A la Royne

Madrid, 17 juin 1570.

Madame, Combien qu'on ait heu icy nouvelle de l'arrivée en Portugal de Mons' de Tourres envoyé du Pape pour la ligue, et de don Jehan de Borge, ambassadeur d'Espaigne, ensemble de don Alvaro de Castro, et comment aussitost il fust depeschc ung courrier à Sa Saincteté, toutesfois je ne puis descouvrir sur quelle occasion ny quel office lesd. personnages auront faict; car le roy Catholique n'en a encore receu aucun advis de sond. ambassadeur. Si est ce que Votre Majesté doibt croire que led. don Loys de Torres n'aura pas oblié de faire son debvoir suivant la commission qu'il a de Sad. Saincteté, tellement que par la première depesche qui viendra dud. Portugal on pourra comprendre quelle espérance il fault avoir du mariage de Madame avec led. roy dud. Portugal; et si je scauray par le retour de mon homme Lasalle ce que don Jehan Mascareigne a traicté et promis à Votre Majesté ou à Monseigneur le cardinal de Lorrhaine, j'enfonceray le Roy Catholique s'il sera besoin jusques à luy dire qu'il n'a tenu qu'en luy que led. mariage n'est pieçà conclu et qu'il se conclurra dès le jour qu'il y vouldra procéder rondement, et braver aud. roy son nepveu et à ses deux hipocrites Theatins, car

il y est obligé par la paroUe que led. S' Roy nous a donnée; et pour moindre occasion pourroit on s'empoigner aux cheveux.

Sur ce propoz, Madame» j'ay entendu que la Princesse de Portugal disoit à don Alvaro de Castro, quand il fust icy le mois de may vers elle, que le roy son filz debvoit bien considérer ce qu'il f aisoit et se garder d'offencer deux si grands Roys comme le Roy Catholique son frère et le Roy Très Chrestien; mais ces paroUes luy sortoient si mollement de la bouche et plus froidement de son cueur que elles n'auront faict sinon une bien foible impression. Sad. Alteze luy donna une martre avec la teste et les piedz d'or enrichiz de pierreric qui valloit mil escuz ; et je me doubte que elle seroit centente que sond. filz attendist sept ou huict ans à prendre femme afin d'épouser la troisiesme fille de l'Empereur; car elle ne vous peult aymer de bon cueur, ou, je le soubspeçonne ainsi pource que elle eust bien voullu estre Royne de France et ne scay si elle attend que la royne de Portugal meure en ces entrefaictes pour aller succéder en son lieu.

Au surplus, Madame^ vous pouvez veoir ce qu'il vous fault espérer de ce cousté contre voz rebelles, car les Espaignols qui debvoient passer en France sont à présent à Grennade et ne scavent dissimuUer le grand aize qu'ilz sentent icy de veoir continuer les troubles en votre Royaume ; c'est de la grand poeur qu'ilz ont que les François donnent sur les Païs Bas ou sur ce royaume; qui seroit bien le plus certain et le moins difficille à entasmer. Il y en a toutesfois quelques ungs, et en ce nombre le cardinal de Siguence, qui se moquent des forces de France; et leur semble que tout y est perdu et à néant sans vous debvoir jamais redoubter, eulx qui ont monstre et monstrent que l'Espaigne en soy vault si peu que dix Morisques leur font la reste; et suis d'opinion que six mil bon chevaulx et douze mil hommes de pied pourroient entrer en Espaigne par Narbonne, aller bruslant et ruynant jusques à Seville et tourner sortir par Rayonne, sans trouver forces pour les combatre ; et qui les eust assaillis devant l'esmotion desd. Morisques, on eust cogneu qu'il n'y avoit en Espaigne soldatz ny armes. Mon advis seroit, Madame, de faire venir la Royne, votre belle fille, en France et faire nopces au plustost qu'il seroit possible; puis, cella faict, commencer à tenir autre langaige en prince qui se resent; car par ce

N« 239 ET 240. — 29 juin 1570 235

moyen je m'asseure que ceulx qui raesprizent les humbles et débonnaires et n'estiment sinon les princes et gens qui leur bravent, changeront de l'opinion qu'ilz ont des François et mectront peine de vous contenter mieulx qu'ils n'ont faict.

Madame, je vous ay escript par autres lettres le moyen qui se offre à Vos Majestés de pouvoir endommager bien au vif lesd. Roys d'Espaigne et de Portugal en leurs nouvelles conquestes parle personnage qui promect merveilles en cela; il est encore icy atendantresponce, si ce qu'il propoze pour votre service vous sera agréable; vous asseurant, Madame, que les Anglois ont receu Bartholomé Bayon, qui s'eschappa des prisons de Seville; lequel a desja mis cesd. Majestés en grand soucy. Toutesfois il n'est tel homme que c'est autre h beaucoup près. Je dirois donc qu'il seroit bon qu'il vous pleust luy donner honnestes moyens de vous aller déclarer son intention pour vous en servir quand bon vous semblera, luy donnant ung estât raisonnable pour s'entretenir en quelque lieu secret, car Vos Majestés n'en recouvreront par aventure jamais ung tel. Au demeurant, Madame, il vous plaira me faire le bien d'escoulter le sieur de Tregoyn en mon particullier et avoir esgard à mes longs et fidelles services, car je n'ay espérance qu'en votre bonté.

De Madrid, le xvij"* de juin 1570.