Au Roy

Madrid, 27 juillet 1570.

Sire, Je n'ay receu en quatre mois et demy sinon deux depesches de Vos Majestés, la première du xj"' de mars par le 8' de Tregoyn, Taultre du xxiij"* de may par Mousset, ausquelles j'ayresponduetsatisfaictpareuxle xvij^'etxxix^'dejuin; aussy j'ay escript à la Royne du xij' de ce mois par Bauldoin, courrier du Roy Catholique, lequel est allé vers le duc d'Alve sur la resollution du chemin que la Royne d'Espaigne doibt tenir pour venir par deçà, que sera par la mer de ponent, accompaignée d'une puissante armée de soixante bons navires avec plus de dix mil hommes de pied Vallons et Espagnols soubz le prieur don Hernando, fils naturel dud. duc, et descendra à Laredo en Biscaye. On faict bruit icy que lad. Dame Royne attendroit à partir de Spire jusques après les fiançailles de Madame la Princesse Izabeau avec Votre Majesté. Autre chose, Sire, je n'ay peu scavoir de la depesche de Bauldouyn; et estant surprins du souldain parlement de ce courrier nommé le Prouvençal, habitant de Lyon, duquel le duc d'Alve se sert, je ne puis faire plus long discours par

ceste lettre, sinon que je suis en extrême soucy de quoy il y a tant de temps que je n'ay de vos depesches, car sans en recevoir quelcune je ne voy pas qu'il y ayt lieu que j'aille à l'audience, encore que Sa Majesté Catholique soit de retour en ceste ville, depuis le xxj de ce mois, ne s'estant encore laissé voir en public; si est ce (ju'il ne se porta de sa vie mieulx. J'ay entendu, Sire, qu'il faict lever six mil homes de pied pour envoyer à don Juhan d'Austrie en Grannade et toutz les capitaines qui sont près de luy refont leurs compagnies; car elles s'estoient fort débandées; et la guerre est aud. païs aussy chaulde qu'elle a point esté et les Morisques plus obstinés et braves qu'ils ne feurent oncques.

Le secrétaire Cayes m'a faict dire que ce courrier va pour le faict de la veneue de la nouvelle Royne d'Espaigne, à laquelle Sa Majesté Catholique escript de sa main.

De Madrid, le xxvij»' de juillet 1570.