Au Roy

Madrid, 46 juin 1570.

Sire, Je viens d'entendre qu'on a escript d'Itallie que ung navire françois a esté prins par les Venetiens en TArchipel, faisant voyle vers Constantinople ; lequel portoit quatre mil pistoUes aux Turcs. Cela est trouvé icy le plus mauvais du monde et n'est pas sans blasmer l'amytié qu'ilz disent estre entre Votre Majesté et le Grand Seigneur. Mais je n'ay peu scavoir d'où led. navire est party ne à qui il estoit. J'ay opinion, si led. advis est véritable, que ceux de La Rochelle l'auront fretté et chargé, qui se dispencent bien à faire pis contre votre service. Aussi le Roy votre frère, Sire, me disoit à Cordoue que ung navire espaignol alloit vers la Neufve Espaigne chargé de gens; et entre iceulx y avoit des moynes et religieux ; lequel navire fut prins par voz subjectz et lesd. moynes jetiez à la mer cruellement. Ce qu'il eust trouvé estrange en autre tempz ; mais il en donne aujour-

duy la coulpe à voz rebelles et ne vouUust que je le vous escrîvisse qu'il n'eust plustost sceu plus particuUierement le faict dont il vous feroit après donner advis par son ambassadeur et vous prier de remédier que telles cruaultez et desordres ne se facent. Il ne m'en a rien dict ny faict dire depuis. Et je fuz à ung doigt do luy respondre que voz subjeetz veuUent naviguer comrne les siens et que jamais ne sera jour bien serain entre eulx que la navigation et contractation des Indes ne soit libre, et la conqueste pareillement. Neantmoins pource qu'il ne m'est commandé d'en parler de votre part, Sire, je ne luy ay respondu autre chose, excepté que Sa Majesté veoit assez et cognoist en quelle peine et hazardz Votre Majesté se mect pour reprimer les rebellions et insolences de vosd. mauvais subjeetz, qui vous rend escusable et innocent des meschancetez qu'ils font.

Dud. xvj- de juin 1 570.