Au Roy

Madrid, 29 juin 1570.

Sire, Pour respondre à la depesche qu'il a pieu à Votre Majesté me faire du xxiij de may, que j'ay receue en ToUede le xj du présent par Musset prosent porteur, ung de voz varletz de chambre, le Roy Catholique estant arrivé le vingt de ced. mois du matin en ceste ville , je ne feiz faulte d'envoyer le mesme soir demander audience pour lendemain, car j'avois estéadverty qu'il s'en debvoit partir pour le Pardo et Scuryal , mais qu'il eust disné. Il me feist respondre comme ced. porteur dira à Votre Majesté ; et traicta toutz les ambassadeurs d'une sorte, excepté celluy de Florence qui eust plus de faveur que nous ; et

» Original. Bibl. Nat., ms. fr. 16103, £«612.

soudain après estre deslogé, le mercredy xxj""% veint vers moy le secrétaire Cayes me faire ses escuzes, disant qu'il estoit fort travaillé et las du chemin et mal dispozé de doleur de ventre qui s'estoit convertie eh fluz; cela estoit la cause qu'il n'avoit peu entendre à negotier, me priant, si j'avois à luy dire choze de conséquence, que je luy feisse scavoir par lettre, ce que j'ay faict le xxij de ced. mois. Bien me demanda led. Cayes plusieurs fois si la paix estoit conclue. Je ne luy en vouluz jamais rien dire afin de les tenir en ceste suée, car c'est la nouvelle du monde qu'ilz craignent aultant. Puis, Sire, le jour de la S* Jehan, il retourna à moy le matin me faire responce de la part de Sad. Majesté Catholicque que je luy avois faict grand plaisir de luy escrire ce que je luy voulois dire de bouche. C'estoit, Sire, comment sur ce que son ambassadeur don Francés d'Alava s'estoit plaingt à Votre Majesté contre ceulx de voz subjectz qu'il dict qui molestent les siens sur la mer et en voz costes de ponent, vous, Sire, aviez voulu aller en personne viziterles portzde votre duché de Bretaigne pour entendra la vérité desd. desordres, afin d'y remédier et à autres chozes de votre service; et pour faire cognoistre combien vous desirez conserver et entretenir la bonne fraternité, amytié et intelligence qu'il y a entre Voz Majestez, vous. Sire, avez commandé très expressément estre informé desd. pirateries, et suivant ce qui en sera trouvé et descouvert faire justice et punition exemplaire de ceulx qui se trouveront ataintz et coulpables, sans espargner personne, donnant si bon ordre pour l'advenir que telles pilleries et molestes ne se facent en aucune sorte que se soit. Ce que Votre Majesté m'avoitescript et commandé dud. xxiij de may par courrier exprez le dire et faire entendre à Sa Majesté Calholicque. Icelluy Cayes, Sire, me respondit, ainsi que j'avois commencé de vous dire, que led. S' Roy Catholicque remercie bien fort Votre Majesté, pource qu'il vous a pieu prendre le travail de scavoir et vous informer des pirateries qui se sont faictes et font journellement au long des costes de votre Royaume, comme son ambassadeur vous a dict par mémoire en présence de don Pedro Henriques; et exhorte Votre Majesté le plus chauldement et affectueuzement qu'il luy est possible, de voulloir défendre telles pilleries pour l'advenir, et neantmoins com-

mander justice estre faicte du passé, aûn que la bonne et fraternelle amytié qui est entre Voz Majestez se continue comme de son cousté ne manquera point; s'escuzant, comme j'ay desja touché, de quoy il ne m'avoit peu ouyr, et, car je demandois scavoir comment estoit passé l'accord d'entre Sa Majesté Catholicque et ses rebelles Morisques, pource qu'on en parle diversement, led. Cayes me promist de me le dire dens peu de jours, mais ne pouvoit pour le présent, sinon que c'estoit une rendition d'armes et soubmission generalle de toutz lesd. rebelles qui se sont reduictz à la clémence dud. S'; lequel a délibéré les esloigner six lieues loing de la marine, afin qu'ils n'ayent plus la pratique des Mores de Barbarie; les faict loger et accommoder en la plaine et s'asseure des montaignes par aucuns fortz qu'il y faict faire et y establir bonnes garnisons et es plus importantz lieux de la plaine; de sorte que parmy cela et autres moyens qu'il me diroit ung jour, lesd. Morisques ne pourront rebeller cy après. C'est, Sire, raconter les chozes à Tadvantaige dud. S' Roy; mais je suis adverty qu'il a capituUé avec eulx une bonne partie comme ilz ont vouUu; tellement que lesd. Morisques de paix qu'ilz appellent Chrestiens nouveaulx, parleront et vestiront à leur mode antienne. L'Inquisition ne les maltraictera ny la justice; bien les instruiront par doulceur en la religion chrestienne, laquelle iceulx Morisques promectent tenir et observer. Hz rendront leurs armes; mais on dict que ce ne sont que les inutilles, car ont enterré et caché les bonnes et fault leur paier la valleur de leursd. armes qu'ilz rendent, comme pareillement rendre les captifz et prisonniers d'une part et d'autre; car ilz ont bon nombre de chrestiens en leur pouvoir, sans plus de trois mil qui sont esté envoyez vendre en Barbarie.

Le succez desquelles conditions et autres se verra à la journée, ne si lad. paix et composition aura lien; en quoy beaucoup de gens font doubte; car il est venu advis que la multitude desd. rebelles a refuzé la capitullation et aussitost ont haulcé ung autre roy, lequel s'appelloit Gironcillo ; qui est cause que don Juhan d^Austrieetle duc de Sessc remectentnouvelles forces ensemble. Est bruîct pareillement que dix huict fustes d'Alger descendirent gens, vivres et munitions en la coste dud. Granade, pour secou-

238 DÉPÊCHES DE M. DE FOURQUEVAtX

rir lesd. Morisques et que don Sancho de Leyna avec vingt deux gallëres leur donna la chasse au retour et en print six. Sad. Majesté Catholicque a mandé de nouveau aux bonnes villes d'Andeluzie d'assister avec leurs forces aud. don Juhan d'Austrie. L'on a embarqué les jours passez quatre compagnies d'infanterie en Carthagenne pour Oran et à présent s'y en doibvent embarquer autres quatre pour Itallie.

Au demeurant. Sire, led. Caves me demanda si je scavois quand Votre Majesté envoyeroit pour Madame la Princesse Anne qui doibt estre notre Royne, car son maistre le dezire scavoir et avoitescriptà l'Empereur qu'il fustbien esté content que la raliffication et fiançailles de Yoz Majestez se fussent faictes à mesme jour, aussi bien comme la conclusion de vos traictez de mariage fust prinse en mesme jour et heure. Je ne luy ay sceu satisfaire là dessus, car Votre Majesté ne m'en a rien mandé. Toutesfois l'asseurois je, et Sa Majesté Catholique le doibt ainsi croire, que c'est le plus grand dezir de Votre Majesté.

La Royne Catholicque sera en Espaigne par tout le mois d'aoust. On ne scait encore si les nopces se feront icy ou à Vaildolit ou à Burgos. Le cardinal de Seville et duc de Bejar se trouveront aud. Vaildolit par tout le mois de juillet prochain pour aller à Laredo recevoir lad. Dame Royne. Ne voullant faillir de dire à Votre Majesté comment Domingo Leiton, portugallois, a escript à Bourdeaulx par deçà, que de La Rochelle debvoient sortir cinquante navires armez et n'atendoient pour faire voyle sinon une flotte d'Anglois. Us doubtent icy que ce soit pour assaillir les flottes qui apportent les cinq ou six millions d'or du Peru et de la Neufve Espaigne; lesquelles font estât d'arriver à Seville dens la fin dud. juillet. Et scaura Votre Majesté aussi que l'arcevesque de Cassel d'Hirlande est en ceste court depuis environ ung an et venoit de Rome envoyé el recommandé par le Pape au Roy Catholicque, qui luy donne entretennement convenable en sa court, duquel il s'entretient honnorablement. Il pourchasse que led. S' Roy envoyé une armée aud. Hirlande pour s'en emparer et en chasser les Anglois, asseuré que les princes dud. païs et tout le peuple prendront les armes en sa faveur. Il semble, Sire, que lad. Majesté y preste l'oreille astheurcy plus qu'il ne souloit, car led. arce-

vesque traicte souvent avec les ministres dud. S' Roy plus qu'il n'avoit faict.

Sire, il n'y a si hardy courrier majour ou maistre de postes par deçà qui oze bailler chevaulx aux courriers que votre ambassadeur vous depesche s'il n'a congé et passeport du secrétaire de la charge. C'est une grande tirannye et indignité que votred. ambassadeur soit ainsi subject et que celluy d'Espaigne ayt loy de commander à voz maistres de poste comme s'ilz estoient ses esclaves ou subjectzde son maistre. Je m'en suis plaingt à Votre Majesté plusieurs fois en vain et vous le remonstre de rechef, vous suppliant, Sire, très humblement que ce qui m'est faict par deçà soit rendu en France aud. ambassadeur; lequel pense que le respect qui luy est uzé en infinies chozes comme en celle là^ c'est de crainte que vous avez de son maistre ou de luy; qui est une opinion que ceste nation presumptueuze reçoit facillement et en faict son proffict.

Sire, je prie Dieu qu'il vous conserve et maintienne très longuement en parfaicte santé avec acroissement de royaumes et estatz comme voz plus affectionnez serviteurs dezirent. De Madrid, le xxix"* de juin 1570.

Vostre très humble , très obeyssant et très obligé subject et serviteur.

FORQUEVAULX.