estoit besoing que j'allasse aud. Ubeda. car il s'en vouloit partir tantost après ; me conseillant de m'en venir à Madrid Tatendre, comme faisoient les autres ambassadeurs; auquel lieu il faisoit estât de venir dens peu de jours après nous. Je renvoy de rechef mond. secrétaire soubz autre prétexte aud. Ubeda pour veoir et entendre ce qu'il pourroit dud. accord; mais Sa Majesté en fust délogée en intention d'arriver à Aranxois le XV"' du présent, où il séjournera jusques au xx"\

Touchant à lad. paix, Sire, ce a esté ung more de Grennade nommé Albaquy, lequel s'estoit bien retiré dens les montagnes delà TAlpaxarre mais sans avoir prins ny porté les armes, lequel a moyenne que le Rey Juelo qu'ils appellent s'est rendu au Roy d'Espaigne, ensemble huict mil hommes qu'il avoit de combat et toute la terre, lieux et villages qui sont au long de la rivière d'Almansor, ont rendu les armes et sont retournez à l'obéissance dud. S' Roy, qui les remect en leurs biens et maisons, promectant que le Pape les absouldra et recevra pour penitentz et remis à l'Eglise pourront recouvrer les captifz soubz ung certain prix le plus modéré qu'il sera possible, parleront et vestiront à leur fantasie, mais ilz professeront la loy et religion chrestienne catholique. Au regard des autres Mores, ilz n'ont vouUu entendre à nul accord, ains se défendent, et n'a guère qu'ils ont taillé en pièces quatre cens soldats espaignols et s'ils se fussent tenuz en unyon comme ilz ont faict et avoir peu recueillir les fruictz cest esté, il y eust eu difficulté de les vaincre de long tempz; n'y a moins de cent mil hommes estrangers la plus part; car quand à l'infanterie espaignolle, elle a beaucoup perdu de sa réputation en lad. guerre, s'estant monstrée fort lâche et de peu de valleur, sans discipline ny obéissance; de sorte que le s' don Juhan d'Austrie estoit demeuré acompaigné seullement de trois à quatre mil hommes et le duc de Sesse n'en avoit pas mil de reste, de plus de cinquante ou soixante mil qui avoient esté levez pour icelle guerre. Aussi est ce qu'ilz en sont morts en gros nombre; l'on

m'a dict plus de trente mil depuis le commencement desd. troubles; mais trois fois plus de malladye que au combat; on faict encore des compagnies parmy ce royaume en divers lieux; et ceulx qui doibvent passer à votre secours sont mandez venir; le duc de Sesse demeure chef de lad. guerre; car don Juhan susd. s'en vient avec led. S' Roy ; à laquelle Majesté couste tant à lengros lad. guerre qu'on parle à millions, sans compter ce que tout ced. royaume y a contribué, hommes, vivres et argent, sans nombre ny compte.

Sire, ce que j'ay peu scavoir de la venue de la nouvelle Royne d'Espaigne est que Loys Vanegues a escript de Prague du viiij"' de may que l'archiduc Charles a fiancé lad. Dame pour le Roy Catholique le iiij"* dud. may; lequel jour elle chargea chappins la première fois, car elle n'en avoit encore jamais porté. Je m'asseure que Votre Majesté a sceu bien particulièrement la pompe et magnificence qui fust uzée aud. acte^ qui ne pouvoit eslre sinon très solemne, puisque l'Empereur et Imperatriz y estoient avec si grand aise et contentement comme tout homme doibt penser; et l'eussent heu plus grand si la Serenissime Princesse Madame Yzabeau qui sera notre Royne se fust fiancée aussi led. jour, laquelle ne se peust trouver en lad. feste à cause du serrainpion qui est la rogeoUe, dont Son Alteze estoit mallade. Escript pareillement led. Vanegues que lesd. Majestés partiroient dud. Prague pour Spire le xxix"»* de may; et que de là ilz meneroient lad. Dame Royne Catholique à Colloigne,oiile ducd'Alve la doibt aller recevoir ou au moins à deux journées hors des païs et estatz du Roy son maistre, l'amènera en Flandres l'embarquer à Madrebourg sur l'entrée du mois d'aoust et la conduira en Espaigne pour la descendre à Laredo sur la fin dud. mois. Il se dict icy desja, Sire, que les nopces se feront à Vaildolit ou possible à Burgos, et que le Roy, votre frère, s'en ira après la S' Jehan au Bosc de Segovye. C'est bien avoir changé d'advis aud. compte; car on tennoit à certain que lad. Dame Royne viendroit par Gennes et que ceste Majesté iroit à Valence ou à Barcelonne pour la recevoir. Au demeurant. Sire, le Commandeur major de Castille sera majord'home major de lad. Royne, Jehan André Dorie gênerai des gallères en son lieu soubzle s' don Jehan d'Austrie, lequel commandera à toutes les forces de la ligue; toutz les

princes d'Itallie commençant à Mons' de Savoye, Ferrare, Florence, Parme el Urbin, chacun s'est envoyé offrir el demander lad. charge; mais led. s' don Juhan l'aura et aud. s' duc de Savoye seront payées quatorze gallères; ne s' estant encore voUu laisser persuader ced. S' Roy que ses gallères aillent trouver celle des Venetiens, ains y procède lentement pour ne desarmer ses royaumes de Naples et Sicille qu'il ne voye à quelle part l'armée turquesque veult donner, laquelle fera quelque excursion durant cest esté en attendant l'autompne qui est la saison commode pour les Turcs d'assaillir Chipre ; car à présent ilz n'y pourroient vi^Te pour les extresmes chaleurs qu'il y faict et la grand faulte d'eau qu'il y a en lad. ysle. On faict compte que Sad. Majesté Catholique entrera en lad, ligue avec cent gallères et que la force de l'armée oultre les ordinaires sera de cinquante mil hommes pour descendre en terre, car veuUent assaillir Lavellone et autres lieux pour divertir l'entreprinse du Grand Seigneur. Au reste ced. S' Roy a envoyé commission à Rome que son ambassadeur puisse traicter de lad. ligne. Qui est, Sire, ce que j'ay de nouveau.

De Madrid, le xvj"* de juin 1570.