A la Royne

Madrid, il juillet 4570.

Madame, Le courrier du Roy Catholique m'a promis de vous donner fidellement la présente; il s'appelle Bauldouyn et va depescher vers le duc d'Alve, ayant heu advis icy par voye du gouverneur de Fonterravie que ung gentilhomme dud. duc venant de Flandres par mer est tumbé es mains des Rochelois, avec lequel venoit le dupplicata que ced. présent courrier avoit apporté en juin. Ma lettre, Madame, est pour advertir Voz Majestez que depuis le partement de Musset on a heu nouvelle que don Sanchc de Leyna, capitaine des gallères d'Espaigne, a prins en deux fois douze vaisseaulx de Mores chargés de riz, bleds et farines, et autres vivres en la coste de Grannade, qui venoient de Barbarie aux Morisques rebelles. Pareillement par une lettre du ir" de ce mois il est escript du camp dud. s' don Jehan d'Austrie que le xxix*' dud. juin les Turcz et Mores qui ont aydé ausd. rebelles durant ceste guerre, en nombre de six à sept cens, s'embarquoient pour repasser aud. Barbarie suivant la capituUation et lesd. rebelles se reduisoient peu 5 peu; mais ceulx de Ronde et

242 DÉPÊCHES DE If. DE FOURQUEVAUX

des monlaignes de Beajonicz n'en faisoient pas grand compte, et qu'entre TAbaquy et led. petit roy y avoit heu grand querelle pource que le petit roy n'observoit sa promesse; neantmoins la guerre duroit entre les Espaignols et eulx comme paravant; d'autre part une gallère de Monseigneur de Savoye a prinse une galliote de vingt deux bancs par combat; desquelles prinses on s'est bien resjouy en ces te court, en espérance que lesd. rebelles seront contrainctz par famine à se rendre. Mais ilz sont d'un autre cousté en merveilleux soucy pour dix huict navires que Domingo Leiton a escript de Bourdeaulx estre sortis de La Roctielle grands et bien armés et d'une grosse flotte d'Anglois qui se venoit joindre à eulx; car ont crainte que ce soit pour aller attendre les flottes du Peru et de la Neufve Espaigne qui doibvent arriver en ce mois à Seville ou en aoust qui vient, sans qu'il y ayt remède de pouvoir armer promptement en ces costes d'Espaigne ny de Portugal pour résister ausd. coursaires, n'estant lesd. deux flottes des Indes en esquipaige de guerre sinon pour voiage; et Pierre Melendes qui leur faict escorte n'a que huict gallères ; de sorte qu'il sera esté mandé aux Indiens de s'arrester aux Açores ou en autres isles de seureté; il n'y a dif- Acuité; mais qu'ils sont advertis assès à temps devant que les coursaires les assaillent.

Madame, Sa Majesté Catholique est encores à Escurial où il a gaigné le jubillé ce dimenche neufviesme du présent; et y a esté mal disposé de flus de ventre, à cause qu'à son retour de Seville passant par une ville qui a nom Almagre ses médecins lui conseillèrent de boire de l'eau d'une fontaine qu'on dit avoir vertu de guérir de plusieurs maladies; il en beut, mais elle luy donna aussytost led. flus de ventre qui luy a deuré tousjours depuis, s'y estant meslé une doUeur dedens avec quelque petit accès de fiebvre, tellement que led. S' Roy en est bien maigry; il se purgeoit hier afin d'en envoyer le flus, s'il pourra; et doibt estre dans ce lieu dans ceste sepmaine; et à sa venue il resouldra s'il attendra la Royne en ceste ville, ou s'il ira la recevoir à Burgos ou à Valdolit, faisant ceste court estât qu'elle arrivera en Biscaye dans la fin d'aoust, accompaignée, comme j'ay desja dict à Votre Majesté, de soixante bons navires armés en guerre. Ce seroit folie à moy d'advertir Vos Majestés qu'il leur plaise

N*« 242 ET 243. — 27 juillet 1570 243

mander en tous vos portz de ponent, qu'ilz soient apperceus et advisés pour led. passage, car je m'asseure que cella sera esté faict. Et pource, Madame, qu'il n'y a rien de nouveau du cousté de Portugal despuis que Musset est party, je n'en toucheray autre chose à Votre Majesté sinon que soubdain qu'il en viendra nouvelle digne de vous estre escripte, je ne fauldray de la vous faire entendre par courrier exprès.

Madame, on ne treuve pas bon que le Pape ayt faict votre gênerai de ses gallères; ains cella pourroit retarder de faire la ligue, car ceste Majesté veut le dessus en toutes choses; joinct qu'il ne se fie pas beaucoup de la fermeté des Vénitiens, qu'ils ne soient gens d'accomoder leurs affaires s'ils pourront, et les laisser en blanc en la fâcherie de ceste Majesté. Est cause aussy de quoy les affaires de Grannade ne sont à son gré et de crainte que les flottes soient rencontrées de coursaires, car ce luy seroit et à tous ses subjectz une perte inestimable.

De Madrid, le xj"- de juillet 1570.