A la Royne

Madrid, 16 juin 1570.

Madame, J'ay retenu le s' de Tregoyn jusques à ce jour présent, pource qu'il se traictoit de la paix entre le Roy d'Espaigne par don Jehan d'Austrie et les Morisques, qui m'a semblé estre ung exemple de telle conséquence pour le tempz qui court en votre Royaume que je ferois bien d'en atendre la conclusion, afin d'en advertir Voz Majestez; car puisque vous estes en semblable praticque de paciffier les troubles de France par une paix qui est ung moyen reprouvé par ceulx de deçà, j'ay pensé que ce seroit une manifeste confession pour eulx s'ils faisoient leurd. paix avec des Morisques pieds deschaulx, abandonnez de toutz les elementz et du monde, que Voz Majestés la peuvent bien faire de meilleur lustre avec voz rebelles assistez d'aucuns princes de votre sang et de tant de noblesse et personnes de quallité. Mais, Madame, Sa Majesté Catholique s'est trouvé si

fachc pour lad. guerre qui luy couste quelques millions d'or sans comprendre en cela ce que son royaume y a contribué qui est sans compte, qu'il a pensé faire ung grand coup de retirer leur petit roy d'avecques les autresd. Morisques, les affoiblissant d'aultant en espérance, puisqu'ilz se sont laissez entasmer d'une partie que le surplus s'achèvera par mesmes moyens ; car aussi lad. paix respond à toutz et led. petit roy et TAbaquy l'ont traictée et faicte pour toutz; l'acceptera qui vouldra; les conditions que j'ay peu scavoir sont : que le Roy Catholique les fera accomoder d'aucuns lieux, comme Gadiz et Baça en la plaine et autres lieux, où ilz se puissent retirer et vivre loing de la marine.

Lad. Majesté fera establir garnison dens les lieux fortz de la montagne et de la plaine, prennant lesd. Morisques renduz soubz sa protection antienne comme bons subjetcs. Lesquelz rendront et consigneront toutes les armes aux depputez dud. S' Roy. Et pourco qu'elles leur ont cousté beaucoup, il commandera leur estre faicte quelque gratieuze recompense en deniers ou en bleds.

Que les Morisques, hommes, femmes et enfans, qui sont esté prins et faictz esclaves seront rachaptables par leurs gens pour certain honneste priz, selon leur disposition et eage.

Les Turcs et Mores en nombre d'environ six cens qui ont aydé aux rebelles repasseront libremennt avec leurs biens en Alger et leur seront délivrés deux navires et autres barques.

Et Sad. Majesté fera office envers le Pape qu'ilz soient pardonnez pour Terreur auquel ils ont vescu, et ne soient puniz par la Saincte Inquisition.

Madame, ce sont les articles de la capituUation, accordée aux rebelles. Je ne scaurois dire s'il yen a d'autres à leur advantage ; mais je croy bien qu'on ne verra pas la fin de lad. guerre si tost comme l'on s'atendoit; et n'atendent plus le maistre de camp Solizny les quatre mil Espagnols, car ilz sont en lad. guerre, les cinq cens d'iceulx dens aucunes places en garnison, mil autres au camp du duc de Sesse; et les quinze cens restantz sont avec don Jehan d'Austrie, qui est le nombre de trois mil en tout; car jamais ilz ne furent davantage, ny les trois mil complectz. Je prie Dieu que le Roy puisse mectre fin ausd. troubles de France par un moyen ou aultre sans l'assistance de ses voisins; et croy

23â DÉPÊCHES. DE M. DE FOURQUEYACX

que ses aflFaires se porteroient mieulx y employant seuUemeat ses forces que s'il sera secouru d'ailleurs.

Au demeurant, Madame, je m'en suis venu en ceste ville atendre Sa Majesté Catholique, suivant son adviz; et venu qu'iJ soit, je luy feray entendre ce qu'il a pieu au Roy me commander luy dire touchant les pirateries dont son ambassadeur don Francés d'Alava s'est plaingt; et redepescheray Musset vers Voz Majestez avec sa response. Cependant led. de Tregoyn asseurera Votre Majesté du bon portement de Mesdames les Infantes, car je le meneiz, n'a que deux jours, leur baizer les mains; et la duchesse d'Alve print la mezure de leur grandeur, scachant qu'il vous seroit agréable de veoir comme elles croissent, et les doibt faire tirer au naturel par ung Portugallois fort bon peintre. Led. Tregoyn les vit aussi dancer; qui vous racontera de leur beaulté et bonne grâce. Quant à la santé du Roy, leur père, il ne se porta jamais mieulx. J'escriviz à Votre Majesté qu'il avoit esté ung peu travaillé de torssions de ventre. à Cordoue; et s'illuy fust survenu tel accident comme il vous a esté rapporté, je n'eusse failly de vous en advertir maulgré toutes difficultez.

Dud. xvj- de juin 1S70.