A la Royne
29 juin 1570.
Madame, Si le s' de Tregoyn sera passé heureuzement, il sera de ces heures pour arriver bientost vers Vos Majestez avecques les nouvelles que j'avoisle xvij* du présent; la présente depesche va par Musset, varlet de chambre du Roy, pour faire entendre à Sa Majesté ce que le Roy Catholique m'a faict respondre sur ce qui m'estoit commandé luy dire par la depesche du xxiij""* de may, touchant les plaingtes de don Francés contre les coursaires. Quelque gentilhomme de sa chambre est d'opinion qu'il fera nopces en cested. ville sans aller au devant de la nouvelle Royne
» Original. Bibl. Nat., ms. fr. 16103, f« 614.
plus de huict ou dix lieues loing ; tant y a qu'on pence qu'il ira les faire à Vaildolit ou à Burgos. Il n'a encores receu aucun ad vis de don Jehan de Borge, son ambassadeur en Portugal, soit du mariage du roy son nepveu avec Madame ny d'autre négoce, ce que luy tarde grandement. Almeyde, Madame, qui ne dort pas en votre service, ains s'y employé fidellement, a pensé descouvrir que led. ambassadeur n'a nulle commission ny charge de parler dud. mariage; ains le Roy Catholique veult donner entendre aud. roy, son nepveu, et à son conseil qu'il ne s'en mesle ny meslera plus, et qu'il s'en est envoyé escuser et descharger envers VosMajestez, par la responce que le cardinal de Siguence me feist le dix neufieme d'avril ; laquelle je vous ay envoyée de Cordoua par Lasalle; ce que led. S' Roy protesta semblablement à don Alvaro de Castro à Cordoua, luy dizant comme par reproche que led. jeune roy et son conseil estoient cause que Voz Majestez demeuroient mal satisfaictes de luy de vous avoir demandé mad. Dame votre fille pour la donner aud. roy de Portugal et veoir à présent uzer telle froideur et longueur d'en venir à Teffect après que Voz Majestez la luy avoient promise; de sorte, Madame, qu'il y a de quoy soubspeçonner que led. de Borge ne parlera ung seul mot dud. mariage; mais il a bien charge de braver et protester sur le faict des yles Molucques, dont sans aucun doubte il y aura plus forte guerre ouverte aux Indes entre les subjectz de cesd. Roys qu'il n'y eust eu, et cela en vengence ou pour achaque qu'il preiid du mauvais tour que led. jeune roy et son conseil luy font. Il est neantmoins vray que le xxiij"" est venu lettre dud. don Alvaro de Castro aune dame de ceste court, à laquelle il escript et prie de dire à Almeyde qu'il ne se désespère point dud. mariage, ains ayt bonne esperence qu'il s'acomplira; car desja en sont esté assemblez et tennuz deux ou trois conseils ; et la conclusion est remise à Lisbonne. L'ambassadeur duquel Portugal, icy résident, s'est montré si afectionné pour led. mariage que voyant les dillations dont l'on y uzoit, il pria don Alvaro de Castro de luy faire avoir son congé, lequel lui a esté accordé ; mais il ne sait qui luy doibt succéder. Madame, je prie Dieu vous conserver très longuement en pai^ faicte santé et très acomplie félicité. De Madrid, le xxix"' de juin 1370.
s« 241 ET 242. — il JUILLET i570 241
De sa main : Madame, ung personage m'a dict n'y avoir rien plus vray que les Morisques de Granade persévèrent en leur obstination et cuydent avoir uzé d'un grand strategeme de s'estre deschargez d'environ trente mil bouches disutilles entre homes qu'ilz tenoyent pour suspectz, c'est à scavoir ceulx qui ont capituUé avec Sa Majesté CathoHcque et vieilles gens, fcmes et enffans, qu'ilz n'avoyent de quoy les nourrir; car ceulx qui restent, desquelz on ne scait le nombre, ilz sont toutz homes de combat; et secours leur est venu de quatre cens Mores ouTurcz, ensemble vivres et munitions que le roy de Fez leur a envoyé sur dix huict petites fustes parties du port de Laraix, desquelles au retour don Sancho de Leyne en a prins cinq ou six, car estoyent vuydes de gens et de deffence; et n'y a trouvé sinon vingt Mores mariniers et vingt chrestiens forçatz.
Votre très humble, très obeyssant et très obligé subject, vassal et serviteur.
FORQUEVAULX.
